خائفة من الفشل أرجو المساعدة

أخواتي بغيت المساندة و عطيني الرأي ديالكوم هادي سنتين دخلت مدرسة الحلاقة بهولندا السنة الأولى نجحت خاصة بالشعر القصير وهاد العام الثاني الشعر القصير والطويل والرجال لكن أغلب التجارب وعملي كان مع النساء الرجال ما عنديش فيهوم تجربة كبيرة الشهر المقبل عندي إمتحان على حساب الدبلوم ط®ط§ط¦ظپط© ما ننجحش لأنه صعيب جداً بحكم صعوبة اللغة وأيضاً الصباغة الكمية والأكسيد لي غادي ضيفي گا ع ما بغا يدخل لي لرأس ،أنا بصدد البحث عن عمل لقيت إعلان تأصلت بمول الصالون قالي أجي و نشوفك ونهضرو ولكن خفت يجربني يلقاني زيرو ومترددا واش نمشي ولا لا

---

ohztm lk hgtag Hv[, hglshu]m hgtwg

70 مشاهدة ولا رد وااااحد إيوة طورنا ذاتنا بكري معاكوم

السلام عليكم و رحمة الله
يارب يرزقك التيسير و النجاح دنيا و آخرة
شوفي أختي ,لازم تعرفي أن بالتجربة غادي تعلمي, و بالتكرار,أنت مازلت تدرسين يعني في طورالتعلم ,وهاد السيد لي غادي تعملي عندو تدريب عارف هاد شي,يعني ما عندك مناش تخافي,و حاجة أخرى أنت ما غادي تخصري والوا بالعكس لو مامشيتيش عندو ماغاديش تكسري حاجز الخوف لي عندك
و المجال ديالك يستدعي المواجهة و الثقة في النفس,لي غادي تكتاسبيهم من خلال التداريب لي غادي تعملهم خارج المدرسة,لحقاش غادي تخليك تواجهي مع الناس
مسألة اللغة ماشي مشكل,غير بشوية بشوية غادي تكتسبيها أكثر,و أصلا الحوار مع الناس غادي إكون محدود و فقط مقصور في نوع الصباغة أو التسريحة(يعني ماشي غادي تبقاي تجمعي معاهم),لي مهم هو الإبتسامة و حسن المعاملة مع الناس و ثقتك في نفسك غادي تخليهم يطمئنوا لك
الإمتحان متخافيش منو,خلي ثقتك بالله ,و الأيام لي بقات قبل الإمتحان إستغليها بأخد معلومات من الأنترنت شوفي فيديوهات,راه عطاهم الله,غادي إفيدوك بزاااف ,و حاجة أخرى ضروري تمشي للتدريب خارج المدرسة,و عملي محاولات في صالونات بزاااف حتى تعلمي,حاجة أخرى لي خلاك تقطعي شعر المرأة غادي إخليك تقطعي ديال الراجل,نهار الإمتحان متخافيش راه نفسيتك تتلعب دور كبيييير في نجاحك أو العكس لا قدر الله
وأهم نصيحة هي الثقة ثم الثقة في النفس ,علاش مالك أشنو الفرق بينك و بين الآخرين راه كلشي ماكانش تعرف و تعلم من بعد و مع التكرار تتجي الخبرة

قلبي على شي صالون عند شي نصرانية وديري عندها غير المنااج وشوفي الخدمة وتعلمي وشوية شوية قولي ليها راه كانقرا على الحلاقة وراه غادي تعلمك بالحق شدي ورقة وستيلو وبقاي سجلي كل ملاحظة وكتبيها باللغة اللي تفهمي وراه الهولندية ساااااهلة خاصك غير تزعمي وماتخافيش

والله يسهل عليك ويوفقك

أختي نصيحة أخيرة,قبل ما تبحثي على عمل,لازمك قبل تعملي تدريب ولو لمدة قصيرة
و ربما المكان لي غادي تدربي عندهم يشوفوا خدمتك و طلبوك تبقاي معاهم
هاد المسألة جرات لي ,مشيت نعمل تدريب,مني شافوا أنني بغيت نتعلم و شافوا خدمتي ,طلبوا مني أنني نشتغل معاهم
(عطيتك مثال واخا أنا ماشي في نفس الميدان ديالك)

شكرا أخواتي على الردود فرحتوني بززززاف جزاكن الله خيرا

شكراا ختي على ردك الطيب والله رفعتيلي المعنويات دياولي بالنسبة للتدريب جربت وما قبلونيش صالونات الحلاقة لحقاش محجبة وما كاينة حتى شي كوافورة محجبة فهاد لمدينة غير كيشوفو الحجاب كيقولو لي لا عندنا لي الناس كافية لي يخدمو معانا أما هاد السيد مين تاصلت بيه قتلو راني محجبة قالي ما كاين مشكيل سولني على جنسيتي لقيتو حتى هو يمني يتكلم العربية دار معايا موعد غداً نتمنى من الله يكون خير

شكرا ختي على الرد ديالك ما قبلونيش حتى الصالونات التركيين والإرانيين لي مسلمين يا حسرايقبلوني النصارى لأن الكوافيرة هنا خاصها تعري شعرها باش يشوفوه لكليان قاتهالي حتى وحدة كنت مشيت نسجل نقرا عندهوم قاتلي نقبلوك لكن وقت الدرس تحيدي الحجاب قتلها واش القسم مخلط حتى بالرجال قاتلي نعم ونا ندير بناقص من داك المدرسة مشيت سجلت فمدرسة أخرى لي قابلين تبقاي وقت الدرس بالحجاب ونا الوحيدة المحجبة فالمدرسة

شكرًا ختي على الرد ديالك التدريب لابد منو لكن مالقيتوش كنتبع غير اليوتوب ونتعلم طرق تقطيع الشعر ،داك الشي علاش فيا عاد الخوف

الله يسهل عليك اختي ويوفقك