يثبت الموضوع……………… أم أشرف وإسراء
السلام عليكم ورحمة الله
حياكم الله اخواتي المقتصدات اش خباركم
كيتحط فالموضوع بزاف ديال الوصفات والفوائد وكيضيعو بين الصفحات وفاش كتبغي شي اخت شي وصفة كتبقى تطلب الاخوات من جديد يحطوها وبعض المرات كتلقاهم مشغولين
لهذا قلت علاش مانفتحوش هاد الصفحة ونجمعو فيها كاع الفوائد اللي استفدنا من التجمع كنتمنى من الاخوات مايوضعوش الردود هنا
الكرص اقتصادي
كيلو الفورص
كأس العنبة مخلط زيت وزبدة
كأس ونصف سنيدة
ملعقتين نافع
ملعقة ونصف خميرة الخبز
خمارة حمراء
تعجن بماء دافئ مخلط ب 3 ملاعق كبار نيدو
الحوت مقلي فالفرن
نشرملو الحوت فالعطرية الثومة الابزار التحميرة الخرقوم سكين جبير الملح الربيع الحامض ونرقدوه شوية فالشرمولة نديرو شوية السميدة الرقيقة مخلطة بالدقيق وندوزو فيها الحوت ثم نرشوه بشوية الابزار والملح ندهنو الطاوة بالزيت ونستفو الحوت ونرشوه بشوية الزيت ندخلوه الفران سخون كنحطوه تحت العافية حتى يطيب من فوق ونقلبوه على جهة لاخرى ماتحطوهش فوق العافية باش ما يلصقش فالطاوة كيجي مقرمش هاد الطريقة تصلح للسردين ايضا الى كانت لعافية بعيدة على الطاوة كنحطو تحت منها طاوة أخرى خاوية باش تقرب للعافية ويطيب دغية
طرطية الشفلور
كنصلقو الشفلور مقطع وردات صغار مع البطاطا مقطعة والملح ملي طيب نديرو مقلة طيفال فيها شوية الزيت تسخن ثم نضيفو الشفلور وبطاطا و الربيع العطرية ابزار والطحميرة اشوية الخرقوم نمعسه شوية بفورشيت نزيدو البيض مطرب على حسب لكمية ديال الخضار نخلوه يتحمر شوية ونقلبه على الجهة الاخرى
حلوة التمر اقتصادية
رابعة ديال الزبدة اللذة الا كانت الزبدة جامدة حكيها في الحكاكة
كاس سكر
كاس الزيت
خمارة
الطحين حسب الخليط
التمر
الطريقة كتخدي التمر داك الهاري راه كيدير 5 دراهم ولا 140 ريال تفوره زيدي معاه شوية قرفة معلقة ولا 2 ديال الزبدة ذايبة شوية الزنجلان حبوب الا مكانش بلاش شوية الزهر كتشدي العجينة ديريها على شكل اصبع يعني حربلها حربل تمر غي شوية ديريه وسطها وعاود حربليه غير قد اصبع سبابة ديريها على شكل هلال ملي طيب خليها حتى تبرد افنديها في السكر كلاصي او بصحة وراحة رها كتخرج طبسيل كبير عامر
تقدية الهري
غتدي معاك الهري600 درهم تخلي متبقى على جنب من بعد نهدرو فيه حتى تجيب السلعة قلولي شحال شاطلكم
نجبو 10 ظƒظٹظ„ظˆ فورص
10 القمح
السكر مورصو الباكية الكبيرة فيها 6 كدير 30 درهم
لتر ديال جافيل
صابون ديال الاواني كيدير 20 درهم اسمتو مثير
تجبو اتاي 4 البكيات ديال حسان
باكية ديال الخمارات باكية ديال الخميرة معجونة
50 كرام من كل نوع ديال العطرية
5 لتر ديال الزيت لتر اخر اضافي
باكية ديال القهوة اونسكافي كل وحدة واش كتشرب
2 من زبدة منكرين كدير 5 دراهم
كيلو ديال العدس
ظƒظٹظ„ظˆ الحمص
كيلو الشعرية ديال السفة
الروز كلاصي
المقرونية
نصف ظƒظٹظ„ظˆ لوبيا
الفول
الجلبانة
كيلو ديال كسكسو
4 ظƒظٹظ„ظˆ ديال سنيدة
غنخدو 5 لتر ديال جافيل ديال العبار
و5 لتر ديال سنكروا ديال العبار رها ظƒط§ظٹظ† ريحة لي فيها زوينة
بلاطو ديال البيض
قرعة كبيرة تناكد من الحجم الكبير ديال الشمبوان
