ملاحظة :
ان شاء الله هذا الموضوع غنجمعو فيه كل النصائح و التجارب للي عطاو كل الاخوات
باش يكون ط®ظ„ط§طµط© و مرجع لكل اخت بدل مضيع بين الردود فالموضوع الاصلي
لالا مولات الدار دخلي عطينا تجريبتك فتسيير المصروف
اخواتي عندي ملاحظة مهمة ليكم جميعا
عنوان الموضوع واضح
ماشي شحال كتصرفي او شحال كيعطيك راجلك فالمصروف ?
انما
كيفاش كتسيري مصروف بيتك ?
الموضوع ماشي الهدف منو نعرفو شحال كل وحدة كتصرف او شحال كتوفر او شحال كتتخلص او شحال كيعطيها راجلها
لا ابدا هذي كتبقى امور شخصية لكل الحرية فيها
للي بغات تقول المبلغ المحدد لمصروفها لها كل الحرية
و ايضا للي مبغاتش فهي حرة
لاننا هنا مشي للمقارنة بين المبالغ شكون كتاخذ اكثر و اشكون كتصرف اكثر
الهدف من الموضوع هو شكون كتعرف تصرف و تدبر مصروفها دون تبذير او اسراف
كيفما كان المبلغ المخصص لذلك
لانه وجب علينا نوضعو بعين الاعتبار ان مداخيل ومصاريف الاسر تختلف
اضافة الى انه كاين عوامل كتخلي المصاريف متفاوتة
اولا عدد افراد الاسرة
ثانيا الدولة او المدينة او حتى الحي السكني معروف انحياء اغلى من اخرى ولو تكون فنفس المدينة
لانه الاثمنة تختلف حسب المناطق
ثالثا استهلاك كل اسرة ماشي كلشي الناس كتاكل و كتستهلك بنفس الكميات
حبيت نبه لهاد النقطة حيت كاين للي ممكن توقع فغلط المقارنة
كل اسرة و امكانياتها و قدراتها لا مجال للمقارنة بين البيوت
الله يكون فعون الجميع و يبرك فارزاق الجميع
المهم عندنا من الموضوع هو كيفاش تسييري مصروفك ايا كان المبلغ ديالو
بشكل عقلاني و مدبر و تحاولي ما امكن توفري منو لدويرات الزمان
و هذا علاش حطيت الجدول المسبط لحساب المصاريف
باش كل اخت تتكلف بنفسها بحساب مصاريف بيتها حسب امكانياتها
و تعرف القدر للي كتصرف و القدر للي ممكن توفر
هذا هو
جدول الاكسيل excel لتسيير المصروفللي واعدت بيه الاخوات
المشاركة موجودة في الصفحة رقم 16 الرد رقم 159
تم رفع مشاركة جدول الاكسيل لحساب مصاريف البيت الشهرية
ليسهل الوصول اليه من كل الانيقات
راني حاولت نعمل ليكم جدول يناسب الجميع
سهل جدا و مبسط باش يكون فمتناول الكل
معليكم الا ملء الفراغ المخصص للاثمنة و للراتب
و الجدول غيتكلف بحساب المصاريف و المبالغ الممكن توفيره شهريا
فضلت نعمل ليكم جدول تبداو تشتاغلو عليه و يكون مفيد للكل
خصوصا اننا على ابواب شهر جديد
يعني الفرصة المناسبة للعمل بالجدول
و تطبيق كل النصائح و الخبرات للي جات فالموضوع من طرف كل الاخوات
باش ميبقاش الموضوع كلام و نصائح فقط انما يكون بإذن الله افعال
و ان شاء الله كلشي الاخوات يحملوه و يبداو العمل بيه من هاد الشهر المقبل
باش يبداو فخطة التسيير العقلاني و التوفير المنزلي
لتحميل الجدول تفضلي بالضغط على الروابط بالحمر فالاسفل
و طبعا للعمل بالجدو وجب يكون عندك برنامج الاكسيل Excel فالجهاز
إضغطي هنا تجدين رابط تحميل جدول حساب المصاريف الشهرية بالفرنسية
او لتحميل الجدول بالعربية
إضغطي هنا تجدين رابط تحميل جدول حساب المصاريف الشهرية بالعربية
بالنسبة للاخوت للي ممسموحش ليهم الرفع من المواقع العالمية (القاطنين بالخليج العربي) يمكنهم تحميل الجدول عبر هذا الرابط
إضغطي هنا تجدين رابط تحميل جدول حساب المصاريف الشهرية بالعربية
إضغطي هنا تجدين رابط تحميل جدول حساب المصاريف الشهرية بالعربية
و هنا شرح طريقة التحميل
نبغي لما نرجع ان شاء الله للموضوع نلقاكم حملتو الجدول و نصبتوه عندكم فالجهاز و بديتو كتعمروه الحادڭات
كلا تبدا بملاء الجدول اولا بالراتب الشهري/ Paie المحدد للاسرة ديالها ،
و بعدها تنتاقل لماء خانة المبلغ المحدد / PRIX
و الجدول غيتكفل بحساب المجموع و المبلغ الإجمالي ط§ظ„ظ…طµط±ظˆظپ شهريا و المبلغ الممكن توفيره من الراتب شهريا
و طبعا الهدف من الجدول انك تحاولي حساب مصاريفك بتعقل كل ما هو غير ضروري لا داعي لإضافتة للقائمة
اول حاجة ننصحكم بيها هي الحصالة
قضية الحصالة غزالة
انا بيها كندير فراش ط§ظ„ط¯ط§ط± و الميعنات
و الحمد لله ربي ميسر واخا كنشري شوية بشوية
لكن كل مرة كندير حاجة باينة
الاغلبية كيستهزؤو بالجميع فالحصالة او الصنيديقة
ولو تكونو كترميو فيها غير ريالات او درهم فاليوم
لكن تيقوني ديك الصنيديقة كتولي كنز كل نهار كزيد
خصوصا لما كتلوحي فيها و نتي كتقولي بسم الله اللهم بارك لي في رزقي
و كل مرة فتحتيها كتصدقي منها واحد القسيم باش ربي يزيد و يبارك فالرزق
بالنسبة للحاجات للي كتضيعلينا الفلوس بزاف خصوصا حنا كسيدات
بحال صالونات التزيين و ليسوان و الملابس …
فهادي طريقتي للي مكنبدلش و لقيت فيها راحتي و راحت جيبي
