السلام عليكن
بغيت غير نفش قلبي و نعرف واش هادشي اللي تانمر بيه طبيعي أولا
انا حملت الحمد لله بعد انتظار أكثر من 3سنوات و ولدت بنتي هادي شهر ونص. المشكل أنني من نهار ولدت ماخرجتش حيت لوحدي فالدار ماكاينش اللي يعاوني و هادي أول ولادة ليا يعني يا لله تانتعلم كيفاش نتعامل مع طفل صغير. حسيت بالملل بزاف و خصوصا أن بنتي تانضل تبكي م اعرفتش شنو بيها دينا ها الطبيب قالينا الغازات و عطانا الدواء و نقصات شوية من البكا. ماما تاتقولي راكي تاتخصري ليها النعاس و انا مازال ماعرفتيش كيف نتعامل معاها. ملي تاتفيق تانوكلها و نلعب معاها شوية و نبدل ليها و نحطها تنعس و لكن تاتبقى تبكي. ثاني حاجة بغيت غير نخرج نشم الهواء خصوصا انا مولفة الخروج بزاف ما عرفت شنو ندير! واش نخرجها و هي ما زالة صغيرة او شنو ندير. حسيت بفرق كبييير بين شحال هادي فاش كنت ديال راسي و كنت تانتسنى ايمتا غير نحمل و بين دابا فاش وليت نسهر و وووو…سبحان االله! عاافاكوم عاونوني راه وليت تانحس بالاكتءاب م اعرفتش كيف نتعامل مع بنتي
pdhjd jydvhj fu] hg,gh]m shu],kd hv[,;l
شوفي يابنتي الدراري راه مسؤولية كبيرة وانتي هذه ولادتك الاولى
كل ام تتمنى هذ النهار ولكن فاش يجي كاتحس بلي غادي تتخلى على بزاف ديال لحوايج وتخاف ويجيها الملل والاكتيئأب
ولكن راه غير تعرفي كيفاش تنظمي يومك ونعاس البيبي وتولفي هذ الضيفة الجديدة اللي غادي تولي معك طول العمر ان شاءالله وكل شي غادي يرجع هوا هذاك
نجو لنعاس بنتك حاولي تربيها على الطريقة الغربية في نعاسها واكلها
الى كاتعطيها الرضاعة خاصك تبداي من 6 صباح وقبلها تكوني دوشتيها وبدلتي لها وعطرتيها ومشطتي لها وغيرتي فراش سريرها شديها في يدك وراسها طاله شوية ويدك تحت راسها وقولي بسم الله وعطيها ترضع غير تكمل وقفيها مع صدرك ويدك ورا راسها ويدك التخرى ورا كتيفاتها وطبطبي عليهم حتى تتgرع وحطيها مباشرة باش ماتتعلمش لك اليد
والى بغيتي تلعبي معاها لعبي وهيا على فراشها
والى كاترضعيها من صدرك مانقدر نفيدك لاني مارضعتش
الرضاعة الثانية 9 و12 و3 و6 والاخيرة 9 ليلا وقبل ديال 9 ديال الليل تدوشيها ولعبيها في الماء السخون باش تعيا وتنعس نشفيها لبسيها ورضعيها ونعسيها واخا تبكي ماتشديهاش الليلة الاولى غادي تبكي والثانية والثالثة غادي تتعود وتنعس وهذا دائما هكا ماتستسلميس للبكاء الا الى كانت مريضة الله لا يجيب مرض
بخصوص الخروج الان صيف وحرارة والاطفال واعر عليهم اختاري لوقيت المناسب بحال من 7 مساء حتى 9 يكون الحال برد والشمس غابت
والصبح الى الجو زوين وماكاينش الحرارة خرجيها مع 10 او قبل حتى هيا راه كاتحتاج لاشعة الشمس
ولكن دائما غطي راسها بشي كاصكيطة ديال الاطفال ويكون معك ماء في الرضاعة مرة مرة عطيها جغيمة