اما قنينات الغاز مزال مجا دورهم او غير تبعو معيا
oghwm l,q,u Vg;ja] hglwv,t C ohw fhg,wthj llk,u hg]v]am llg;jd lvm lahi]m g;ja] hglh hgHwgdm hglahv;m fghsjd; fgh’, fu] f,hs’m pjn od., ugn ugdih ,lk ;hdk ;dg,
120غ سكر +40غ كوك محمر ومطحون+بيضة ملعقة كبيرة زيت+نصف خمارة+ ملعقة مصغيرة نسكافي + الزبدة 125غ+الدقسق حسب الخليط
تخدم الزبدة مع السكر ثم نضيف البيضة ثم الزيت ثم نيسكافي ثم الدقيق والخمارة تجمع العجين ويترك نصف ساعة باش ارتاح
يدلك بالدلاك ويقطع على الشكل المرغوب ويزين بنيسلي والكوك محمر او اي شيء تريدينه للزينة
ان شي مرات كندير قشور اللوز مطحونين عوض الكوك هاد اقتصادي اكثر اوكيجي فيه مذاق اللوز
غير اكون عندكوم اللوز اوتصلقوه متبقاوش ترميو القشور يبسوهم او طحنوهم اوديروهم في قريعة الزجاج راه شلا ميتدار بيهم
4 البيضات صغار او 3 كبار 2 فرمجات ملح تحميرة ابزار قزبر حبوب شوية ديال اللون كاس صغير زيت كاس صغير فورص كنور
غير كنشري الحليب البلدي كنفيضوا كيف العادة وغير ابات منزول ديك الفرارة لي طلعات الفوق او الجلدة كل واحد اش كايسميها هههههههه
هاهي
كنديرا فشي بواطة ونديرا في الفريكو كل مرة جبت الحليب كندير نفس الطريقة حتى نجمع القياس لي بغيتثم نشري نصف لتر حليب واضعه في الخلاط مع الفرارة لي جمعناها من بعد ما خليناها رطابت بحيث راها كانت في الفريكو
وكنخلطوا كلشي مزيان مدة 10 دقائق حتى ابان ان الزبدة بدات كتعزل الى مبغاتش زيدوا فيها شي 2 معالق كبار ماء دافي
متزربوش عليها اوتقولوا مبغاتش تبقاو تطحنوا حتى تبانلكم الزبدة مفرتتة
ثم ديروها تستقطر في الصفاية
بالصحة والراحة كنتمنى تعجبكوم
اليوم بغيتكم حبيباتي تشاركوني فرماج الكاس او مايشبه فيلاديليفيا وهو من عند الاخت ناني 73ولكن بنصف المقادير
عندنا ليتر ونصف حليب
3 فرماج متلت
30 كرام زبدة شوية ملح عصير نصف حامضة
4 معالق كبار خل
نبداو على بركة الله
نعملو الحليب يفيض من بعد نطفي النار ونعمل فيه الخل ونحرك ونخليه شي ربع ساعة راه غيولي فيه تكللات بحال الى خسر ليكم الحليب
ناخدو مولنكس نوجدو فيها الفرماج الملح الزبدة عصير الحامض
رجعوا للحليب ناخدو شبكة نغلفوها بشي منديل لي يصفي لينا الحليب ونخليه شي 10 دقايق
ونحاولو نعصروه وغنحصلوا على جبن نديروه في مولنكس على باقي المقادير
ونطحنوا الكل ولي مطحنش ليها مزيان تحاولو تبللو الخليط بداك الماء لي صفينا منو الجبن ولكن عنداكم تجريوه الى ضفتو حاولو تزيدو بشوية بشوية والمولنكس خدامة بحال الى كتعملو المايونيز وعلى العمومو انا ضفت 4 معالق كبار من داك الماء
وهاهو كيف عامل في مولنكس جامد
ونعملوه في بواطة هاد المقادير تعطينا 400 كرام من بعد ندخلوه للتلاجة حتى يبرد
هاهو عملتو في بواطة قصيرة وقلبتها شوفوه كيف عاقد
الى بغيتو تحصلوا على 800 كرام ضوبلو المقادير
ايوا شوفو بحال كتشريو 200 ولا 250 كرام ديال فيلاديليفيا
هنايا غتحصلوا على 400 كرام وشي حاجة لي مصنوعة في ديوركم وبايديكم بلا مواد حافظة
لا تنسوني من الدعاء
اللهم قنا عذابك يوم تبعث عبادك
