نفتتح دورتنا الثالثة للعضوات بكلمة شكر في حق كل من شاركتنا التميز للرقي بمنتدانا …..شكرًا أنيقات منتدانا شكرًا مشرفاتنا الساهرات على نجاح الدورة….بارك الله في الجميع و الف الف شكر. اضغط على الصورة لمشاهدة الوصفة على بركة الله 
],vm hguq,hj hgehgem>>>>>>>>>>>>>>>> ohw fhgh’fhr hgvzdsdm
تتمة فهرسة الاطباق الرئيسية
دجاج بالحمص والزبيب 
دجاج الكمية حسب الموجود زلافة حمص مرطب ومفسخ زلافة زبيب 2 بصلات كبار مشنفين (إلى كانت البصلة بيضا يكون أحسن) 2ضريسات الثومة محكوكين ملعقة صغيرة سمن 2 معالق ربيع مقطع ملح إبزار سكنجبير بسبيسة وقعقلة عويدات القرفة راس ملعقة راس الحانوت أو المساخن خرقوم بلدي أنا مادرتش الزيت لكن يمكن ليكم تزيدوه 
نشرملو الدجاج ونديروه فالطنجرة شوية يتصهد بدون زيت ولابصل من بعد نضيفو البصلة ونشحروه مزيان اللي بغات الزيت ضيفو أنا إكتفيت فقط بالسمن والدجاج فيه ليدام ديالو من بعد ماتشحر نزيد الما لقياس فاش إطيب وكذلك الحمص ونسد عليه مني يطيب الدجاج نزولوه من الطنجرة و نضيفو الزبيب اللي سبق لينا غسلناه ونقيناه من لعويدات ديالو وشحرناه فشوية الزيت باش يتنفخ ونضيف ملعقة صغيـــــرة عسل وملعقة قرفة مطحونة ونخلي المرقة حتى تشرب مزيان ناخذ الدجاج ندهنو بزبيدة أو شوية سمن وندخلو يتحمر ونقدم الطبق بالصحة والراحة 
طاجين القوق و البطاطا : 
-كفتة الدجاج مخلطة مع القليل من الارز مصلوق نص سلقة و الربيع ومع 1 م ك كريم فريش و الثوم و التوابل -6 حبات قلب القوق * نحكوه بالحامض* -3 بطاطات * نخويو ليها القلب* -3 حبات ماطيشة -1 بصلة -1فص ثوم -1 ملعقة متوسطة و ربع ماطيشة الحك -300ملل ماء *تقريبا 2 كيسان عنبة* -قزبر ومعدنوس مفرومين -زيتون -توابل: ملح ابزار كامون تحميرة سكين جبير خرقوم سودانية في طاجين نستف دوائر البصلة وفوق منها دوائر ماطيشة و فص الثوم مفروم و 1 م ك زيت بلدية + 1 م ك زيت رومية + التوابل + القليل من الماء ونخليهم حتى يتقلاو شوية 
نزيد من الفوق الربيع مفروم + الماء مخلط مع ماطيشة الحك ونخلي الكل حتى يتقلى مزيان 
نغسل القوق من الحامض و نعمرو بكفتة الدجاج و كذلك حتى البطاطا ونستفهم نخلي الكل على نار مجهدة شوية حتى يغلى ونقص على عافية مهيلة ونغطيه ونخليه يطيب وكل مرة نبقى نهز من المرقة ونسقي بيها القوق و البطاطا بلا منحركهم من بلاصتهم 
منين يقرب يوجد نزيد الزيتون من الفوق – ردو البال متخليوش الطاجين ينشف من المرقة حيت باقي يشرب من بعد مانطفيو عليه + كذلك ميطيبش فوق القياس باش متنشفش الكفتة ديال الدجاج- 
التقلية بلحم الراس والحمص ياسلآآآام أنيقاتي 
هد الطبق كيجي لذيد بزاف ومريقتو تشهي من البعيد وياسلام على ختورية نتمنى تجربوه أنيقاتي اكيد غادي يعجبكم 
لقسم الله لحم راس وتقلية رابعة حمص مرطب 2 حبات بصلة متوسطين ربع كاس زيت ملعقة صغيرة ملح ملعقة إبزار ملعقة تحميرة وملعقة سكنجبير وخرقوم عرق 2 معالق كبار قزبر مقطع 4 فصوص تومة 3حبات قرنفل 2 عويدات قرفة 
نغسلو لحم راس وتقلية ونقطعوهم 
نزيد لبصلة محكوكة وتومة محكوكة وربيع ولعطرية كلها 
نخلط مزيان نخليهم يتقلو شوية من بعد نزيد 2 كيسان ماء ونسد عليهم يطيبو شوية 
يدخلهم طياب ونزيد لحمص وحبات قرنفل ونعاود نسد عليهم 
