سلام لبنات انا ديما متبعاكوم ولاكن هادي اول مرة نكتب ابغيتكوم تعاونوني عفاكوم مورا العيد انشاء الله عندي خطوبة رسمية اومعرفت شنو نوجد ليها من الاكل وشنو نلبس اوغادي نديرها بسيطة يعنيغير الوالدين ديالي او الوالدين ديالو اخوتو صافي انا حيت عندي قفطان موبرا فالحمر اومخيط بالصفر واش هاد اللون كيتلبس فالخطوبة او لا جاوبوني فاقرب وقت الله ايجازيكم 
o’,fjd rvfhj uht;,l uh,k,kd t>a>g>s
akhti llah i**** omorek ana ma3ndi ta khibra ghi bghit ngoulik llah ikmel 3lik bkol khiiiiir 🙂
اختي عليك بمنتدى عروس راه تلقاي فيه كلشي, قلبي وقراي المواضيع, و شوفي الصور, و الحمد لله الاخوات حاطين كلشي بالتفصيل الممل و انت ديك الساعة عينك ميزانك هههه وبالتوفيق اختي و الله يسهل ليك خطوبتك و يدوز كلشي على خير, و تجي تحطي لينا التصيورات نفرحو معاك
شكرا ليكم بزاف خوتاتي كنتمنى من الاخوات الخرين افيدوني
سلام عليكم أولا الله ايسر لك الأمور وتانيا نعم بنت عمي لبست فخطبوتها نفس قفطانك حمر ومخيط بالصفر وطلعت غزااالة فيه , بالنسبة للأكل كل واحد واش كدير على حسب الإمكانيات لجاو فالصباح ستقبلوهم بالحليب وتمرغتحطو ليهم أتاي والحلوى ومملحات شي طارط , طبيسلات فيهم اللوز والتمر والكُركُاع ~ الفواكه اليابسة ~ , من بعد مدوز الخطبة وتركاب الخاتم ودكشي غيجي وقت الأكل دجاج واللحم ولا سفة لي قديتو عليه , نتي ديري مكياج زوين ولبسي قفطانك هدشي لي غنقولك الله اكمل لك بالخير وكما قالت الأخت كينين صفحات لي غيفيدوك كتر
أي قفطان سامبل ومزيون كيتلبس فالخطبة … واخا غير قلالين بيكم عملوا شيحاجة مزيونة استقبلوهم فالباب بالحليب والتمر، وإذا كنتو باش تعملو العشاء ما تعملوشي الملح، عملو غير اتاي و شي 5 دالشكيلات دالحلوى داللوز، من بعد نزلولهم الشلاضة، من بعد الدجاج محمر أولا بسطيلة ديال الدجاج، ومن موراهم نزلو اللحم بالبرقوق والمشماش، فالاخير نزلو يا إما فلان يا إما الفواكه وصافي، ومورا العشاء قطعو الطرطا مع العصير إذا ما عملتوشي العشاء عملوا شي 4 دالشكيلات ديال الملح مع العصير ومن موراهم فرقوا الحلوى واتاي، وفالأخير قطعوا الطارط وعملوا معاها مونادا كنتمنى نكون توفقت فطرح الأفكار ديالي والله يجعل كولشي مبارك ومسعود
مبروك أختي، او الله اكمل عليك بخير. أختي بنسبة لاكل، شوفي نتي او إمكانية ديالك، إما بسطيلة و لحم ببرقوق أو دجاج محمر و لحم، وبطبيعة لحال،حلاوي ديال اللوز او فاكية اوdessert . حمدلله مغاربة ناس معروفين بالكرم، غادي تلقاي داركم عارفين مزيان هاد تفاصيل، غير عونيهم نتيا في décoration او zwa9،ههههه.تبارك الله لمنتدى فيه ما تستافدي، داخلي لقسم لعراضات او شوفي طرق التقديم. بنسبة أختي لقفطان، متبلبسيش الأحمر، لبس شي لون ديال لعريسات، متلا turquois , rose,pistache ،او maquillage ديريه خفيف بزاف او مديرش مشطة، صايب شعرك عادي أو ب-babyliss نتمنى أختي نكون فدتك، رغم تجربتي المتواضعة في هاد المجال، او سمحلي طولت عليك
شكرا ليكوم بزاف على الافكار ليعطيتوني
متلبسشي الون حمر كاين الوان حسن كيجيو فالخطوبة وردي مفتوووووووح غاذي للكريما اولا بااج تركواااز