ثبت بتاريخ : 2024/09/05
من طرف amanarre
حلوة الزنجلان
المقادير :
250 غ زبدة لينة ( أنا استعملت magdor )
كاس سكر
كاس الا ربع زيت
نص كاس مازهر
100 غ زنجلان محمر
50 غ لوز محمر مهرمش غليض شوية
م ص نافع مطحون
م ص حبة حلاوة مطحونة
نص م ص خميرة د الخبز انا استعملت معيلقة حيت صغيرة بزاف
1 خميرة د الحلوة
اصفر بيض للدهن
الطحين حسب الخليط
سكر جلاصي للتزيين
كنطربو مزيان الزبدة مع السكر حتى يدوب السكر ونضيفو الزيت ومازهر وخميرة د الخبز
نطربو مزيااااااااان ونضيفو النافع وحبة حلاوة وكل مرة كنضيف شي حاجة كنطرب مزيان
كنضيف الزنجلان واللوزونطرب
فالأخير كنضيف الطحين حتى نحصل على عجين لين مكيلصقش
طلقت لعجينة بالمدلك وعملت قطعت بالمرشم ودهنتها باصفر البيض
دخلتها للفران ومنين طابت نص طيبة جبدتها وعاودت دهنتها باش تتحمر مزيان
وعملت شكيل مدور عادي ورشيتو بالسكر جلاصي وشكيل عملتو بالقالب وهكا حصلت على 3 شكيلات بنفس العجين
كنتمنى تنال اعجابكن وبالصحة والراحة
بالصحة والراحة
pgd,m fhg.k[ghk lk l’fod fhgw,v hggi hojd
شكرا حبيبة على المرور والتثبيت
جزاك لله خيرا
المشاركة الأصلية كتبت بواسطة maghribiya hora 
اهلا حبيبة حتى لهاد الدرجة ههههههههههه انا غير هنا كندور
لله يبارك فيك احبيبة وعيدك سعيد ان شاء لله
تبارك لله عليك
والله يعطيك الصحة
شكيلات غزالين
+
تقييييييم
