السلام عليكم اش اخباركم اليوم درت واحد الخبز جاء زوين بزاف ودرت المربى ديال الحامض اللي دازت في اللقاء المفتوح وجات طيبة كثير وانا من الناس اللي كتعجبني مربى البرتقال والحامض غير جربوه وانشاء الله يعجبكم نبدوا باسم الله
مربى الحامض=نصف كيلوا الحامض-300غ سكر سنيدة-1 كاس كبير الماء
نغسلوا الحامض مزيان ونديروه في كوكوت ونديزوا معه الماء ونسدوا الكوكوت 10 دقائق ونطفوا عليها ونخلوه يبرد ثم نفتحوه بسهولة ونحيدوا التفل والعضم اللي في الوسط ونطحن الخليط مزيان في الماكيتة حتى يولي كريمي وندوه في كسرونة ونزيد عليه الكاس ديال الماء+السكر ونخلوا يطيب على المهل مع التحريك المستمر حتى يتقال وانا زيادة من عندي دائما في المربى كنزيد في الاخير رأس ملعقة ديال بكربونات الصوداغير يغلوا ونطفي هي كتنفع في حالة الى درتي مربى كثيرة وكتحتفظي بيها مدة طويلة ماكتوليش مسكرة اي السكر اللي فيها كيتجمع والى كنت دايرة غير شوية بلا ماتدريها
في اللقاء المفتوح السيدة اللي دوزت الوصفة درت كيلوا الحامض انا درت غير نصف كيلوا وها الكمية اللي خرجت ليا
الخبز بالزبادي=نصف كيلواالدقيق الفورص-1 زبادي-ملعقة كبيرو ونصف خميرة العجين-1ملعقة صغيرة الملح-ملعقة كبيرة سكر-ملعقة كبيرة حليب بودرة -ملء دافيء للعجن
نجن الكل مع بعض وتكون العجينة مرخوفة شوية ونخلوها ترتاح شيء 15 دقيقة ونقسمها على 2 ونديروا 2 خبيزات ونديرها في الطاوة ونشكلها كيف الصور ونخلوها تخمرومن بعد ندهنها بالبيض مجلط بقليل من الحليب ونقطة خل ونرش بالجنجلان والسانوج وتدخل الفرن هذه الخبز مع المربى واوووووووووووو كيهبلوا جربهم وردوا عليا وماتنسوش تدعوا معيا وتشجعوني
of. hg.fh]d ,lvfn hggdl,k lk l’fo g,g, h;h]dv l,l, ,Nvfp
المشاركة الأصلية كتبت بواسطة أم ندى2 
ممكن تستغني عنوا حنت الزبادي كافي