خاص ببنات العيون الصحراء طلب ارجوكن

السلام عليكم البنات عافاكم قولولي شي نادي و لا مدرسة المهم فين نتعلم الخياطة و يكون قريبلي مع الدراري مايصلاحلي البعيد انا ساكنة فالحشيشة امام مسجد انس بن مالك و حتا اللي تاتعرف شي خياطة قريبة لي تعلمني راه عندي المكينة غي محطوطة انا بغيت نتعلم للفصالة واللي تاتعرف شي وحدة تقولي فين بالضبط و بشحال بغات تعلم الله يجزيكن خير الدارين

---

ohw ffkhj hgud,k hgwpvhx ‘gf hv[,;k

و جاوبوني البنات الله يجازيكم خير الدارين

اختي نتمنى يدخل الاخوات ليقدرو يفدون .انا كتبت باش يترفع لك الموضوع .بقاي تطلعيه حتى يجاوبوك الاخوات إن شاء الله

شكرا مشرفتي العزيزة الله يجازيك كل خير

العفو عزيزتي ومن الاحسن تدخلي لتجمع ديال لعيون الى كاين او تجمع الصحراويات وتسوليهم تما غادي كلشي البنات يجاوبوك .جربي على الله ونتمنى لك التوفيق اختي

شوفي احبيبة راه عندي بنت خالي فالعيون تتعلم الفصالة فواحد النادي تيعلمو فيه الخياطة العصرية مزيان
جابو ليه موديليست.راها تتشكرالمعلمة بزاااف وقالت لي فالتيليفون بلي راها تعلمات مزيان.هي تتسكن فشي بلاصة اسميتها
الدويرات والنادي حدا دارها

انا ساكنة فالعيون فحي المسيرة مي ماعنديش فكرة على شي نادي

اختي دارنا كاينين فالعيون حدا مسجد انس
و ختي داخلة لواحد النادي حدانا تما كتعلم فيه
الى بغيتي خلي لي الفيس ديالك فالادارة باش نلاقيك باختي راها يمكن قالت لي غتبدا تعلم البنات تما حيت هي عامين دابا فالمجال

[quote=sofi99;9306764]شوفي احبيبة راه عندي بنت خالي فالعيون تتعلم الفصالة فواحد النادي تيعلمو فيه الخياطة العصرية مزيان
جابو ليه موديليست.راها تتشكرالمعلمة بزاااف وقالت لي فالتيليفون بلي راها تعلمات مزيان.هي تتسكن فشي بلاصة اسميتها
الدويرات والنادي حدا دارها[/q

ااه عرفتها شكرا ليك اختي دويرات بعبدة عليا شوييية كنظن هادا اللي قلتي دار المواطن؟؟؟؟مشيت شفتو زويين غير بغيت شيحاجة قريييبة ليا الله يجازييك خير

واخا اختي انا نشوف كندير نخليهلك حيت ما زال ماتانعرفش و شكراااااااااا ليك بزااااااف مسبقا