دخلو شوفولي هاد الشكيلات واش يحمرو لي العين

السلام عليكم ورحمة الله تعالى وبركاته هاد النهار طلبات مني ختي نصاوبليها صابلي تاخذو فيدها لشي أصدقاء راجلها ومنها إشهار ليا هههههههههه وعلاش لا دبا قولولي رأيكم وحتى نشوف واش عجبوكوم عاد نكتب الطريقة و المقادير

السلام عليكم المقادير لي عملت هي:
رابعة زبدة لدة، ساشي فاني ،نص خمارة حمرة ،كاس ديال العنبة ونص سكر كلاصي ، كاس ونص ديال العنبة زيت،2 بيضات، 2معالق كبار مايزينة اختيارية. الدقيق على حسب المقادير خص تجي ما قاصحة ما رطبة
اولا نخدمو الزبدة مع السكر والفاني حتى يولي كريمي ونبداو نضيفو الزيت ثم البيضات ثم الخمارة و اللمايزينة و الدقيق كما في الصور

انا قسمت لعجينة كل وحدة باش نسمتها وحدة بلاغوم كافي وحدة بروح اللوز وحدة فاني على هاد الشكل

من بعد طلقت العجين و شكلتو دوائر وحدة متقوبة وحدة لا طيبتها ودردرت فوقها سكر كلاصي وجمعتها بالناباج مع ملون بيض ودرت لمسة ديال الكاكو من الفوق وعملت وريدات من عجينة السكر لصقتها لفوق

والجوانب بلكوك وحصلت على هاد الشكل :

سمحولي ما صورتش الطريقة مزيان حيت مكانش عندي الوقت كنت مزروبة ومكانش لي يصورني كنت غير كنخطف تصيورات
خليكوم معايا بلا ردود حتى نكمل

هاهو الشكل النهائي:

والشكل المربع انا نقلتو من الاخت ريم2019 ممكن ط¯ط®ظ„ظˆ تشوفوه

والرابوز حتى هو نقلتو من عند الاخت ريم2019 مع إضافات من عندي فالحشوة انا استعملت صابلي واجد طحنتو وخلطتو مع شوية ديال الناباج
هكا

وطلقتو وقطعتو على شكل رابوز ولكن غير النصف الاخير ديالو باش يجي طالع من الوراء بحال الرابوز ولصقت كل زوج روابز ووسطهوم الحشوة نيت بالنابااج و دهنتو فالاخير بالناباج و خشيتلو فمو فلكوك

الشكل الأخير درتو على شكل ورقة شجرة واحدة عادية ووحدة قسمتها على زوج و نقشتها و طيبتها ووفاش طابت لصقت وحدة وبص وحدة منقوشة و النص لاخور بعجينة السكر مع الكاكو منقوشة حتى هي و دهنت فالاخير بالناباج

وها الشكل النهائي

---

]og, a,t,gd ih] hga;dghj ,ha dplv, gd hgudk

تووووحفة
الله يعطيك الصحة اختي

تبارك الله عليك زوينين الله يعطيك الصحة
علاش لا ديري ا لاشهار بحالك خصها تطور ابتكرات لعندها
الله يوفق ياربي

شكرا حبيبتي على هاد الرد المشجع ديالك وانا محتاجالو ههه ا انثى خصها تطور إبداعاتها على ود ولادها و راجلها في المستقبل و الله يجازيك بخير

ختي زوينين تبارك الله غير كملي

لي وليك احبيبة و شكرا على الرد المشجع

إزين إيامك أزين

wa3rin tbark llah 3lik

تبارك الله عليك أشكال رائعة
ماشي يحمروو العين و صافي تايحمرو حتى لحنيكات ههههههه

شكرا حبيبتي