دواء الزكام او النزلة دخلوا ما غتندموش

جبت لكم اليوم واحد الوصفة ساهلة و لكن و الله ما تصدقوا التاثير ديالها عليكم انا و راجلي كنا كنموتوا ب ط§ظ„ظ†ط²ظ„ط© و انا نتفكر ماما الله يرحمها كانت كديرهالنا و انا نوض درتها و الله القسم ثم و الله ثم و الله ايلا تبهرت فراسي اللغدا ف الصبح ملي فقت و لقيت راسي بحال اللي كنت كنكدب
بلا منطول عليكم الوصفة هي هادي
كاس د السميدة د الشعير رقيقة
ضرس د التومة محكوك او طراف اللي كيقدر ياكلها صحيحة
مليحة
معلقة صغيرة سكين جبير و من الاحسن ايلا كان مطحون ف الدار
معلقة كبيرة مزيان د فليو مطحون
زيت بلدية انت و جهدك علاش تقدي 2 معالق او نصف كاس علاياش ما قديتي
المهم كديري هادشي كلو ف الكوكوط تزيدي الماء الكافي و تقفلي شي 10 دقائق او عينك ميزانك
و كوليها حتى تجي تنعسي و انت سخونة
واخا يجيك العطش بالليل حاولي ما تشربيش و تغطاي مزيان
و الصبح ردي علي الخبار
احنا هاد الوصفة كنسميوها ادفي ADFI

---

],hx hg.;hl h, hgk.gm ]og,h lh yjk]l,a dkhl

الله يجازيك بخير على هاد الوصفة كل مكوناتها صحيين ومتوفرين
والله يرحم ماماك ويوسع عليها ويبارك ليك فصحيحتك

شكرًا أختي كنت كنقلب على شي حاجة بحال هكا للبرد الله يرحم الوالدين

لا شكر على الواجب اخواتي و لكن راني نتضر رد اي واحدة جربت هاد الوصفة

واش حتى واحدة معجباتها الوصفة ديالي

ختي عجباتنا الوصفة أنا ما ضاربنيش البرد دابا ملي يصمكني نجربها هههههههه
واش تصلاح للحساسية حيت الوالدة ديالي فيها ودابا سدرها مزير

الله يجازيك بخير ويرحم ليك الوالدين، ويجعل للوالدة هاد الوصفة صدقة جارية ياربي آمين

اختي هاد الوصفة ايلا ما نفعات ما تضر
و لكن حتى ماما كانت فيها الحساسية كانت تاخد سكين جبير اخضر محكوك في الماء كانت ديرو ف طرموس فيها الما سخون و تخليه شوية شي ساعة و تحل تشربه و هو دافئ
الله يشافي ماماك و لايباس عليك اخيتي من شي نزلة ههههههههه

الله اجازيك بيخير اختي والله ارحم الوالدة ديالك ويرزقها الجزاء على هاد الوصفة لي وصلاتها لينا من خلالك
ان شاء الله فاش نتروح ههه ونجربها غير واش كاتصلاح لكولشي سواء الرقبة مسدودة ولا النيف اوالكحة ؟

شكرًا أختي