هانا هاهما طابو حتى طلقو ايدامهم امممممم 
حتى يطيب الحمص ونقدمو في الطاجين مع شوية لهريسة 
وبالصحة والراحة أنيقاتي
طاجين سردين بزيت الزيتون مميز 
بسم الله نبداو وصفتنا جميع 
طبعا أخواتي السمك نضفوه ونغسلوه ويستقطر 1 حاجتنا في شرمولة السمك : عصير الحامض كوب شاي زيت زيتون ملعقة( ص) كامون نصف ملعقة(ص) إبزار قزبرة وبقدونس مفروم قليل ملح أربع فصوص من الثوم إخلطي الكل وأضيفي السمك وضعيه جانبا 
2 مقادير الطبخة: بصل+بطاطس+ طماطم+ فلفل 
في الطاجين نضع شرائح البصل مع البطاطس وقليل زيت زيتون ورشة ملح وقليل من الماء ونتركه فوق نار هادئة مدة 10دقائق 
من بعد نوضعو السمك و نحكو الطماطم ونخلطها مع ما تبقى من الشرمولة ونوضعوه فوق الطاجين ونزين بشرائح من الفلفل والحامض مصير ونتركه يطهى على نار مهيلة .بدون إضافة الماء 
وهاهو طاجينا بألف صحة وهنا وتمتعولي بالمذاق المميز 
الوصفة ممكن أن تطهى ايضا في الفرن من بعد ما نشحروها فوق النار 
وتمتعولي بالمذاق المميز اللهم إجعل هذا العمل خالصا لوجهك الكريم
سفة بالشعرية مدفونة باللحيمات مقطعين 
هادي سفة بالشعرية مدفونة باللحيمات مقطعين كتجي غزاالة و لذييذة على ربي تعجبكم 
الشعرية الرقيقة ديال السفة ( انا هنا درت كيلو ) الهبرة داللحم البكري مقطعه رقيقة شوية الملح سكنجبير خرقوم شوية القرفة شويية ابزار ( نسيت ما صورتوش ) المعدنوس مقبط 2 بصلات متوسطين مشلظين الزيت البلدية و الرومية مخلطين الزعفران شعرة راس الحانوت ( اختياري ) 2 معالق كبار عسل دهنت الشعريه بالسفة و زدت عليها الملح و فورتها بالطريقة العادية و كل مرة كنرشها بالماء بارد حتى كتطيب انا كنفورها شي 7 المرات و لكن كل وحدة تدير طريقتها درت البصلة فكاميلة مع الزيت و زدت عليها اللحيمات المقطعين وخليتهم تشحرو مزياان عاد زدت العطرية و المعدنوس و الزعفران شعرة و راس الحانوت و ملي كنلقاها شربات كنزيد الماء بشوية بشوية حتى طابت و زدت عليها العسل و خليتها شربات و بقى فيها غيير شويييية دالمرقة الصور توضح 
و من بعد ما طابت الشعرية زينتها بالمقادير التالية اللوز محمر في الفران بقشرته الزبيب مسلوق السكر كلاصي القرفة البيض مسلوق العسل الزبدة البلدية سنيدة طحنت اللوز المحمر و من الاحسن يكون غير مهرمش و درتو فمقلة و زدت عليه شوية الزبدة و العسل و القرفة و خلطتو و شعلت عليه حركتو شوية فوق النار و طفيت عليه باش ما يتحرقش الزبيب بعد ما تسلق زدت عليه سنيدة و القرفة و خليتو تعسل البيض سلقتو و قطعتو بقطاعات صغار دهنت الشعرية بالزبدة و زدت عليها السكر كلاصي و الزبيب المعسل و شديت مول دهنتو بالزبدة و حطيت فيه شوية الشعرية و حطيت فوقها اللحيمات المقطعين و عاودت درت طبقة اخرى من الشعرية و قلبتها فطبسيل بشوية باش ما تتحلش و زينت جنابها فالزبيب و حطيت قطاعة كبيرة شوية على شكل قلب و حطيت وسطها الشعرية و حيدت القطاعة بشويية و دورت على القلب الصغير اللوز و زينتها بالبيض و السكر كلاصي و القرفة الصور توضح 
ممكن نقدموها هاكا و ممكن غير بطبسيل بالطريقة العادية و ممكن نحطو اطار و نحطو الشعرية ديالنا و نهزو الاطار 
نتمنى تعجبكم لا تنسوني من الدعاء
هذا كتف مشرمل و محمر و منسم بطريقة جديدة نتمنى يعجبكم 