الحمد لله محجبة و الله يزيد يهديني
مكنمشيش عند الكوافورة
هاد زوج زغيبات للي عندي كنصابهم الراصي
فداري
خديت المكوات متعددة الاستعمالات
و كنتفنن ف2 زغيبات للي عندي
نسرح نبوكلي نمشط نكريبي… انا و ڭانتي
و وقتي
بدل مكل مرة منشي عند الكوافورة و نستنا نوبتي
و نحرق راسي بالسشوار
المكواة احسن و اقتصادية اكثر
بالنسبة للعناية الشخصية (حمام ، سوان …) فكنديرها فداري و بنفسي
مكنمشيش الحمام او عندك استيتيسيان
حمامي و مركز التجميل ديالي كنديرو فالدوش ط§ظ„ط¯ط§ط± و نهني راسي
و هنا مواضيع ممكن تفيدكم الانيقات
نظافتك الشخصية و الاعتناء بالمناطق الحساسة بالصور و الشرح
بالنسبة الل يسوان les soins
كناخذهم مرة حتال 2 فالعام يعني كريمات الترطيب و كنحفظهم فالثلاجة
و العطور الماركات كناخذ 2 انواع كل سنة واحد للبرد و الثاني للصيف و كيبقى عندي اكثر من 2 نوات لاني مكنكثرش من العطر عادة كنفضل الكريمات
اما باقي ليسوان بحال مضادات العرق و لوسيون الترطيب … كناخذها شهريا او كل 2 شهور
و كنستعمل الوصفات الطبيعية
(ماء ورد او زهر، عسل ، طين اخضر او ابيض او اصفر مكنشريهش انما كنجيبو معايا من الطريق لما كنكون مسافرة ، الرماد حتي هو مزيان للبشرة و للاسنان جربوه كلو معادن… يعني حاجات بسيطة متوفرة للكل بلى مصاريف زايدة…)
بالنسبة للحوايج كنشري موسميا يعني لباس الشتا و لباس الصيف و لباس بينو بين للخريف و الربيع
ليا و لراجلي و لولدي نفس السيستام يعني لباس موسمي
سواء ا البيجامات او لباس ط§ظ„ط¯ط§ط± او لباس الزنقة…
كنشري اغلبية وقت التخفيضات و اللكيداسيون
هكا كنوفر عليا فلوس كثار
(وخا بيني و بينكم مكرهتش نشري ديما غير كنحبس راسي ههههه خصوصا لما كتجيني شي سلعة او كتجي لشي زميلة فالتجارة كنحمآآآق على الشراوط و السبابط نقطة ضعفي واخا مكنلبسهمش ههههه كيلبسهم الماريو لكن الله يعفو قولو امين)
اختياراتي في شراء منتوجات التنظيف
بالنسبة لغسيل الماعن:كناخذ غراف ديال أوني oni 1kg
تقريبا كيدير 12 درهم
كندوبو فمقدار 3 غرارف ،
و كنديرو فقريعات للي عندها غطا اقتصادي
كيدوز لي بعد المرات اكثر من 3 شهور
بالنسبة لغسيل اليدين:
كناخذ جيل الاستحمام ديال المنتوج الاقتصادي، 10 دراهم،
حجمها كبير و فيه روائح متعددة،
كنديرو فالقريعات ديال جيل اليد،
كتديلي من 2 شهر الى 3 شهور
للي كل مرة خوات كنعمرها منو
بلا منشري كل مرة قريعة صغيرة ب 10 دراهم!
بالنسبة لغسل الملابس او التصبين فالماكينة:
كناخذ منتوج ڤانيش السائل او البودرة
بين 40 و 42 درهم مرة كل 4 شهور
و بحال جافيل غير كيدال للملابس الملونة كيحيد الطبايع و كيحافظ على الالوان
كناخذ علبة ديال المسحوق ديال 1 كيلو غرام مرة كل شهر
للي كيكون فيها تخفيض
و للي فيها مضاض للكالكير
حتى المسحوق كنردو سائل
اولا باش ميخليش لي لحبيبات فالحوايج
ويخصني نعاود الصابون،
و ثانيا حيت كيولي اقتصادي ،
و الطريقة باش نرد المسحوق سائل كناخذ مقدار 3 مقاييس( داك المقياس او الكاس البلاستيكي باش كنعبرو المسحوق)
كندوبهم ف 3 ليتر ماء ،
كنخليهم حتى يدوبو مزيان ،
و كنديرهم حتى هما فقريعات،
و لما كنبغي نصبن كندير المقياس للي محتاجا فمكان السائل
، مع غطاء من سائل او بودرة ڤنش ،
و كنخدم الماكينة
كناخذ ايضا صابونة الكف المعروفة
كنحكها و ندوبها فالماء و نعطرها باي عطر ملابس كنفضل
و كنصبن بيها الحويجات فالماكينة كتخرجهم نقيين و رطبين
و راه صابونة وحدة كتعطيكم اكثر من 10 ليترات جيل سائل لغسل الملابس يعني اقتصــــــــــادية جدا
و كيف قلت ممكن تعطروها الى كتجيكم ريحت صابون الكف زافرة
طبعا الصابون البلدي
كناخذ منو 5 دراهم شهريا او مرة كل 2 شهور حسب الاستخدام فالصيف كنخدمو اكثر فالحمام و الخلطات للبشرة
كيدوز عندي مدة للاستحمام و الحمام الغربي و ايضا للماعن انيكوس و المنيوم و الحويجات خصوصا البويض
بالنسبة للماكينة قليل فين كندير فيها بروڭرام تسخين الماء
حيت لما كتسخن الماء كتستهلك الضوء بزايد
و ممكن تخرب الحوايج للي مكيقبلوش الحرارة
و الحويجات الملونين كيكشفو بالماء السخون
اضافة الى انه الى سخن الماء كيترسب الكالكير
لما كيكون الحويجات موسخين بالزايد،
بحال التقاشر و الكول ديال القاميجة او رجلين السروال… ،
كندير ليهم شوة ديال المسحوق على شكل عجين اوكريم
مع شوية جيل صابون الكف او الصابون البلدي
فمكان البقع و كنخليها حتى تنشف و يشربها الثوب عاد كندخلهم للماكينة،
و لما كيكون الحال سخون كندير فالبروڭرام غير تصبين
بدون تعصار او تنشيف
باش نقتاصد فالضو
و ننقص الدرك على الماكينة
يعني كترتاح مسكينة شوية !