جبت ليكم هاد الرغيفات مقليين رائعين ميمكنش تاكلي وحدة وتحبسي وتيخرجو ليك تبار الله بزاف تاكلي وتوكلي
انا استعملت ليوم غي 2 كرات دارو ليا هاد الطبيسيل والباقي درتهم في الفريكو الى حين استعمالهم
المقادير :
بيضة
نصف كاس زبدة مدابة
نصف كاس ماء زهر
شوية ملح
قليل جدا من خمارة حمرا
الدقيق اللي يجمع الخليط
يجمع الكل الى حين تجانسه قسمتو ال 6 كرات ودرتهم في التلاجة رتاحو عل ما تغديت من بعد كنطلق بالدلاك باستعمال رش مايزينا وليس الدقيق وتكون رقيقة ونحربلها بحال الشنيك ونقطع تقريبا 1 سنتيم ونبدا نطلق بالدلاك هادوك الشنيكات مين نساليو نقليوهوم ونديروهم يستقطرو من بعد نرشهم بالعسل والزنجلان او لوز مقلي ومهرمش او كاوكاو محمر
واش بغيتوا مسحوق للتصبين من صنع يديكم رخيص وفعال ومجرب وفوق داك شي كثبر
انا رهن الاشارة ولكن انا باغية المقابل ؟
شي دعوة ديال الرحمة والمغفرة للوالد ديالي ولجميع المسلمين
يا الله خدوا ستيلو وورقة
وتبعوالطريقة حرفية حيت انا اول ما سمعتها من عند صديقتي متبعتش الطريقة مزيان حيت ظنتها ساهلة ومصدقاتش لي ولكن في المرات الاخرى كانت النتيجة رائعة
اولا ناخد طرف كبير ديال صابون الحجرة نحكوه بالحكاكة ديال خيزو ونديروه في سطل بحال فاش كنديرو سلو تكون عندو مغطايةونخوو عليه 2 ليتر ماء طايب طالق السبولة ونخلو 12 ساعة غدي نلقوه بحال الشكل ديال الصابون البلدي
المرحلة التانية
نزيدو عليه 5 كيسان صغار ديال المسحوق لي كتستعملوا للتصبين و2 ساشيات ديال ساني كروى للي كتستعملي حركي مزيان وزيدي 5 ليترات ديال الماء طايب وطالق السبولة وحركي مزيان وغطيه وخليه مغطي 12 ساعة راه نسيت حتى فالمرة الاولى غدي نغطو السطل
ومنين كدوز 12 كنلقوه كلو جمد وهزي منو وعملي فتصبيتك وردي علي لخبار
كيعطيك سطل كبير ديال مسحوق التصبين اوقولوا علي ماشي اقتصادية
طريقة تعليب الطماطم
السلام عليكم الحبيبات الغاليات
عواشركم مباركة مسعودة
حيث قرب رمضان مفيها باس نقول ليكم على طريقة تعليب الطماطم
تناخدو القياس ديال مطيشة اللي بغينا و انا تنفضل المطيشة الطويلة الحمرا حيث ملحمة و مفيهاش الزريعة.حنا تانسميوها هنايا بزولة العود .المهم تناخدو مثلا 6 كيلو تنديروهم يفورو في البرمة يعني في الكسكاس و تنغطيوهم ببلاستيكة .منين تتفور مزيان حتى دوب مطيشة.تنطحنوها و تنزيدو عليها شوية الملح و شوية الزيت .تناخدو قراعي ديال الكونفتير و تنطبخوهم في الكوكوط حتى تصفر عليهم.و تناخدوهم و نقلبوهم على فمهم و نحاولو منقيسوش بصباعنا داخل القرعة باش عملية التعقيم تكون صحيحة.منين تتسقطر مزيان تنبداو نعمرو القريعات بمطيشة اللي عندنا و تنسدو القراعي مزيان و نعاودو نقلبوهم على فمهم.نخليهم غير ش 5 دقائق.تنديرو مرة اخرى الما في الكوكوط و نستفو القريعات فيها و نسدو عليها حتى تصفر مزيان.
و ها مطيشة ديالنا واجدة بحال ديال الحانوت و لا حسن…………….و يمكن ليك تحتافظي بيها قد ما بغيتي
بالصحة و الراحة
250g سميدة +250g دقيق +كأس صغير زيت +كأس صغير سكر +2 خمارات +بيضة +قليل من الملح +لحليب للعجين
250g فراولة +1/2 لتر الحليب +دانون+لفاني سكر +3 معالق كبار سكر
