اليوم جبت ليكم حلوة سريعة ممكن توجديها لكسكروط او لضياف لجاو على غفلة حيت بسيطة ومقاديرها موجودة فكاع الديور
المقادير غادي نحتاجو فيها
بيضة
كاس سنيدة
كاس زيت
قشرة حامضة محكوكة
فاني
خمارة
الدقيق حسب الخليط
للتزين
مربي المشماش او اي مربي عندك
كاوكاو مهرمش
او كناخدو شوية من العجينة شي كريصة صغيرة ونزيدو علها طحين حتى تقصاح ومن بعد غادي نقولكم كيفاش نستعملها فالتزين
الطريقة
نخلطو البيض السكر والفاني والزيت وقشرة ديال حامضة بيدينا مزيان حتى تدوب سنيدة ونضيفو الخمارة والطحين شوية بشوية حتى تجمع لينا خاصها تبقى لينة شوية ماشي قاصحة وناخدو المقلة التقيلة( الوجدية) ندهنوها بالزبدة ونرشها بالطحين ونكرصو فيها العجينة الي نكونو كورنها بحال الا غادي نعملو الخبز ونكرصوها مزيان ونخليوها ترتاح شي 10دقايق وعاد ناخدو زوج معالق كبار تقريبا ديال المربي ندهنو بيهم وجه الحلوة وناخدو كاوكاو نهرمشوه شوية انا تناخد درهم من عند مول زريعة تتكفيني تنهرمشها ونرش بيها وجه الحلوة مكان في مايخرج تندير الطريقة تانية تنخلي كويرة من العجين ديال الحلوة نضيف عليه الطحين حتى تقصاح ونحكها بالحكاكة على وجه الحلوة من بعد ما ندهنها بالمربي تم ندخلها للفرن شي 15دقيقة متاخدش بزاف ديال الوقت فالطياب انا كلها تتشد لي نصف ساعة وتتكون واجدة نخليها تتبرد ونقطعها مستطيلة تم نقطعها على شكل معين انا المقلة عندي متوسطة الا كانت عندكم كبيرة دوبلو المقادير او ديرها فشي لاطة كبيرة مستطيلة وتخرج ليك بزاف انا هدي تتوجد لي طبسيل كبير
نتمنى تكون عجبتكم وتزينو موضوعي بردودكم ومتنساوش الدعاء لي نخليكم دبا مع الصور
ايوة الي دخلت تقول بسم الله ودوق وتقول كيف جاتها والي دخلت الاولى تاخد طبسيل التاني راه من حقها
pg, shigm ,fsd’m ,svdum hgjpqdv
انا اول وحدة تجاوبك عطيني حقي ههههههههه
الله يعطيك الصحة
و الله يعطيك الصحة
الله يعطيك الصحة باين عليها لذيذة وساهلة ا
ربنا اتنا في الدنيا حسنة و في الاخرة حسنة وقنا عذاب النار
الرد السريع على هذه المشاركة إضافة رد رد مع اقتباس رد مع اقتباس إقتباس متعدد لهذه المشاركة
merciiiiiiiiiiiiiiiii
ا