بالنسبة لجيل الاستحمام:
كناخذ واحد من مرجان ب 10 دراهم
حتى هو، غزال فريحتو و فسماكتو،
و غير نقيطة كتعطي رغوة كثيفة و ريحة غزالة،
اسمو May Envie
جربوه راه فيه عدة انواع
حتى نكهة الشكلاط متوفرة فيه غزآآالة …
المنظفات:
اما جافيل
و المعطرات
فكناخذ الروح
1 ليتر و كنخلطها مع 5 ليترات ماء،
و كتعطيني 6 لتر
ارا متنقي و متحداڭي و متحكي هههه
كيدوز عندي شهوووووور
كناخذ البودرة المنظفة ب 10 دراهم
للي كنت حطيت فمواضيعي بالصور من قبل
كنحك بيها السيراميك و الاينوكس و الايمينيوم …
اقتصادية و فعآآالة
و كناخذ جيكس الاينوكس
للي مكيتصداش ،
واخا زايد فالثمن لكن كيدوم مدة طويلة
و مكيجرحش مكيكحلش و مكيصديش
و كيكون بروموسيون بعد المرات اخر مرة خديت 3 حبات ب 9 دراهم فكارفور
مع انه كيوصل حتال 30 درهم حسب الماركة
پاپيي إجيينيك اعزكن الله
كناخذ الغور مضوبل
للي فيه علامات التقطيع
ماشي الابيض مالني عليها ياك غير غـنـمـ….
كناخذو كل 3 اشهر و الزيادة ،
كناخذ العلبة الكبيرة مباشرة من المعمل
بشي 70 درهم تقريبا
عمري محسبت شحال فيها ،
المهم كدوز عندي 3 اشهر و اكثر لو مكانش شي حهد زايد فالدار
واخا ولدي الى داز ليه مشا فنهارو ههههه…
….
هي حاجات بسيطة
لكن لما كنديرو حساب شحال كنضيعو فيها كنتصدمو
لما كتكون شي بروموسيون فمنتوجات التنظيف
او الاكل مكنزڭلهاش
كناخذ منها لانها كتنفعني وقت الشدة
و غنقولكم كيفاش من بعد لما تجي نوبتها
هادشي للي تفكرت دابا بالنسبة للاقتصاد فمنتوجات التنظيف المنزلي
احسن حاجة لتسيير المصروف بشكل جيد
هي تعملي جدول Une Liste لكل الحاجات للي كتشريها للاستهلاك العائلي الشهري
اما جدول ورقة و ستيلو او ديري جدول إكسل فالكمبيوتر ديالك
و تكتبي فيه كلشي بالتفصيل
من اللحم للزيت للخضار للمنظفات للملابس للكوش للدواء للفواتير (ماء كهرباء تيليفون بنزين …) …
يعني كلشي للي كتحتاجي انتي و اهل بيتك
و بعدها كتعزلي غير الضروريات من هاد الجدول
و كتجمعي الحساب ديالها باش كتعرفي شحال كتصرفي فيها شهريا بالتمام
و كتعرفي الحاجات الباقية الكمالية شحال كتدي ليك كل شهر
و كتولي تعرفي الحاجات للي كتشريها كل شهر
و الحاجات للي غتشريها مرة كل شهرين او مرة كل 6 شهور او حتى سنة
هكا كيبان ليك فلوسك فين كيمشيو و كتعرفي شحال المبلغ التقريبي الشهري القار للي معندك علي لاين من صرفو
و المبلغ للي ممكن توفري و تقتاصدي فيه
الاخوات للي كيقولو انهم الى مشاو للاسواق الممتازة كيخسرو بزاف و كيضيعو فلوسهم
فهذا كيبقى اختيار للشخص لو ملتزمتيش بليستة و فكرة معينة فالشراء غتخسري الفلوس فينما تقديتي
الى للي بنات ليك كتهزيها بلا متاخذي بعين الاعتبار حاجتك ليها و استعملاك ليها و ثمنها ايضا
التقدية كتبقى كيف كيف سواء ا عند الحانون او الهري او الاسواق الممتازة
غير كيكون الفرق فالاثمنة و ديك 1 درهم زايدة او ناقصة راها كدير الفرق لما كيتجمع الحساب
شخصيا كنفضل نتقدى فالاسواق الممتازة او الڭرو بدل منبقى غادة جاية للحانوت
كنحدد مبلغ معين شهري قار للمونة المنزلية مكنفوتوش والا كنزيد عليه حتى لو كانو الضياف
قبل منمشي نتقدى كنشوف العروض الموفرة و التخفيضات و ندير مقارنة و نكتب الليستة ديال الحاجات للي غناخذ لهاد الشهر بالذات
و كنلتزام بيها باش منولف زيد الماء زيد الدقيق
بالنسبة للمونة ديال ط§ظ„ط¯ط§ط±
فكنتقدى حسب العرض و التخفيضات
يعني الى بانت لي شي حاجة فيها عرض مغري داكشي ديال 2 بثمن واحد او شري 2 و 3 مجانا
و طبعا لما كيكونو تخفيضات ديال 50% فالحاجة مكنزڭلهاش الى كنت غنحتاجها طبعا
المونة الاساسية المعروفة بحال الدقيق و الزيت و السكر و اتاي و القهوة و الحليب كناخذ للي يكفيني شهر الى 2 شهور
مثلا 5 كيلو دقيق و 5 كيلو حرش و 5 كيلو شعير كتديني 3 شهور يعني كنشري كل شهر خنشة من نوع معين و هكا ديما الدقيق موجود فالدار
ايضا الزيت كنشري القرعة ديال 2 ليتر كل 2 شهور حيت مكنستهلكش الزيت الرومية بزاف 1 ليتر كيكفيني فالشر و يشيط
اتاي علبة ديال 250 غرام كنستهلكها شهريا لما كتكو فيه البروموسيون راه كناخذ بزايد و نقسمو على الشهور
الحليب كناخذ البودة الساشي باش ديما كيكون عندي موجود فالدار ديال 14 ليتر كيديلي شهر و الزيادة
مرة مرة كناخذ حليب العبار البلدي لما كيكون متوفر
السكر كناخذ الساشي ديال 2 كيلو سنيدة كل شهر كاين فاش كيديلي شهر و الزيادة حسب واش عملت الحلويات بزيادة او لا
القهوة كناخذ قريعة قهوة سريعة الذوبان و علبة قهوة مطحونة ديال 250 غرام كيبقاو عندي اكثر من شهرين حيت كنستهلكو اتاي و ليتيزان اكثر من القهوة
الخضار و اللحم كنتقداها اما كل اسبوع او كل 15 يوم حسب الموسم
يعني اما كنتقدا 4 مرات فالشهر او 2 مرات فالشهر
خضار فواكه اعشاب لحوم (عجل/دواجن/اسماك/بيض)
زيت الزيتون و زيت ارڭان كناخذها فموسمها 5 ليترات كنحفظها فالثلاجة و كتديني مدة طويلة ممكن تكمل عندي السنة