انتي ك ام لا تهملي نفسك اهتمي بجسمك ك انثى خذي اقساط راحة لك خذي دوش طويل تهلاي في جسمك بالشامبوانات ولكريمات وشعرك واناقتك ماكيي تعطري لبسي وخلي يوم في الاسبوع لك انتي وحدك واخا تهتمي ببنتك قولي لزوجك اليوم ماغاديش نطيب ولا نجمع الدار بغيت نرتاح وعوديه يشري الاكل طايب او يخرجكم تاكلو برا باش تحسي بتغيير وتشحني طاقة وخلي الاب يهتم بالبيبي علميه يحيد ليكوش يدوشها يغير اها ملابسها دخليه باش يهتم ويتعود ويعرف بلي حتى هو عندو مسؤوليات
والله يوفقك
حتى أنا حسيت بنفس الإحساس ملي ولدت ولدي الثاني مازال الولد الأول كيمشي للمدرسة و كنظل أنا و الثاني إلي يالله زايد و راجلي خدام ، نظل نرضع و نبدل في ليكوش و نراري و شي مرات نشدو و نبدا نبكي و لكن كنرجع نقول أعوذ بالله من الشيطان الرجيم ، النعاس كيف قلتي مابقيتش نعس و الغراز حتى هما زادو عليا و كنطل من الشرجم و نشوف طوموبيلتي واقفة في الشمس و أنا خصني شحال من حاجة و لكن ما نقدرش نخرج التربية و جاني واحد القنط ماكينش بحالو و ملي نقول للراجل خرجني كيقول لي راه الحرارة برا على الولد …….. أختي إلي بغيت نقولك أنه صعيب الولادة بلا مساعدة و خاصة الولادة الأولى و لكن صبري و زيدي في صبرك حتى تكبر بنيتك شوية و الله يصبرني معاك هههههه .
المشاركة الأصلية كتبت بواسطة الساجدة للرزاق 
ماعمرك تعطيها ترضع وهيا ناعسة الى عودتيها على الرضاعة بالوقت غادي تبقى تفيق في الوقت وتنعس في الوقت
وعلى فكرة راه ملي تدير 6 شهور كاتحيدي لها رضاعة 6 صباح وتخليها 7 ولا 8 صباح
اختي راه الولادة الاولى صعيبة الى مكاين الي يوريك
ولكن الوحدة منا خصها غير تحاول تقلب وتتعلم
انا مثلا كنت في الغربة وولدت ولدي الاول عانيت معاه شوية
في الاول بوحدي ولكن مع الوقت وكنت نشري مجلات خاصة بالاطفال
وكنحاول نطبق كلشي النصائح حتى الحمد لله تعلمت ننضم وقتي
ومزال انا داك الوقت مكاين لا انترنت لا والو اما دابا الحمد لله كلشي متوفر التعليم
عندك داخل حتى لوسط الدار ما تحتاجي لكتاب لا حتى حاجة
طبقي الطريقة الي قالت ليك الاخت الهام وان شاء الله تتغلبي على داكشي كامل
واكيد غير تولفي البيبي والحياة الجديدة
ربي يوفقك اختي
ماتقارنيش بما مضى كل فترة بحلاوتها خاسك تتعلمي تستمتعي بكل مراحل حياتك, ممكن تهزي البيبي وتمشي لسوبرات حيت كليماتيزي ومغاتكرفصش البنوتة وحاولي تهزيها منين خفافت
حتى انا كنهز الهم للخروج لكن فالحقيقة غا كندير سبتي على الوليدات انا اصلا بيتوتية وكيعجبني نشوف النسا اللي مكيعيقوهومش الوليدات وعلى ما ولفتي تتعودي اللهم بالي براسك
الى وصلات وقت الرضاعة راه فالسوبير بيت الرضاعة جلسي علىىى خاطرك او سيري جردة وديري عليك زيف ورضعيها بشوي عليك والاهم ماتتسرعيش وتتدعقي بشويي عليك ديري فراسك انك كتستمتعي