كتف غنمي المعدنوس مقطع رقيق الثوم نص كاس ماء ملح تحميرة كمون خرقوم زريعة القزبور السودانية ( اختيارية ) نخلطو كل المقادير و نحكو بهم مزياان الكتف و نخليوه يشرب الشرمولة انا درتو في الثلاجة ليلة كاملة و في الصباح درتو في الكسكاس و فورتو و ملي طاب دهنتو بالموطارد و درتو فمول و دخلتو للفران يتحمر انا شرملتو بهاد الثوم بالملح لي انا كنصاوبها فالدار و كتكون موجودة عندي فوقاش ما بغيتها حيت فيها هاد المقادير لي حطيت كلها من غير الخرقوم زدتو ملي بغيت نشرمل الكتف 
الصور توضح 
رافقتو بالشعرية الصينية مشرملة 
2باكيات صغار شعرية صينية القزبور و المعدنوس مقطعين رقاق بصلة متوسطة مشلظة الشومبينيون التحميرة كمون خرقوم زريعة القزبور سكنجبير شويية الابزار الزيت نديرو الشعرية الصينية في كسرونة و نخويو عليها الماء غليان حتى ترطاب و نصفيوها و نقطعوها شوية بالمقص البصلة نشحروها في الزيت و ملي تشحر نزيدو عليها الشومبينيون يطيب شوية و نطفيو عليه الماء لي كان فالبرمة لتحت فاش طيبنا الكتف ملي نهزوه يتحمر نخليو هداك الماء يزيد يشرب مزياان و يبقى غير شوية و نديرو فيه الشعرية الصينية + البصلة و الشومبينيون لي طيبنا من قبل و نزيدو عليهم الربيع و العطرية و نخليوهم يتشحرو غير ينشفو نطفيو عليهم 
ملي يتحمر الكتف و تنشف الشعرية الصينية نحطو الشعرية في طبسيل و نحطو فوقها الكتف و بالصحة و الراحة 
نتمنى يعجبكم و تجربوه لا تنسوني من الدعاء 
السلام عليكم ورحمة الله كرتان بالمقرونية والخضر في طنجرة نديرو الما يغلى و نسلقو المقرونية مع ورق الرند وشويش الملح ناخذو مقلة نشحروفيها شوية اللحم أولداند أو دجاج كفتة حوت اللي موجود مع شوية الزيت ملح إبزار وملعقة صغيرة موطارد وأي أعشاب منسمة متوفرة وفي مقلة ثانية شحرو بصلة متوسطة مع شويش الزيت وضيف خزو محكوك من بعد الكورجيط ومن بعد الجلبانة مصلوقة يمكن إضافة أي خضر أخرى مثل البروكلي فلفل ألوان شومبنيو نملح ونزيد 1/4ملعقة صغيرة إبزار نخلي الخضر تشحر مزيان ونطفي عليها وندوز نوجد لابشاميل (2 ملعقة زبدة أو أي دهن حسب رغبة+2 ملعقة دقيق أو نشا+ملح إبزار حكة كوزة إختيارية+1/2 لتر حليب) من بعد ماتغلى لابشاميل ضيف ليها 4 معالق كبار ماطيشة مطحونة وملعقة ربيع نخليها شوية تغلى ونزولها من فوق النار ونزيد فرماج إما محكوك أو مثلث ندهن المول بزيت أو زبدة ونرشو بلاشابلير ونوضع 2 معالق لاصوص نضيف طبقة مرونية مع لاشاميل وطبقة خضر مع اللحم ونزيد طبقة فرماج محكوك عاد نزيد لابشاميل وطبقة مقرونية نكمل لاصوص اللي بقات ونزيد لفرماج ولاشابلير وندخلها للفرن مدة قصيرة باش المقرونية ماتنشفش من الما وتجي قاصحة وبالصحة والراحة 
بسطيلات صغار بالكفتة مقادير مع الطريقة 
نشحرو بصلة مع فلفلة 
من بعد نزيدو كفتة 
مني طيب كفتة نزيدو عليها شعرية صنية لرطبنها قبل في ماء سخون وقطعتها +معدنوس+زيتون مقطع+توابل ملح +ابزار+تحميرة+شويةكامون+هريسة نخلطو كلشي مزيان نخليوها واحد 5 دقايق وديرو حشوة ديالنا فشي كسكاس تقطر باش متقطعش ورقة 
ندهنو ورقة بالزبدة مخلطة مع زيت انا درتها فطبسيل صغير باش تجني خدمة ساهلة درت فوق حشوة شوية جبن مثلت وجبن محكوك 
دهنتهم بالزبدة مع زيت وطيبتهم في فرن 
مني طبو زينتهم بوريدات بالفرماج ومطيشة صغيرة وسلطة ديال بطاطا