المعجنات (روز/سپاڭيتي/كوكوييت/لازانيي/كانولي/تورساد/پين/شعرية/ سفة/كسكس/بلبولة…) ايضا لما كتكون بروموسيون كناخذها بزايد و نتهنا من شراءها للشهور المقبلة
الخميرة ديال الخبز كناخذ فيها العلبة ديال الخميرة اليابسة كتبقى عندي شهر و الزيادة
و الخميرة ديال الحلويات كناخذ فيها العلبة الكبيرة ديال 900 غرام كدوز عندي سنة
لوازم الحلويات و النكهات ايضا كناخذها وقت البروموسيون او عند الڭرو كناخذ للي يكفيني 6 شهور الى سنة
بالنسبة للفواكه الجافة كناخذها ايضا للكيلو ،
عند الڭرو كتقام ارخص و كدوز عندي شهور لو حفظت مزيان فالثلاجة
و كنفضل تكون عندي حيت معروف منافعها خصوصا للوليدات احسن من الفانيد و الحلويات
المهم بشكل عام كلشي كيكون محدد ليه مبلغ معين كل شهر الى كمل المبلغ مكنشريش الحاجة كندير بالناقص نعطيكم مثل :
مثلا اليوغورت و مشتقات الحليب من زبدة و كريم و لبن و فرماج و اجبان …
كنحدد ليها مبلغ 100 درهم فالشهر مثلا الى موفرتش من هاد المبلغ مكنزيدش عليه ،
لانها كتبقى كماليات غير الى ولفتيها كتبان ليك حاجة مهمة فحين انها ماشين ضرورية ممك تعوضيها بكل سهولة
و عليها ممكن نوزنو حاجات كثيرة كنشريوها و نضيعو فيها ميزانية فحين انها ماشي ضرورية
و نتمنى منكم التفاعل و المشاركة باش نستافدو جمع
كل رجائي ليكم و منكم متنساونيش من صالح الدعوات لي و لاهلي الله يجزاكم عني خير
بارك الله لكم و بكم و بارك ارزاقكم و جعل فيها الخير و الكفاف و اغناكم عن من سواه
يلاه خليتكم على خير
نهاركم طيب يا طيبات
lhlh l,ghj hglwv,t hg]hv j[vdfj; oghwm ]ogd u’dkh tjsddv
هدا موضوع سخون وكيكوي
وفينما تفتح كيلقا إقبال كبير
غير شوية وتشوفي التفاعل!!!!!!!!
دبا راه الأخوات مدهيات مع رمضان وشهيواتو
ومع العطلة و الدخول المدرسي غير يشوفو الموضوع وتشوفي الردود !!!
لي عودة إن شاء الله
إوا باش ما ندخلش بيديا خاويين ههههه مشيت كنقلب في المشاركات القديمة حيت هاد الموضوع فايت حطاتو شحال من وحدة
أنا باقا عاقلة على ماما نور في "لالة شحال كتخسري فالشهر "
و أم مروان في موضوع آخر
المهم هانا كوبيت شوية من مشاركاتي غير باش نبداو ونشجعو الأخوات يكتبو على تجاربهم أو يعطيو نصائح
بصراحة انا كنصرف تقريبا 4 الاف درهم في الشهر و ديما كنوفر و كلشي موجود.
كيفاش؟؟؟؟؟؟؟؟
الرافيتايما د الشهر :الطحين(الفورص 10 كيلو) و السكر 2 قوالب وأتاي 2 باكيات كبار ماركة جيدة و الزيت ( 5 ليتر تدوز لي 3 أشهر) شمبوان أريال زرق للترقاد أريال ماكينة/ أو سكيب و تيد أو أوني لغسيل المواعن. جافيل نشري بيدو 10 ليتر يدوز 6 أشهر وبيدو سنيكروا 5 لتر بحالو. القطاني على حسب الرغبة ماقارونية و الروز و السميدة الرقيقة و السميدة د كسكسو الشعرية الصينية هادو ماكنشريش اكثر من كيلو و ديما كاتبقى منهم شي حاجة للشهر لاخر.
هدي هي الرافيتايما د الشهر(غنكون نسيت شيحاجة) كنشريها مباشرة من لهري و كلشي ناقص فالثمن مقارنة مع الحانوت. كنعمل ميزانية فيكس لي بقا منها كنحطو فواحد الجوا باش نعرف كل شهر شحال صرفت فيه .
ميزانيةاللحم كنشري كلشي من بداية الشهر الدجاج و الكفتة و الحوت … حسب الظروف ولكن مانفوتش 300 درهم و ديما كايبقى منها.
كنعمل ميزانية للخضر و الفواكه 200 درهمفي الأسبوع و كندير بحساب 5 أسابيع فالشهر .
و كنعزل مصاريف الماء والضو………….
كنعمل واحد القدر للقرعة (دارت) كل شهر.
كنحط واحد شوي في الدار للمفاجآت .
نعطيك مجموعة د النصائح باش توفري:
نبداو بالشهور لي كتكتر فيها المصاريف.
الدخول المدرسي: الكتب لبنتي الكبيرة ديما نوجدهم من آخر السنة الدراسية نشريهم قدام و نبيع لي عندي الدفاتر كنشري الباكيات و نهني راسي الأدوات الأخرى كنشري الجودة باش يدومو….. و لكن منين كتفرقي هاد المصاريف ماكتحسيش بيهاو في الغالب كنشريها من داكشي لي وفرت من المصاريف الأخرى .
رمضان الميزانية ديالو كتكون ديما واجدة عندي: كل شهر كنحط في واحد الجوا 100 درهم يعني كل عام كنجمع 1200 درهم كتعاوني على المصاريف د رمضان.
العيد الكبير: كنعمل نفس الفكرة بحال رمضان غير هو كنحط 500 درهم عاد نبقى نزيد 100 درهم كل شهر و ملي يوصل العيد كنشوف واش الميزانية كافية أو بزايد هاد الميزانية كندخل فيها الحولي و الحوايج و المصاريف الأخرى لي زايدة في العيد. غير كنجمع فلوس العيد ديال هاد العام نحط ديال العام الماجي ان شاء الله…..
ميزانية العطلة كيتكلف بها راجلي حيت حتى هو كيعمل قرعة و لكن ما كتكونش غالية حيت في الغالب كندوزوها مع العائلة ديالي و ماكيخليونا نصرفو والو..
دابا نقول ليك كيفاش كنوفر و يبقى الخير.
نبد ا بالسويقة كنشري الخضر و الفواكه ديال سيمانة و لكن إلى لقيت شي حاجة رخيصة بزاف نشري منها و نحتافظ بها في الفريكو او بطرق أخرى.
كنشري القمح و نقيه و نطحنو و كنعجنو بالنخالة كيدوز بزاف كنشري كذلك الدرة و الشعير و نطحنها .
