حول حقن الركبة

---

p,g prk hgv;fm

اختي امي سبق درتهم معندهمش مضاعفات غي شنو خص طبيب يدكهم لها ومشي الدقة الاولى ترتاح خصها بعد اسبوع تعاود وهك عاد غترتاح من حريقهم غير هو خص كل عام تكرر بالحق كنت نرسلهم لامي من هنا حيث فالمغرب غاليين والله اشافي

الاب ديالي خرجهم ليه الطبيب و شراهم ليه خويا من فرنسا كان كل سيمانة تيمشي عند الطبيب يدكهم ليه، ماداروليه هاد الساعة حتى مضاعفات
الله يشافي الوالدة ديالك و يخليها ليك ويشافي كل مريض امين

الله يجازيك بلخير على الرد ديالك، معرفت واش نفس الحقن هادو ليخرجهم لها Artrovial قالها كاين ديال 6 اشهر و ديال عام.

الله يجازيك كل خير على الدعوة و الله يخلي ليك ما عز عليك لْقى تحسن عليهم؟

بيني وبينك إلى الغدروف تآكل، واش الإبر غادي تردهم لا ثم لا غير باش ما يحسو بالألم
الأم ديالي كانت تديرهم وراهم غالين ولكن بدون نتيجة. أما الواليد الله يرحمو ويوسع عليه
شاف أمي دارتهم، وكلب من الطبيب يديرهم ليه
ولكن الأولى عند الطبيب والثانية والثالثة عند واحد الفرملي ومنها جاتو الجلطة الدماغية
هو اللي عمرو ما شكا من حاجة

أم سامي كنشكرك بزاف على الاهتمام ديالك، هاد الحقن هوما الاخرين من بعد بزآف دوايات و المهدئات، و الله تحرنا معرفنا منديرو قلنا زعما تهدن عليها عام حتى لعام و نص على الاقل تهبط و طلع دابا مسكينة مكتمشي فين مع دروج يجيوها صعاب، شكرا على التجربة ديالك والواليد الله يرحم ووسع عليه و احفظ ليك الميمة. دابا حتى هي قلت خلي هاد الحقن هوما الاخرين الصراحة مازاعماش عليهم، دابا لقيتيني كنبحث لقيت كاين واحد النوع جديد دلحقن فيهم البلازما الغنية بالصفائح الدموية كيجبدوها من الدم ديالنا و عندها خاصية النمو و كتساعد على نمو الغضاريف المتاآكلة هاد التجربة كاينا بزآف فالخارج على الله نلقاو شي اختصاصي فهاد المجال.

الله يشافيها، حتى أنا الواليدة ديالي عندها صعوبة في الدروج
ومرة مرة تديرهم ولكن بلا نتيجة راحة يوم أو يومين
تحياتي