نفتتح دورتنا ط§ظ„ط«ط§ظ„ط«ط© للعضوات بكلمة شكر في حق كل من شاركتنا التميز للرقي بمنتدانا ….. شكرًا أنيقات منتدانا شكرًا مشرفاتنا الساهرات على نجاح الدورة…. بارك الله في الجميع و الف الف شكر. اضغط على الصورة لمشاهدة الوصفة على بركة الله 
],vm hguq,hj hgehgem >>>>>>>>>>>>>>>>>>>>>>>>>>>>>>>>>ohw fhguwhzv ,hg]sdv
فلان بهنريس 
هذا فلان بهنريس ساهل و كيجي بنين نتمنى يعجبكم 
لتر حليب 2 فلان ( انا درت هذا لي فالصورة كيقبط مزيان و لي دارت نوع اخر تزيدفكمية لفلان ) باكية او 2 ديال هنريس الشكلاط اسود 
نصاوبو الفلان عادي كيفما مولفين و نخويو النص فالكاس و نخليوه يبرد غيير شوية و نفرتتو فوقه هنريس و الشكلاط مقطع رقيق و نعاودو نخويو فوقه الفلان طبقة اخرى و نزينو حسب الذوق انا هنا زينتو بالشكلاط مذوب مع شوية الحليب و رشيت فوقه فيرميسيل اسود الصور توضح 
و بالصحة و الراحة نتمنى يعجبكم و تجربوه 
tiramissu ياسلآآآآم يستاهل تجريبتكم أنيقاتي 
يومكم سعيد أنيقاتي والف مرحبا بكم اليوم بغيت نشارككم طريقتي البسيطة في تهييئ تراميسو نتمنى تعجبكم وتجربوها حبيباتي 
دائمآ لمقادير على حسب المول لغادين نخدمو فيه انا درتو كبير وهادو هما المقادير 
*2 بكيات بسكوي الخاص بتراميسو *نصف لتر قشدة طرية+ملعقة زبدة *نصف لتر قهوة وحليب محلى *شكلاط غبرة +شكلاط بالمكسرات *شوية باسطا محكوكة *1فاني+حبيبات الشكلاط 
*اول حاجة كنوجدو قهوة وحليب محلية فحال لكنوجدو للفطور او للكوتي ونخليوها تبرد على جنب *كنخدم القشدة بالطراب أعلى سرعة غير تبدا تطلع ونزيد ملعقة زبدة (الدور ديالها كتوقف لنا لقشدة وكتجي شادة في راسها) 
من بعد ضفت لها فاني وملعقة صغيرة كاكاو باش نهرس اللون الآبيض (اختياري) ودخلتها للتلاجة 
فزكت لبسكوي وستفتو في المول 
سرحت لكريمة ودرت حبيبات شكلاط 
وعاودت بنفس الطريقة 2 طبقات وفي الآخير سرحت طبقة لكريمة 
وغطيتها بشوية الشكلاط غبرة وحكيت فوق منو لورفر وشوية شكلاط بالمكسرات 
ولازم يتغطى ويبات ليلة كاملة في تلاجة 
وعاد في الغد يتقطع ويتقدم على حسب ذوق كل أنيقة 
وبالصحة والراحة أنيقاتي 
باناكوتا بالقهوة وصلصة الشكلاط: 
حاجتنا ف 200 مليلتر حليب+ 200 ميلتر كريم فريش( يمكن إستعمال الحليب فقط أو الكريمة فقط) 3معالق كبار سكر+ 2 أوراق جيلاتين حلال نتأكدو من المكونات أو 2 معالق كبار جيلاتين بودرة + ملعقة قهوة سريعة الدوبان أولا نديرو و لاجيلاتين فالما بآآارد ونخليوها على جنب نخلطو الحليب مع لاكريم فريش وسكر والقهوة ونديرو إسخنو على عافية مهيلة من بعد نزول نخليوه شوية يفقد الحرارة غير شوية ونضيفو عليه لاجيلاتين نكبوه في زليفات أو قوالب فلان وندخلوه لثلاجة يقبط راسو واحد 3 سوايع قل شي وندوزو نحضرو لاصوص الشكلاط سمحو لي ماصورتش المقادير: كاس كبير حليب+ ملعقة قهوة+ ملعقة بودرة كاكاو مر+ 6 مربعات شكلاط+2 معالق كبار نشا أو كريم باتسيير+ملعقة زبدة أوزيت+2 معالق سكر نخلطو الحليب مع النشا السكر الكاكاو القهوة والزيت ونديروهم فوق عافية مهيلة مع التحراك مني يسخن نضيف الشكلاط مربع ونخليو الكريمة حتى تبدا ثقال شوية ونزولوها تبرد شوية ونضيفوها فوق الباناكوتا وندخلوهم إبردو مزيآآآآان كيفما كاتلاحظو كايبانو 3 طبقات ونقدموها بالصحة والراحة 
ديسير ببسكوي البودوار و الكريم و الفريز 
بسكوي البودوار الكريم ( اما كريم فريش اما كريم شانتللي و انا هنا درت كريم فريش ) فريز مقطع رقيق و زدت عليه سنيدة و خليتو حتى طلق مزياان 