كنشري الزيت د الزيتون من المعصرة د الزيتون لي تدوز لي عام كنشري العسل الحر عند ناس ثقة .
–
الحوايج تاهما كيديو ميزانية أنا مضروبة على حوايج البال كنلقى فيهم بياسات غزالين الصباط عمري مانشريه من الجديد.
المواعن كانتعامل مع واحد كناخد عندو و نبقى نخلصوبالشهر من داكشي لي و فرت و لكن غير لي ضروري.
–
كاينين شي حوايج أخرى نشريهم غير مرة مرة ماشي ديما مثلا الزبدة كنشري ديال سنطرال د العبار باكية فيها 2 كيلو ونص ب 100 درهم الكنفتير نصايبو راسي بجميع الفواكه ملي تكون رخيصة.وفي الطياب ما كنستعملش بزاف ليدام كانعاون بالزبدة و زيت الزيتون. أما جافيل مثلا كنعملو للحوايج البيضين و ملي نشللهم نزيد شوي التيد وسانيكروا عليه و نحك بيه الحمام اما التشلال دأريال ( حيت انا عندي غير ماكينة عادية ماشي أوتوماتيك يعني أنا لي نشلل ) الماء د التشلال نزيد عليه سانيكروا و نسيق بيه كترجع الداركتشعل و ريحتها زوينة .القهوة نشريها باكية مرة مرة و لكن كناخد سمر كوستو قرعة كبيرة كنعمل بها كبوتشينو. الفرماج المثلث نشري باكية كبيرة ديال ساندويتش تدوز بزاف. الفرماج الأحمر نشري كورة ديال كيلو أو 2 و نحكها كاملة و نفرقها في بلاستيكات دوز بزاف. الكاشير نصايبو فالدار. نشري الشكلاط و كاوبيل المسوس و الخميرة د الحلوى و مستلزمات الحلويات بزايد و تبقى عندي مدة طويلة….
ملاحظة حنا 4 في الدار…غانكون نسيت شي حاجات الا تفكرتهوم نعاود نرجع
ملي كاناخد القرعة(دارت) كنعمل بيها شي حاجة مهمة خاصاني فالدار (الفراش أو شي أجهزة………
ملاحظة: انا ماكنشريش الدهب او تكاشط الخ عندي غير ماهو ضروري .
الا جاب الله شي فلوس زيادة كنخزنها لبناتي عاملة ليهم كارني صندوق التوفير هوباسمي ولكن ملي كل واحدة تبلغ سن الرشد ندوزو ليها باسمها.
و لكن عندي واحد الحاجة نوصيك بيها و هي لي كتعمل البركة في الرزق:
ماتكونيش مبدرة لي بقات لك ماتلوحيهاش راه كلشي كاينفع.
يكون رزقك حلال و تكوني مخلصة في عملك و تصدقي من فلوسك للي يحتاج أكثر. ديري مرة في العام واحد الترياج في حوايجك لي مابقيتيش محتاجاها صدقيها (في المقربون أولى) و بلا ما تمني….
كثري من الصلاة و الدعاء راه هما لي يفتحو باب الرزق و يجعلو كل خطواتك مباركة.
هدي هي طريقتي في التدبير المنزلي و خا كترت عليكم بزاففففففففف.
بالصح راه التوفير صعيب ولكن كلشي ممكن نتعلموه
حنا هنا غير باش نتعاونو
بالتوفيق للجميع
https://www.anaqamaghribia.com/vb/showthread.php?193555-شعارنا-حتى-شي-حاجة-ماضيع
طلي على هاد الموضوع بيدما نزيدو شي نصائح
إوا عطيونا آراءكم
باش نستافدو جميع
لي عودة إن شاء الله
المشاركة الأصلية كتبت بواسطة صبوورة 
هاد الموضوع يمكن ما بقى حد يديها فيه
لقيت راسي كندخل بزاف
ولكن مابغيتش نحتاكر الردود
إوا عطيونا آراءكم
باش نستافدو جميع
اختي اشنقول ليك راكي مرا لي كيتمناها كل واحد و راكي كتغيرينا تبارك الله عليك وخلاص
و آلله الحبيبة الا حترمتك بزاف و كبرتي في عيني عرفتي علاش عل هاد لجملة
الحوايج تاهما كيديو ميزانية أنا مضروبة على حوايج البال كنلقى فيهم بياسات غزالين الصباط عمري مانشريه من
الجديد
حيت كلنا كمغاربة لبسنا لبالي واحد لوقت ولكن كلنا كنحشمو نقولوها بحال الا عيب و عار ….بغيتك تشوفي البالي ديال هنا كندا شهوا منو و غير بجدريال ،،،،، اوا الله اقنعنا بالله
موضوع مفيد تبارك الله عليك اختي امنار
اه فكرة الجدل فكرة مزيانة انا من نهار جيت عند راجلي نهار الاول قالي بقاي تقيدي كلشي ديري جدول وتبعي فيه هههههههههه
كيعرف حتى شحال بقا لي دابا مبقاش متبع معاي مرة مرة كنغش هههههه
درت جدول فاكسيل وكنقيد فيه وحتى الاماكن من فين كنشري باش ندير مقارنة بين الاماكن الي رخصية حتى حفضت المحلات
وليت كنشري غير من 1 او2 وخا بعاد
علي وملي كنعكز كنشري من القراب الي غاليين
هاد الشهر قفرتها هههه
انا هاد الشهر خسرت كثر من 300 اورو خاصني نزير راسي قبل كنت كنقتاصد لي عودة
كنت مولفا مكنفوتش 200 اورو لكن هاد الشهر خسرت 170 اورو غيرفالاكل و 25 فالطرونسبور و25 فالتلفون و10 فمواد التنظيف و10 اخرى فشي تخربيق دال كوزينة و10 فملابس داخلية و80 فمواد دصحة وبوتي
ومزال مكمل الشهر هههه
نتمنى نستافد من بنات فرانسا الا عندهم شي حكمة فالتدبير
انا نعيا ومنقتاصد بعض المرات كنخسر ومكيبانش لي فاش
مع اني الكل مكنخسرش بزاف
وكنطيب غير الي يقدنا انا وراجلي بجوج وكنلوح حتى حاجة والخبز كنعجن فالدار مكنشريهش
مكرهتش بنات اروبا يعطونا تجاربهم حتى هوما وحتى انا لي عودة نستافد ونفيد لاني حتى انا مزيرة السمطة ههههههههههه وكلشي بالحساب حتى تجلاو لي الحسابات
كانشكركوم بزاف على النصائح
حتى أنا بغيت نفيدكم ب تجربتي المتواضعة
أنا خدامة ف بريفي أ كانتخلص ب سميغ للأسف بعيدة على دارنا يعني كارية بحدي أ كانصرف على راسي
