دخلو تشوفو مغتندموش طرطلة محشية بالكفة

بسم الله الرحمان الرحيم عشايا اليوم نتمنى يعجبكم مرحبابيكم
مقادير عجين
500غ طحين فرينة
100 غ زبدة
معلقة صغيرة ملح معمراش مزيان
معلقة صغيرة خميرة عجين عامرة
شوية فرماج محكوك
حليب حسب الخليط
مقاديرحشوة
250غ كفة
2 بصلة مشلضة متوسطين
شوية زيتون بلا عضم مقطع
شعرية صينية شوية
فرماج مربع ديال سندويتش
ملح.بزار.سكين جبير.زعفران.خرقوم.راس ملعقة كمون.هريسة حسب رغبة
معدنوس
طريقة عجينة
ناخد طحين زائد ملح وزبدة وخميرة وفرماج محكوك ونزيدو لحليب بشوية بشوية ونجمعو عجينة وندلكوها شوية ونخليوها تخمر 20 دقيقة بيما يخمر نوجدو الحشوة
طرقة حشوة
ناخد بصلة نديروها في مقلة مع زيت تشحر مزيان ونزيدو كفة والتوابل ومعدنوس ونخليوها طيب ومني طيب نزيدو زيتون وشعرية صينية بعد من كونو رطبناها واحد 10 دقائق في ماء سخون نقطروها من ماء ونزيدوها الخليط
ونحركو مدة 2 دقائق ونطفيو عليها ونخليو حشوة تيرد شوية.
ناخد عجين بعد ما خمراة نقسموها على 2 ناخد طرف الاول ندلكوه بدلاك على شكل دائري وناخد طاوة فرن ندهنوها بزبدة ونرشوها بطحين ونديرو فيها عجينة لي دلكنا ونديرو فوقها نصف حشوة ونديرو فرماج مربع كما في صور
ونوليو نزيدو حشوة لي بقات ونديرو فوقها فرماج ونجمعو طراف عجين مع جناب وندهنوهوم بالبيض وندلكو عجينة لي بقات ملاحظة يكون عجينة رقيقة 4 ملمتر وعلى شكل دائري ونديروها فوق الحشوة وندهنوها بالبيض
والعجين لي بقايا نديرو بيهوم مستطيلات او اشكال حسب رغبة ونزوقوها من فوق ونوليو ندهنوهوم بالبيض وندخلوها القرن واكلة شهية تتمة صور غنزلهم منبع وشكرا