خبيزات مالحين ولا أروع دخلو وماغتندموش

كنت سبق لي حطيتهم وطلبو مني البنات يكون بالصور وعاد ضبرت على مصورة باش نوريكم كيفاش يدار لهم
المهم نبداو على بركة الله بالمقادير أنا عملت هاد المقادير خرجو ليا 22 خبيزة
بالنسبة للعجين 700 غ دقيق, معلقة الزبدة, شوية الملحة, الخميرة على حسب الجو
بالنسبة للحشوة 250غ كفتة بيبي موالفة نعمل ديال البقري ليوم عملت بيبي, 2 بصلات متوسطين أو 1 كبيرة, شوية الملح و الإبزار, شوية الزعتر (على حسب الدوق), وفروماج السندويشات شي 4 طرونشات صافي
[IMG]https://www.anaqamaghribia.com/pic/images
/83l93vde7zuah2azfc.jpg[/IMG]
نسيت تقدرو تعملو تاني صدر بيبي معطع ضويمات ومشحر مع البصلة ونضيفو صلصة البيشاميل وفروماج أحمر
نجمعو العجينة بالماء البارد وتدلك جيدا حتى تولي طرطق وتخليها تخمر من بعد تعودي تهويها وتخمر مرة أخرى كيفما في الصورة
في هاد الوقت نوجدو العمارة نشحرو البصلة حتى تولي شفافة مع شوية الملح من بعد نضيفو لها الكفتة وشوية الإبزار والملح والزعتر ونبقاو هي تطيب وحنى نمعكو حتى تفرتت مني طيب نخليوها تبرد
ندوزو للعجين مني تخمر نكونو منها كويرات أنا عملات لي 22 كرة

من بعد نأخدو مدلك ونبداو نسرحو كل واحدة بحدها بطريقة طويلة كيفما في الصورة

وهاهي مني ساليتها

مني ساليتهم كاملين عمرت كل واحدة بالحشوة وقطعت شرائح ديال الفروماج على الطول وعملتو فوق منه كل كويرة

من بعد تنلف العجين لفة واحدة كيفما في الصصورة

ونضغط بأصبعي باش الحشوة مني تبدا طيب الخبيزة متخرجش ويلا كنتو مقويين الطحين ومابغاتش تلق ديرو شوية الما في أسبع ديالكم وبداو ضغطو


مني نساليو الضغط نبداو لفوها

مني نساليو نبداو نقرصوها بصباعنا باش العجينة متحلش في الفرن

هاهي مني قرصناها مزيااااان

من بعد نحطوهم في لاطة يخمرو

نكون موجدين شي زلافة فيها نسكافي وشوية الما و صفار بيضة وشوييية الخل

من بعدما يدهنو الخبيزات نخشيوهم في الفرا سكون سخوووون حتى يطيبو وبالصحة والراحة أنا عملتهم نصف طيبة لحقاش بغيتهم لرمضان مني نبغيهم نخليهم يترخاو وندخلهم يتحمرو

وهاد الطبسيل اللي دخلات تأخد وحيدة بالصحة والراحة

مكرهتش من المشرفات يتبتو الموضوع , وبغيتكم اللي عجبها موضوعي وطريقة الشرح دعي معايا ومتبخلوش عليا بالردود

ofd.hj lhgpdk ,gh Hv,u ]og, ,lhyjk]l,a