السيلر فيه 2024 د
كارية بيت مع مولات الدار ب 400 د
200 د ديال ترانسبور تاكسي
200 د ديال دارت
200 د كنوفرها ضروري للطوارئ
كندور مع دارنا مرة مرة ب 200 أو 300 د حسب الضروف
كتبقى ليا 500 د كانتقدا منها فيها : 2 ل زيت / 1 باكية سكر / 1 كلج سنيدة / 1/2 كلج من المعجنات مخلطة / باكية زبدة / الفورماج مرة مرة / 1 كلج سميد للحرشة / شوية العطرية 3 د من الحاجة ههههههه / باكيت تيد / صابون / مطبشة الحك / الخضرا كانتقداها فالعشية كاتكوون رخيييييييصة هي و شوية ديسسير حساب الميزانية / واحد دجاجة و1 كلج لحم كانقسم الجودة على الأيام / ………………………
كاين المرات لي كنفووت 500 د أ كاينين شي مرات كانقتاصد على 500 على حساب إلى جات شي طوارئ
كانتكسا 2 مرات ف العام بفلوس دارت
هذا مكان عايشة و الحمد لله مستورة أ مخصني حتى خير على قد الحال
المهم قادة براسي ماكنقوول ل حد عطيني واخا كانتأزم شي مرات ولكن ربي كبير ديما كايفرجها عليها متلا كايدور معايا ل باترن ولا كايزوورني شي هاد من العاءلة أ كايجيب لي معاه المعونة
المهم أنني تعلمت منكم بزيف د الحويج ف الاقتصاد أ تعلمت نعول على راسي و نوفر شوية ل زمان واخا غير 100 د ف شهر أضعف الإيمان
درتو فيا النفس بزاااااااااف ماشي غي شوية الله يجعل هد المجهودات ديالكم في ميزان حسناتكم يا ربي
صافي نويت ان شاء الله ندير حتى انا صنيديقة نعمرها بالدريهمات اللي ما كانوا ما كيعمروش ليا العين كنت تنقول مع راسي شحال غيتجمع كاع
و غادي نزيد نقتصد في المساحيق ديال النظافة هي اللي هالكاني بحال اتشي ديال 2.5 كتمشي لي في سيمانة واخا نخلط معاها الماء سانيكروا ما تيدوزليش سيمانة اما اوني نصف كيلو اللي تنشريه في السيمانة و انا متأكدة كون كنت ناخد كيلو غادي نساليه
و هدشي عاد راني مع راسي كنقتصد
المارشي كنمشي ليه 3 حتى 4 مرات اسبوعيا واخا التقدية على قد الحال انما منين حسبتها لقيت عندي فيها التبذير
راجلي كيعطيني 500 درهم اسبوعيا تنجيب منها الخضر اللحم الدجاج الحوت و مواد التنظيف اما الحليب الخبز دانون الماء الديسير الماء الضو الانترنيت هو مكلف بيهم اما خلاص الى جا شي حد ما كنعرف لا منقدم لا ما نوخر
هانا خويت عليكم المزيودة
اللي لقات باش تزيد تفيدني الله يسهل امورها
المشاركة الأصلية كتبت بواسطة zho-tce كانشكركوم بزاف على النصائح
حتى أنا بغيت نفيدكم ب تجربتي المتواضعة
أنا خدامة ف بريفي أ كانتخلص ب سميغ للأسف بعيدة على دارنا يعني كارية بحدي أ كانصرف على راسي
السيلر فيه 2024 د
كارية بيت مع مولات الدار ب 400 د
200 د ديال ترانسبور تاكسي
200 د ديال دارت
200 د كنوفرها ضروري للطوارئ
كندور مع دارنا مرة مرة ب 200 أو 300 د حسب الضروف
كتبقى ليا 500 د كانتقدا منها فيها : 2 ل زيت / 1 باكية سكر / 1 كلج سنيدة / 1/2 كلج من المعجنات مخلطة / باكية زبدة / الفورماج مرة مرة / 1 كلج سميد للحرشة / شوية العطرية 3 د من الحاجة ههههههه / باكيت تيد / صابون / مطبشة الحك / الخضرا كانتقداها فالعشية كاتكوون رخيييييييصة هي و شوية ديسسير حساب الميزانية / واحد دجاجة و1 كلج لحم كانقسم الجودة على الأيام / ………………………
كاين المرات لي كنفووت 500 د أ كاينين شي مرات كانقتاصد على 500 على حساب إلى جات شي طوارئ
كانتكسا 2 مرات ف العام بفلوس دارت
هذا مكان عايشة و الحمد لله مستورة أ مخصني حتى خير على قد الحال
المهم قادة براسي ماكنقوول ل حد عطيني واخا كانتأزم شي مرات ولكن ربي كبير ديما كايفرجها عليها متلا كايدور معايا ل باترن ولا كايزوورني شي هاد من العاءلة أ كايجيب لي معاه المعونة
المهم أنني تعلمت منكم بزيف د الحويج ف الاقتصاد أ تعلمت نعول على راسي و نوفر شوية ل زمان واخا غير 100 د ف شهر أضعف الإيمان
اش غنقول ليك ا حبيبة الله يرزقك من حيث لا تحتسبين و الله يجعل سيدي ربي يسر أمورك كلها و يرزقك كل ما تمنيتي عند الله سبحانه في القريب العاجل
هاكا يكونوا البنات و هاكا يكونوا لالياتي
يا ربي تسمع دعائي في هد اليوم المبارك
شكرا بزااااااااااف على الدعوة لي كاتيشرح النفس لهلا يخطيك
أختي مسألة الصتيديقا راها مزينة واخا ترمي غير 1 د فالنهار أ نسيها أ مرة مرة رمي فيها شي دقة صحيحة هههه والله حتى تفاجئ منين تفتحها
الخضرا ماتبقايش غير تشري أ صافي خودي غير الضروريات و الخضرا لي ماكاتاكولوهاش بلاش منها
الكمالية حاولي تناقص منهم فحال دانون فروماج ماشي ضروري كل يوم
بنسبة لحم قسمي الجودة على الأيام ماشي غير يجيب ليك الراجل 1 كلج و ترميه ف مرة لاااا قسميه على 3 أو 4 غير باش تحلي و صافي ههههه
ناقصي شوية من شريان الحويج راه الماريوات غادين يطارطقووأ فلوسهم خودي بيهم شي حاجة د الصح فحال الذهب علاش لاااااا
هذا مكان
باراكاالله فيك أختي ايمان
شكرا بزااااااااااف على الدعوة لي كاتيشرح النفس لهلا يخطيك
