خبيزات للفطور بالقمح الكامل و اللبن كالعادة صحيين و بالصور

السلام عليكم آخواتــــــي نتمنى تكونو بخير
ومبروك عليكم هاد الأشهر المباركة

هاد لخبيزات ماكايخطاونيش من دار ديما كنديرهم بزيادة ونخليهم فالفريكو
كيبقاو هشاش مع معجونين باللبن وماكانحتاش نسخنهم كنجبدهم بوقت قبل
كنخليكم مع المقادير و الطريقة بالصور:

2 كوب و نص دقيق القمح
4/3 كوب لبن
3 م ك زبدة طرية
2 م ص خميرة خبز
م ص ملح
ربع م ص خمارة لحلوى
ربع ملعقة بيكاربونات صودا ”اختياري”
ربع كوب ماء دافئ و م ص سكر لتذوب فيه الخميرة لخبز
الطريقة:
كنذوبو الخميرة مع السكر و الماء في الإناء فاش غنعجنو
ونخليها حتى تفاعل و تطلع مزيان مع الصهد م ص خميرة كافية
ونزيدو ط§ظ„ظ„ط¨ظ† و الزبدة ونخلطو الكل مزيان ونبداو نزيدو الدقيق
والخمارة وب الصودا والملح بتدريج واحنا كنعجنو ”إلا بغات تنقص دقيق
كوب من القمح وتزيدو فورص ممكن.” عجينة رطبة ماشي كتلصق وندلكوها واحد 5 دقايق ونرش
دقيق

ونخليها تخمر ساعة او أقل إلا تتضاعف

ومن بعد تقسم كويرات
دارت الشكل 1 زدت حبيبات الشكلاط ودرتو كومير صغير

وفلحتو بالموس ودهنتو بأصفر بيضة+م ك ماء

والشكل 2 كرصتو عادي و قطعت جناب بالمقص وذهنتو بالحليب

مع الحال سخون فين ماجيت نكمل لقيتهم خمرو وطيبتهم في فران
مسخن 180 د من 15 إلى 20 دقيقة حسب لفران
هاهوما ملي طابو

من الداخل

نتمنى يعجبوكم وتجربوهم ساهلين وصحيين وماكايجيوش مدقصين
وغيعجبو لوليدات كيف كيعجبو ولدي ، وقبلو على أختكم وأي استفتار انا في الخدمة
ولا تحرموني من ردودكم آخواتي .
واللهم ادمها نعمة و احفظها من الزوال
في امان الله

ofd.hj ggt’,v fhgrlp hg;hlg , hggfk ;hguh]m wpddk fhgw,v