السلام عليكم و رحمة الله تعالى و بركاته
بلا ما نطول عليكم نبدا على بركة الله
المقادير : نصف كيلو لوز مصلوق و مطحون مع ربع كيلو سكر – 2 حامضات محكوكين – 1 بيضة او 2 بيضات حسب نوع اللوز – راس المعلقة خميرة الحلوى للتلصيق : نستلي مطيب او كونفتير انا عملت كونفتير القرع كتجي لذيذة بزاف للتزيين : شكلاط ابيض – نكهة الحامض – ملون غذائي اصفر – عجينة اللوز ( خضرا -برتقالية او اي لون بغيتي ) – حبات فضية .
الطريقة : خلط اللوز و السكر و قشور الحامض و الخميرة و زيد البيض وحدة بوحدة حتى تجمع العجينة و اذا شفتيها قاصحة زيد صفار بيضة (و البياض عينك ميزانك ) و خليها ترتاح شوية .
وفوق طابلة مرشوشة بمايزينا قرص العجينة بسمك نص سنتمتر و قطع بالمرشم ( انا عملت مرشم مدور ) و حط فطاوة مدهونة بالزبدة و مرشوشة بالدقيق و دخلها للفران و تكون العافية مهيلة ( انا كنشعل غي لفوق حيت دغيا كتطيب ) و ملي تبرد مزيان لصق وحدة مع وحدة و غمس فالشكلاط مدوب مع نكهة الحامض و الملون و زينها بعجينة اللوز بحال الصورة . كنتمنى تعجبكم و تجربوها و تردو علي لخبار راه كتجي لذيذة .
]og, ja,t, ,hp] hgpgd,m h`h u[fj;l
تبارك الله عليك
الله اعطيك االصحة