اخت امنار فكرة الصنيديقة رائعة و عن تجربتي
جمعت فيها الخير و البركة
واحد المرة فتحتها لقيت فيها 2024 درهم و الله تصدمت كنت متوقعة اقل من 500 درهم
راها تنفع
و لكن زمان هذا مادرتها
شجعتيني نرجع لصنيديقتي
و حاجة اخرى بالنسبة لمواد التنظيف كندير طريقة و هي كنهرس جافيل بالماء مثلا لتر كنقسمو على 2 قراعي و نزيد الماء و نفس الشئ بالنسبة لساني كروا ديال لتر
ايضا ماء التشلال ديال التصبين كنسيق بيه الحمام
و الا تفكرت شي حاجة نرجع نكتبها
المشاركة الأصلية كتبت بواسطة ichrak07 صافي نويت ان شاء الله ندير حتى انا صنيديقة نعمرها بالدريهمات اللي ما كانوا ما كيعمروش ليا العين كنت تنقول مع راسي شحال غيتجمع كاع
و غادي نزيد نقتصد في المساحيق ديال النظافة هي اللي هالكاني بحال اتشي ديال 2.5 كتمشي لي في سيمانة واخا نخلط معاها الماء سانيكروا ما تيدوزليش سيمانة اما اوني نصف كيلو اللي تنشريه في السيمانة و انا متأكدة كون كنت ناخد كيلو غادي نساليه
و هدشي عاد راني مع راسي كنقتصد
المارشي كنمشي ليه 3 حتى 4 مرات اسبوعيا واخا التقدية على قد الحال انما منين حسبتها لقيت عندي فيها التبذير
راجلي كيعطيني 500 درهم اسبوعيا تنجيب منها الخضر اللحم الدجاج الحوت و مواد التنظيف اما الحليب الخبز دانون الماء الديسير الماء الضو الانترنيت هو مكلف بيهم اما خلاص الى جا شي حد ما كنعرف لا منقدم لا ما نوخر
هانا خويت عليكم المزيودة
اللي لقات باش تزيد تفيدني الله يسهل امورها
حبيبة راه ممكن توفري بزآآآف حسب المصروف للي كيكون فيدك راه فيه الخير و البركة و يشيط و يفيض
خص غير تحاولي تتكايسي و تديري فبالك فكرة انك توفري مبلغ محدد فوقت محدد بحال تحدي لنفسك ، الانسان كيبغي التحديات و لما كتفيكسي لراسك هدف معين فوقت معين راك كديري كل جهدك باش توصلي ليه حتى لو كانو مصاعب او لحظات ضعف مكتهمكش حيت كتذكري راسك بهدف
ديري ليستة بكل حاجة كتتقدايها و كتحتاجيها من الضروريات ليك و لاهل بيتك يعني راجلك و وليداتك …
و ديري ليستة بالحاجات الكمالية للي ممكن تستغناي عليها و تولفي لراجلك و وولادك يديرو منها بالناقص او ياخذوها مرة مرة
500 درهم اسبوعيا هي اقل شيء فالشهر 2024 درهم و ممكن تكون 2500 درهم حسب الاسابيع
و هاد المبلغ راه ممكن توفري مايقارب نصفو الى تبعتي سيستيم المونة كيف كانو كيديرو جدودنا (بيت المونة او بيت الخزين ) يعني تشري للشهر و لل15 يوم و للاسبوع ماشي يوميا
و تشري الضروريات و تعلمي راسك انك تقضي باللي عندك يعني زيري السمطة على راسك ماشي حيت محتاجة او مخصوصة لكن باش تتفاداي التبذير و توفري لدوايز الزمان و لراسك و راجل و وليداتك
الى كنتي كتتقداي فالاسواق الممتازة بحال مرجان و اسيما و كارفور … تعودي تديري مقارنة بين الاثمنة و الحاجات للي متوفرة فالمنتوجات الاقتصادية خوذيها جربيها لو ناسباتك اعتامديها راه كتشكل فرق فالفاتورة ملحوظ
ايضا الخضرة و الديسير و اللحم حاولي ما امكن تتقدايها للاسبوع ماشي يوميا راه كتضيع الفلوس المقضية اليومية و مكتعرفيش شحال كتدي ليك فالشهر ماشي بحالا حددتي ليها مبلغ معين كتشري بيه و مكتزيديش عليه كتتعلمي تقضي بيه دون زيادة
المونة كيف قلت عمليها شهريا يعني الدقيق الزيت و توابع ديالهم
الملابس و الكسوة و السبابط عملي ليها ميزانية محددة اما موسميا او شهرية حسب حاجتك ، ماشي وقتما خرجتي و بانت ليك الحاجة تشريها ، لول تعجبك فكري واش واقفة عليها او غير غتكون اضافة للماريو
الالعاب ديال الوليدات راه كيديو قدر كبير من الفلوس
علمي وليداتك و دلمي راسك تشري ليهم لعبة واحدة كل شهر او كلما جمعو نقاط التصرفات الجيدة فالمدرسة و البيت منها كيكون تشجيع للوليدات باش يعملو حاجات مزيانة و منها كتنقصي من الشراء بلا حساب
اما الصنيديقة راها كتجمـــــاع و كتصدمك لما كتفتحيها
انا هي باش عملت الصالون من الفراش للثريات للخاميات و حتي فراش بيت النعاس و بيت الجلوس و الميعنات ديال الكوزينة ، كلشي من لالا الصنديقة
صحيح انه كياخذ وقت لكن لما كتعملي حاجة بفلوسها كتفرحك و كتكون عزيــــــزة و كتحسي بفخر كبير
اما التوفير من مصروف البيت فضروري ، حاولي توفري اكبر قدر ممكن
و باش تكون فيك العزيمة للتوفير ديري فكرة فراسك
مثلا بغيت نشري الاة غسل الاواني او بغيت نشري خاتم ذهب عجبي او بغيت نشري حاجة عجباتني و ثمنها غالي
هكا غتوفري فمصروف الدار لانه عندك هدف معين كيساعدك كلما نفسك بغات تضيع الفلوس فحاجات كمالية و غير ضرورية كتحبسيها و تجبريها توفر
هادي طريقتي و هي باش عملت الالت ديال ان كان العجان او الاكتيفراي او ماكينة الماعن او غيرها من الالة مكنعولش على راجلي او نطلب منو لكن كنوفر من مصروف الدار ما امكن باش ندير للي محاتاجاه
حيت واخا كيكونو فلوس التجارة و العمل لكن هادوك كيبقاوفراس المال ماشي كناكلهم و نجلس نقول اش درت هههه
