من طرف : amanarre
مساء الخير ..
بسم الله نبدأ قبل كل شيء نتوما الى بغيتو وجدوها بالدجاج والحلبة انا درتها غير بالقشاوش ديال الدجاج ومدرتش الحلبة ولدي مايكلهاش في الماكلة
درت قشاوش الدجاج في الكوكوت مع زيت العود هاداك لي كيبان خضر راه الربيع حيت انا كنشرمل الدجاج عاد كنديرو في الكونجلاطو
هنا شلظت 2 بصلات صغار وزلافة عدس على قد راجلي ووليداتي بجوج مع انهم معندهومش مع الماكلة بحالي ولكن باباهم تبارك الله عليه وماشاء الله مضربتو بعين
وهنا درتهم في الكوكوت ودرت العطرية ملح بزار سكينجبير 2 دروس توم محكوكين خرقوم شوية ديال المساخن حسب دوقكم وشوية سمن بطبيعة الحال هو لي كيزين ط§ظ„ط±ظپظٹط³ط© ونتومة زيدو الحلبة ورديت الكل يتقلى
هاهي لالا مولاتي البابيون رميتها في البلول ودرت فيه واحد راس معلقة صغيرة زبدة ونتركها تطيب ربع ساعة على نار متوسطة مع التحراك مرة مرة باش ماتلصقش وماترونش
ودابا طابت خلطها مع الحشوة بدون الدجاج وزدت شوية ربيع باش كيعطي نسمة زوينة
درتها في الطبسيل لي غتقدم فيه وقشاوش الدجاج من فوق
وهاهي واجدة مع عصير وشوية ديال الديسير
الحمد لله الدي اطعمنا من غير لا حول لنا ولاقوة
]og,h fhg.vfm ja,t, hgvtdsm f papillon
ان شاء الله ضروري نجربه
سلمت يداك
تسلم الايادي
الله يعطيك الصحة
الله يعطيك الصحة