وفالرضاعة فالاشهر الاولى نساي علي شحال من ساعة تحسبي بين الرضعات حتى للشهر التالت لان فالبداية فمهوم مامولفش يخدم كيعياو لان عضلاتو ضعيفة وبالتالي امتى ماطلباتها عطيها لكن بعد التلات اشهر بداي تنضمي وكوني صارمة
طريقة الرضاعة فالنعاس راني عاد حطيتها للاخت مريم فموضوعها
وراتهالي اختصاصية رضاعة طبيعية وهي سيدة اسبانية والطريف قالتلي فالاخر راه بعد الدراسة لقاو بان افضل مدة للرضاعة هي سنتين هههه ,قلتلها حنا فراااسنا من ديننا مكتوبة فالقران الكريم ,بقات تشووف
لكن طريقتها فننة عتقاتني وبفضلها ماحسييتش بالرضاعة فالليل
كتكاي على الضهر وتوسدي مرافقك بوسيدات وتحطيها متكية على الصدر والفم فالبزولة المقابلة
بنتي كتوسدها وترضعها وكلشي هههه ووقتها اختياري حنا ديييما معانقات وناعسات بزوج هههه
الله ييسر ليك
المشاركة الأصلية كتبت بواسطة أم بلال و فاطمة ماتقارنيش بما مضى كل فترة بحلاوتها خاسك تتعلمي تستمتعي بكل مراحل حياتك, ممكن تهزي البيبي وتمشي لسوبرات حيت كليماتيزي ومغاتكرفصش البنوتة وحاولي تهزيها منين خفافت
حتى انا كنهز الهم للخروج لكن فالحقيقة غا كندير سبتي على الوليدات انا اصلا بيتوتية وكيعجبني نشوف النسا اللي مكيعيقوهومش الوليدات وعلى ما ولفتي تتعودي اللهم بالي براسك
الى وصلات وقت الرضاعة راه فالسوبير بيت الرضاعة جلسي علىىى خاطرك او سيري جردة وديري عليك زيف ورضعيها بشوي عليك والاهم ماتتسرعيش وتتدعقي بشويي عليك ديري فراسك انك كتستمتعي
وفالرضاعة فالاشهر الاولى نساي علي شحال من ساعة تحسبي بين الرضعات حتى للشهر التالت لان فالبداية فمهوم مامولفش يخدم كيعياو لان عضلاتو ضعيفة وبالتالي امتى ماطلباتها عطيها لكن بعد التلات اشهر بداي تنضمي وكوني صارمة
طريقة الرضاعة فالنعاس راني عاد حطيتها للاخت مريم فموضوعها
وراتهالي اختصاصية رضاعة طبيعية وهي سيدة اسبانية والطريف قالتلي فالاخر راه بعد الدراسة لقاو بان افضل مدة للرضاعة هي سنتين هههه ,قلتلها حنا فراااسنا من ديننا مكتوبة فالقران الكريم ,بقات تشووف
لكن طريقتها فننة عتقاتني وبفضلها ماحسييتش بالرضاعة فالليل
كتكاي على الضهر وتوسدي مرافقك بوسيدات وتحطيها متكية على الصدر والفم فالبزولة المقابلة
بنتي كتوسدها وترضعها وكلشي هههه ووقتها اختياري حنا ديييما معانقات وناعسات بزوج هههه
الله ييسر ليك
ختي ما فهمتش الطريقة ديال الرضاعة فالنعاس مزيان ممكن تزيدي تشرحي ليا الله يجازيك بخير
و سؤال اخر الله يرحم الوالدين انا ولدي عندو شهر مازال ما كانعطيهش الماء واحد السيدة قالت ليا علاش ماكاتعطيهش الماء يشرب حيت كايحسابلي البزولة كافية،وملئ قلتها لراجلي قالي ما تعطيهش لماء،بدا ماعرفتش شنو ندير راني مغتربة و ماكاينش اللي وريني،عافاكم بغيت نعرف امتى نبد نعطي لولدي يشرب الماء وشحال الكمية اللي خاسني نعطيه