و طبعا لا بد واحد القدر تخليه لدويرات الزمان لانه الانسان مكيعرف اش مخبية ليه الدنية
لذلك خبي قرشك الابيض ليوم الاسود الله لا يكتب علينا ايام سوداء لا فالدينا و لا فالاخرة
و الحاجة للي كتساعد فالتوفير و كتزرع البركة فالفلوس و كتكثرهم هي الصدقة
تصدقي ولو بخبزة لمسكين او محتاج راها تنفعك
مكيهمش قدر الصدقة المادي انما النية منها
كلما تصدقتي نوي فيها انه الله يبارك ليك فرزقك و اهل بيتك
المشاركة الأصلية كتبت بواسطة zho-tce كانشكركوم بزاف على النصائح
حتى أنا بغيت نفيدكم ب تجربتي المتواضعة
أنا خدامة ف بريفي أ كانتخلص ب سميغ للأسف بعيدة على دارنا يعني كارية بحدي أ كانصرف على راسي
السيلر فيه 2024 د
كارية بيت مع مولات الدار ب 400 د
200 د ديال ترانسبور تاكسي
200 د ديال دارت
200 د كنوفرها ضروري للطوارئ
كندور مع دارنا مرة مرة ب 200 أو 300 د حسب الضروف
كتبقى ليا 500 د كانتقدا منها فيها : 2 ل زيت / 1 باكية سكر / 1 كلج سنيدة / 1/2 كلج من المعجنات مخلطة / باكية زبدة / الفورماج مرة مرة / 1 كلج سميد للحرشة / شوية العطرية 3 د من الحاجة ههههههه / باكيت تيد / صابون / مطبشة الحك / الخضرا كانتقداها فالعشية كاتكوون رخيييييييصة هي و شوية ديسسير حساب الميزانية / واحد دجاجة و1 كلج لحم كانقسم الجودة على الأيام / ………………………
كاين المرات لي كنفووت 500 د أ كاينين شي مرات كانقتاصد على 500 على حساب إلى جات شي طوارئ
كانتكسا 2 مرات ف العام بفلوس دارت
هذا مكان عايشة و الحمد لله مستورة أ مخصني حتى خير على قد الحال
المهم قادة براسي ماكنقوول ل حد عطيني واخا كانتأزم شي مرات ولكن ربي كبير ديما كايفرجها عليها متلا كايدور معايا ل باترن ولا كايزوورني شي هاد من العاءلة أ كايجيب لي معاه المعونة
المهم أنني تعلمت منكم بزيف د الحويج ف الاقتصاد أ تعلمت نعول على راسي و نوفر شوية ل زمان واخا غير 100 د ف شهر أضعف الإيمان
المشاركة الأصلية كتبت بواسطة zho-tce شكرا بزااااااااااف على الدعوة لي كاتيشرح النفس لهلا يخطيك
أختي مسألة الصتيديقا راها مزينة واخا ترمي غير 1 د فالنهار أ نسيها أ مرة مرة رمي فيها شي دقة صحيحة هههه والله حتى تفاجئ منين تفتحها
الخضرا ماتبقايش غير تشري أ صافي خودي غير الضروريات و الخضرا لي ماكاتاكولوهاش بلاش منها
الكمالية حاولي تناقص منهم فحال دانون فروماج ماشي ضروري كل يوم
بنسبة لحم قسمي الجودة على الأيام ماشي غير يجيب ليك الراجل 1 كلج و ترميه ف مرة لاااا قسميه على 3 أو 4 غير باش تحلي و صافي ههههه
ناقصي شوية من شريان الحويج راه الماريوات غادين يطارطقووأ فلوسهم خودي بيهم شي حاجة د الصح فحال الذهب علاش لاااااا
هذا مكان
ماشاء الله عليك
الله يكمل عليك بالهنا و الخير و يرزقك الزوج الصالح للي يفرحك و يسعدك و يهنيك يا رب
راك مرا ديال الزمان احبيبة ماشاء الله عليك
غنقولك حاجة كنقولها لاخوات كثار فالعائلة و المعارف بشكل عام
و هي السكر و الزيت كيستهلكوها بزاف ههههه
هادي عادة عربية اصيلة السكر و الزيت كنشربوهم بحال الماء خخخخ
حاولي تجربي شي شهر تشري غير نوع واحد من السكر اما سنيدة او السكر ،
و غتقولي الفرق فالمذاق و اتاي مكيجيش بسنيدة غنقولك غير ولف السكر سكر كيفما كان سم ابيض معلينا عليه لاين ههه
الزيت حاولي تستهلكي لتر واحد راه يكفيك و يزيد فالشهر الواحد
اما الباقي كف قالو الاخوات و قلت راك مرا و نص ماشاء الله عليك الله يجيب ليك ولد الناس للي يستاهلك و يعزك ان شاء الله
المشاركة الأصلية كتبت بواسطة شمس الغالية اخت امنار فكرة الصنيديقة رائعة و عن تجربتي
جمعت فيها الخير و البركة
واحد المرة فتحتها لقيت فيها 2024 درهم و الله تصدمت كنت متوقعة اقل من 500 درهم
راها تنفع
و لكن زمان هذا مادرتها
شجعتيني نرجع لصنيديقتي
و حاجة اخرى بالنسبة لمواد التنظيف كندير طريقة و هي كنهرس جافيل بالماء مثلا لتر كنقسمو على 2 قراعي و نزيد الماء و نفس الشئ بالنسبة لساني كروا ديال لتر
ايضا ماء التشلال ديال التصبين كنسيق بيه الحمام
و الا تفكرت شي حاجة نرجع نكتبها
الله يبارك فيك و يسلمك احبيبة
فعلا الصنديقة كنز واخا قليل للي باقي كيخبي فيها
فكرت التوفير فمواد التنظيف ممتازة احبيبة
هكا كتربحي و كتوفري و كتكايسي حتى على صحتك و البشرة ديالك بتخفيف جهد المواد الكيماوية
الله يبارك فيك و سيلمك احبيبة
فعلا لاصنديقة كنز واخاقليل للي باقي كيخبي فيها
فكرت التوفير فمواد التنظيف ممتازة احبيبة
هكا كتربحي و كتوفري و كتكايسي حتى على صحتك و البشرة ديالك بتخفيف جهد المواد الكيماوية و ماء التصبين ممكن تتسيق بيه الارض و الدروج و السطح و الشراجم او يتكب بدل الماء فالطواليط اعزكن الله منها كينظف و كيعطر و كيكون اقتصاد فالماء
للي تفكريها اتينا بيها احبيبة الله يجزك كل خير