ملي كانو الولاد صغار مكانش عندي مشكل
دابا كبرو
خاصهوم بيتهم بوحدهوم
وانا الدار عندي صغيرة
شنو ندير
إمكانياتي محدودة
ماتقولوليش قلبي على سكنى
ظروفي لا تسمح
قولولي كيفاش نتصرف
الدار فيها 2 بيوت
1 بيت نعاس و2 بيت لجلوس
وعندي كولوار طويل متران على 6 متر فيه دايرة فراشات الدراري دايرة 2 فراشات 1 فوق 1(ولدان وبنت أصغرهم 14 عاما وأكبرهم 17 عاما)
اللي بغا يبدل حوايجو فيهم خاصو يدخل لبيت نعاس,اللي بغا يحفظ كيدخل لبيت نعاس وهكذا
كيوقع دباز على بيت نعاس شكون غدي يسبق و و و …
المهم ولات مشاكل بسبب الضيق
حامدة الله وشاكراه عايشين الحمد لله بخير هذا المشكل اللي عندي فحياتي
فتيو عليا شي راي
معارفاش كيفاش يمكن لي نتصرف باش نتغلب على الضيق
أنا متأكدة بأنني غادي نصيب الحل عندكم
أنا هنا كانتسنى الردود
ولهلا يخاطيكم عليا
]hvd wydvm ohv[
و المراح و لا كولوار ديري فيه السدادر
واخا غ واحد و خرجي ليه تلفازة
حسن
و الله يسر ليك ماصعاب
اما فكرة ندير البيت الثاني للأولاد والله فكرت فيها
أنا أصلا ميجيش عاندي البراني
وخا غادي تكون الجلسة شوية معدبة إنما غادي نحل مشكلة كبيرة للدراري
شكرا جزيلا مرة أخرى
والى ممكن تاصلي بدار وديكور وجربي حظك راه داكشي عندم متول وغادي القاو لك حل ان شاء الله.تا انا عندي الدار صغيرة ولكن ديال المخزن, ماعندي ماندير لها..وحنا مزال ماكبر الولد
يا أختي ديري لدراري البيت الآخر لدراري وديري التلفاز في الصالون ولا الى عندك المطبخ كبيرة شوية ديري فيها التلفاز باش تخلي الصالون يحفظو فيه حتى هو ماما دايرة التلفاز في المطبخ وسداري تاتكل فيها وتتهنا من الروينة والدار تتبقى مجموعة
شكرا جزيلا لكل واحدة جاوباتني وحسات بيا وبمعاناتي
الله يجازيكم بخير