دخلي قولي لينا وقتاش بديتي كتوكلي ولدك

السلام عليكم
عواشر مبروكة على بنات اناقة كاملين
انا بغيت كل وحدة منا تقول ظˆظ‚طھط§ط´ بدات كتوكل ولدها ولابنتها وباش بدات ليه
باش الامهات جداد يستافدو ونتمنى الموضوع اعجبكم ومايكونش مكرر
انا في ولادي الاولين كنبدا على اربعة اشهر ونبدا ليهم بالماء ديال الخضرة والماء ديال الروز
اما دابا باقي ولدي ماكملش اربعة اشهر
وكاين ليكيقول خاص حتى يكمل ستة اشهر ولكن الاكثرية ديال الناس كيبداو في اربعة اشهر
نتمنى تفاعلو مع هادالموضوع باش اكون فيه افادة للجميع

---

]ogd r,gd gdkh ,rjha f]djd ;j,;gd ,g];

واقلة ماعجبكومش الموضوع ليدخلات كتهرب ههههههههههه بلا ماتخلي حتى رد

السلام اختي و الله ايلا موضوعك زوين وجا في وقتو انا اول ولادة ليا هادي و بنتي قربات تكمل 4 اشهر ان شاء الله و بديت كنعطيها نهار آه و نهار لا الماء ديال الروز حيت قالو ليا مزيان و كيحيد حتى التوتة و مكرهناش الاخوات يزيدو يفيدونا

شكرا لك اختي على المرور
انا ولدي تقريبا عندو ثلاثة اشهر ونصف مزال مكانعطيه حتى حاجة
نتمناو من البنات كل وحدة تعطينا باش بدات الاولادها ووقتاش بدات تعطيه الاكل

السلام عليكم ورحمة الله وبركاته انا اول ولادة ليا حتى بقاتلو تقريبا 10 ايام على 6أشهر عاد بديت نعطيه الصوب (خيزو بطاطا لفت….)كنوعلو كل مرة نزيد حاجة قرعة حمرا بطاطا حلوة المهم وفي الصباح شي 2 معالق كبار عصير ليمون ديال اليد عندآآآآآآآكم تعطوهم ديال العلب وفي العشية كندرلو كوموط ديال البنان او التفاح او جاص لي موجود كل نهار حاجة….والماء ضروري…..آه ومنين كنبغي نقضي شغالي كنديرو يطيش ونعطيه طريف دبال الخبز القمح يجبد فيه هههههه وتمر حتا هو مزيان وشريحة الى تفكرت شي حاجة نقولها

شكرا لك اختي على مرورك
والله يخلي ليك وليدك

Up

أختي أنا بنتي كنت متبعة لها مع الطبيبة وهي اللي قالت ليا وكليها على 6 أشهر لحقاش لقاو بأن الدراري الصغار اللي كلاو قبل هاد الوقت مني تيكبرو تيولي عندهم مشكل المصارن كانت نصحاتني نعطيها ورق القزبر + شوية خيزو + شوية بطاطا + قريعة مع شوية الملح وكل نهار نعمل لها منسم فحال ليوم عملت صدر الدجاج غدا اللحم بعدو فروماج و الحوت الأبيض أما أصفر البيض حتى من ورا 9 أشهر و في العشية نعمل لها كومبوت الفواكه أو دانون نعمل بنانة نشويها شوية فوق البوطة ونوكلها لها وشرب الماء

أختي أنا وكلت ولدي على 4اشهر بديت نعطيهالما ديال الروز او ما الخضر تم بدئت ليه بطاطامسلوقة لمدة3ايام ثم كل المرة كنضيف ليه خضرة لمدة 3 ايام لتكون عندو حساسية ديال شي نوعهادشي فالغدا و بليل بنانة او كمبوط التفاحو ف6اشهر بدئت نعطيه دجاج و الحوت مطحونمع الصوبة

السلام عليكم ورحمة الله فعلا موضوع جيد نتمنى نستافدو نفيدو علاش لا
بالنسبة للرضع اللي كيرضعو من الثدي يمكن يبداو الماكلة جتى ل 6 أشهر أما بالنسبة للكياخدو حليب اصطناعي فقط فكيبداو الماكلة على 4 أشهر لأن الحليب الاصطناعي كيكون ناقص بزاف مقارنه مع حليب الثدي