صفيت الفريز من الماء لي طلق و زدت عليه شويية الماء و بديت كندوز فيه البسكوي و نستفو فطبسيل التقديم و كنت مطلعة من قبل الكريم فريش مع السكر كلاصي ( درت تقريبا نصف لتر كريم فريش مع 60 غ سكر كلاصي و طلعتهم بالطراب الكهربائي ) و درت القليل من الكريم فوق البسكوي و درت فوق الكريم الفريز و عاودت نفس المراحل و في الاخير حطيت البسكوي و زينت بالكريم و الفريز و ممكن تديرو اي فاكهة بغيتو و بالصحة و الراحة الصور توضح 
نتمنى يعجبكم و تجربوه لا تنسوني من دعواتكم و لكم بالمثل 
كوكتيل الخضر طبقات السلام عليكم أنيقاتي الفاضلات ، كولشي عارف بان كوكتيل الفواكه تايجي غزال لا فالمنضر ولا فالمداق … و بما أن شعارنا في هاد الدورة هو التجديد والابتكار ،ليوم غادي نقترح عليكم كوكتيل بالخضر لي حتى هي غنية بالألوان والأدواق والنكهات المختلفة ، وبزاف ديل الأنيقات فايت لهم مجربين عصير بمختلف الخضر ، لهدا ،جاتني الفكرة نوظف هاد الخضر فالكوكتيل وفعلا طبقت الفكرة وجات في منتهى الروعة لا في المداق ولا في الشكل نخليكم مع الطريقة بالمراحل المصورة . مقادير الطبقة الاولى 
غادي نحتاجو باربا مسلوقة ومنقية ، نصف كاس كاس عصير ليمون . و- 2 معلق سنيدة قطرة من نكهة توت 
مقادير الطبقة التانية 
غادي نحتاجو ليها 2 خزوات وبطاطا متوسطة 2 معلق سنيدة وكاس عنبة ديال عصير ليمون وقيطرة روح الخوخ 
نسلق بطاطا وخيزو نصفيهم ونطحنهم مع باقي المقادير مقادير الطبقة الثالثة 
نحتاجو قرعة وحدة كبيرة و بطاطا وحدة كاس حليب 2 معلق سنيدة و نكهة فانيلا 
نسلقو بطاطا وقرعة خضرة نصفيوهم ونطحنوهم مع باقي المقادير 
دبى ملي وجدو عدنا جميع الطبقات ندوزو نمونطيوهم فالكيسان 
هاهما وجدو 
زوووم على الطبقات ما أحلاها هههه 
لي شاط ليا زدت عليه عصير ليمون وعاود طحنتو ج غزااال 
وبصحتكم وراحتكم
مشروب سكينجبير طري و زعفران الحر. 
هاد المشروب صحي لذيذ و تيسخن الجوف. طريف سكينجبيرطري (3سم تقريبا) حسب الرغبة. شوية زعفران حر. عسل. 4 كيسان ماء مغلي. 
نحك سكينجبير طري فإناء ونزيد عليه زعفران الحر مسخن ومحكوك بين كفين. نكب على الخليط 4 كيسان ماء مغلي وسخون بزاف. نخليه يرتاح 10 دقايق. 
و هاهو واجد نقدمو بمعلقة عسل. بالصحة والراحة. 
نتمنى يعجبكم و تجربوه. 
عصير البرتقال لموسم الشتاء 
عصير ساهل وفي متناول الجميع والفاكهة لمجودة فهاد الموسم الكمية حسب ألاشخاص حاجتنا أخواتي: برتقال معصر نحتافضو بالخلاصة + زرودية (خيزو) مقطعة ومسلوقة + دانون نكهة بنان+ سكر حسب الذوق+ تفاح 
في الخلاط نوضعو الجزر مع الماء لي سلقناها فيه + الخلاصة لي بقات لينا من عصير البرتقال نطحنوهم ونضيفولهم التفاح ونخلطو من بعد نضيفو عصير البرتقال نصيفو الخليط ديالنا ونضيفولو دانون ونخلطو ونضيفو السكر حسب الذوق 
ونقدموه بالصحة والراحة 
اللهم إجعل هذا العمل خالصا لوجهك الكريم
عصير بينا كولادا 
هاد العصير شفتو صدفة بالنت ، عجبوني مكوناته وجربتو وفعلا كان عصير لذيذ وساهل التحضير ، أنناس كريمة جوز الهند حليب الكمية طبعا حسب عدد الأشخاص وحسب ذوقكم واش بغيتو مذاق الكوك يكون قوي أو خفيف، وحسب كيفاش بغيتو العصير خفيف أو ثقيل 
الطريقة طبعا كأي عصير : كناخذ قطع الأنناس مثلا 3 قطع ونضيف ليها مقدار نص كوب كريمة جوز الهند ، ونضيف الحليب ، كمية الحليب على حسب كيفاش بغينا العصير ثقيل أو خفيف ، كنخلط كلشي في الخلاط الكهربائي بدون إضافة سكر ، لأن كريمة جوز الهند حلوة والأنناس أيضا حلو وها العصير واجد بالصحة والراحة ، كيجي لذيذ بزاف
ديسير صحي بأفوكا . 
1 حبة أفوكا . 100غ شكلاط من النوع الجيد (70% على الأقل) 6 تمرات صغار أو 4 كبار أو 3 حتى 4 معالق كبار عجينة تمر ( حسب متوفر) 1فانيل. نص كاس صغير حليب. 
نذوب شكلاط فحمام مريم. إلى كنا غنستعملو تمر من الأحسن نرطبو عدة ساعات فلحليب. نطحن أفوكا مع تمر و فانيل و نزيد عليه شكلاط مذوب بعد ما برد شوية. 
ساهل ماهل و لذيذ. نزينو حسب الذوق والموجود. 
