حلويات منوعة من مطبخي الخاص تفضلو

السلام عليكم أنيقاتي سمحوا لي اول مرة كنحط موضوع نتمنا من مشرفاتي الغاليات يقادوه ولهم جزيل الشكر. وأنا بدوري سأنزل المقادير وشكرا لكن جميعا عجينة الصابلي. رابعة الزبدة 2 كيسان السكر كلاصي كأس الزيت خمارة لباني 3 بيضات كأس الكوك محمر ومطحون شوية الملح كيلو الفورص كتخلط الزبدة والسكر كلاصي جيدا نضيف الزيت والبيض والكوك والخميرة ولبانية والفورص حتا نحصل على عجين رطب يقطع كويرات ويسرح بالمدلك بين جوج بلاستيكات ويقطع مرشم ديال الشميشة واحدة صاينة والاخري مثقوبة في الوسط ويدخل إلى الفرن حتا ينضج من بعد تلصق جوج حلوات بالكونفتير احمر مسخن مع شوية السنيدة والحلوة المثقوبة يدهن وجهها بالعسل وتفند في اللوز مهروش ومحمر وتحط فوق الحلوة لفيها الكونفتير وهكذا حتا النهاية ونفس مقادير حلوة نضيضرات المرشم لي مبدل / حلوة الثلاثية 75غ الزبدة75 غ السنيدة 200غ اللوز ايفلي 2 معالق كبار دانون مسوس أو كريم فريش في كسرولة نعمل الزبدة والسنيدة يدوب ويغلى من بعد نضيف اللوز ايفلي ونحرك شوية ونطفي النار خارج النار نضيف جوج معالق كبار دانون مسوس مع التحراك من بعد نعمر في مول سليكون على شكل ثلاتية أو أي شكل حبيتو ومن بعد يدخل الفران حتا يتحمر لوز ايفلي ويخرج من الفرن ويبرد ونزول الحلوة من السليكون ويغسل السليكون وينشف من ندوب 125غ ديال الشكلاط ابيض بشوية الزيت علي نار مهيلة فوق حمام مائي من بعد نكب شوية الشكلاط ابيض في السليكون ونحط فوقه الحلوة لكانت وجهها علا العفية ونضغط عليها قليلا حتا النهاية وندخل الحلوة الثلاجة جوج دقائق ونحيدوها من سليكون وتحط في كويغطات بيضين وتقدم. لي عودة لتتممة المقادير أتمنا أن أكون تفوقت في الشرح حلوة السليكون علا شكل مربع أو وردة أنا شفتها عند شميشة. المقادير 200غسنيدة 50 غ عصير الليمون. 50 غ الزبدة مدوبة نص ملعقة صغيرة نكهة الحامض 200 غ اللوز ايفلي 50غ فورص شوية الملح الطريقة يخلط الكل في آنية ونعمر المولات باليد وندك جيدا ويدخل إلا الفرن حتا يتحمر وفي الوسط تزين بنقطة شكلاط مدوب ابيض اً و اسود وتقدم بالصحة والراحة ًحلوة بيغاميد بمول علا شكل هرم ديال سليكون المقادير. رابعة الشكلاط ابيض 90 غ الزبيب ابيض مقطع ندوب الشكلاط الأبيض ويخلط مع الزبيب ونعمر بيه شوية في السليكون من بعد ندوز الطبقة الثانية 150غ الفويتين مخلط مع 4 معالق كبار شكلاط اسود مدوب ونعملوه طبقة تانية فوق الشكلاط الأبيض والطبقة الثالتة نص رابعة اللوز مهرمش ومحمر مخلط مع شوية الشكلاط ويعمل كطبقة ثالثة ويملس وتدخل الثلاجة ملي تكرم تقلب وتحط في كويغطات كتجي غزالة نتمنا يعجبكم أي سؤال أنا رهن الإشارة ام بالنسبة لي على شكل مستطيل هديك بحال مقادير الثلاتية في التزين مختلفة كندوب شكلاط ابيض بوحد وشكلاط اسود بوحد ونحط في سليكون ملعقة صغيرة شكلاط ابيض وفي جنب ملعقة شكلاط اسود ونأخذ عود سنان ونخلط شكلاط بجوج بالعود ونحط فوقه الحلوة ملي كتنشف كتعطي ديك المنضر ولكن في مول سليكون أي شكل عندكم عجينة الصابلي. رابعة الزبدة 2 كيسان السكر كلاصي كأس الزيت خمارة لباني 3 بيضات كأس الكوك محمر ومطحون شوية الملح كيلو الفورص كتخلط الزبدة والسكر كلاصي جيدا نضيف الزيت والبيض والكوك والخميرة ولبانية والفورص حتا نحصل على عجين رطب يقطع كويرات ويسرح بالمدلك بين جوج بلاستيكات ويقطع مرشم مربع ويدخل إلى الفرن حتا ينضج من بعد تلصق جوج حلوات بنسلي كراميل ويدهن على الوجه بنسلي كراميل ويفند في اللوز مهرمش ومحمر ويقدم سمحوا لي اول مرة كنحط موضوع لي بغات شئ وصفة أنا رهن الإشارة أتمنا أن تعجبكم غاليتي