تم التتبيث بواسطة فاطمة التهامي
بتاريخ 2024.05.16
السلام علييكم بنات كيف دايرين نتمنى تكونو بالف خير ان شاء الله
ليوم جبت ليكم خبز الفوكاتشيا لي هوا خبز ايطالي فالاصل وبسيط فالتحضير
والنتيجة زويينة باش نبدلو شوية من اشكال الاطباق لي كنقدمو
3كيسان عنبة دقيقة فورص ممتاز او ما يعادل 300غرام
معلقة كبيرة خميرة معجونة
معلقة كبيرة سنيدة
معلقة ملح
ربع كاس صغير زيت زيتون
زعتر اختياري
ما دافئ تقريبا شي 150ملل
للتزيين
ربع كاس صغيير زيت زيتون
زعتر/ازير/زيتون اسود و اخضر
ندوبو الخميرة مع السنيدة في قليل من الماء الدافئ لمدة 10 دقائق
من بعد نضيفو باقي مكونات العجين و نبداو نضيفو الماء بشوية بشوية
على حسب نوعية الدقيق واش كيشرب ولا لا
هيا كتكون
ونغطيوها بشي زيف نقي ز نخليوها تخمر في مكان دافئ مزيااااان شي
2 ساعات تقريبا لي كتحتاج 
نوجدو طاوة و مدهونة بالزيت زيتون
ونسرحو العجين بايدينا و نحاولو نطبعوها بصباعنا و هادشي هو لي كيميز خبز الفوكاتشيا
نخويو الزيت و نحاولو نوزعوها باش تعمر دوك التقابي و نبداو نزينو بازير و الزيتون و نرشوها بالزعتر
نخليوها تخمر مرة اخرى لمدة نصف ساعة
ونكونو مسخنين الفرن على درجة 200 مزيان
عاد ندخلوها ليه نحطوحا لتحت كااع
ونخليوها طيب و تحمر تقريبا تحتاج شي 25 دقييقة
نخليوها تبرد عاد نقطعوها و نقدموها بالصحة و الراحة
على قد ماهيا بسيطة كتجي لذييذة والتزيين كيبقى حسب الذوق
لي بغا شي حاجة يضيفها الاساس هو العجيين و بالصحة و الراحة
of. hgth;hjah hghd’hgd lk l’fod hghd’hgn
المشاركة الأصلية كتبت بواسطة ابنة فاطمة 
ربي يخلييك
تم التقييم
لقيتيني كنصاوب فيها ههههه
المشاركة الأصلية كتبت بواسطة أم للا ملاك ربي يخلييك اختييي
المشاركة الأصلية كتبت بواسطة *وئام* تم التقييم
لقيتيني كنصاوب فيها ههههه
ربي يخلييك ههههههه وبصحتك منين تقاديها قولي لينا النتيجة
المشاركة الأصلية كتبت بواسطة أميرة باخلاقي راها كتخمر ههههه, لقيتيني درت وحدة اخرى قبل متحطي موضوعك, المرة الماجية ان شاء الله نجرب هادي ديالك.
تم التقييم.
تم التتبيث
في انتظار جديدك