السلام عليكم و رحمة الله و بركاته
كي دايرات البنات لاباس عليكوم
نتمنى تكونو فاحسن الاحوال
اليوم بغيت نشاركوم بحلوياتي المتواضعة لي درت فعيد ط§ظ„ظپط·ط± المبارك
هي حلويات سهلة جدا و في المتناول
نبداو على بركة الله
1 / غريبة بالكوك و الياغورت(خديتها من النت و اول مرة كنديرها)
كنحتاجو
5 بيضات + 2 كيسان سنيدة + 2 كيسان زيت +2 كيسان كوك + 3 خمارات + 1 فانيل + 1 ياغورت فانيل + شوية ملح + الدقيق حسب الخليط
نخلطو المقادير. العجينة خاص تكون مرخوفة و نشكلو كويرات نغمسو وجهها في مازهر ثم في سكر كلاصي. و نصفوها فلاطة مدهونة بالزيت.
2 / المعمول
كنحتاجو
250 غ زبدة (تكون رطبة) + 1 بيضة + 2 م ك سكر كلاصي + 2 م ك زيت + 2 م ك مازهر + قبيصة الملح + الدقيق حسب الخليط
الحشوة
تمر مفور ممعوس بالفورشيط + نص م زبدة + كركاع محمر و مهرمش + شوية قرفة + نقيطات من روح مازهر
كنظن الطريقة الكل كيعرفها
و بنفس العجين عملت هاد النجيمات + اشكال اخرى
3 / غريبة الشكلاط
خديتها من المنتدى و هاهو الرابط
غريبة بالشكولاط حلوى عربية حصريييييييييييييية من مطبخى بالصور
ما درتش فيها حبيبات الشكلاط (ما عرفتش اش من حبيبات كتقصد صاحبة الوصفة حيت مادارتش صورتهوم)
هاهو تطبيقي المتواضع
المداق جا زوين و لكن الشكل شوية و صافي ما جاتش مشققة
4 / الفقاص
3 بيضات + نص كاس زبدة دايبة + نص كاس زيت + كاس سكر كلاصي + كاس صغير لوز محمر و مقطع بالموس + شوية النافع + قطرات روح مازهر + 1 خمارة + قبيصة الملح + الدقيق حسب الخليط
نعجنو المقادير و نشكلو قضبان. ندهنوهوم بصفار البيض و شوية الكاكاو
ندخلوهوم يطيبو نص طيبة. فاش نخرجوهوم نغطوهوم بثوب مبلل بالما و نخلوهوم حتى يبردو عاد نقطعوهوم
[URL=https://www.anaqamaghribia.com/pic/]
[/URL]
5 / حلويات مختلفة بعجينة و احدة و بحشوة الكاوكاو
هادي حلويات كتجي غزالة في المنظر و جد اقتصادية . بما انني كنتعلو درتهوم بالكاوكاو. المرة الماجية ان شاء الله نعملهوم باللوز
العجينة (خديت هاد المقادير من موقع جزائري)
3 كيسان دقيق + نص كاس زبدة دايبة و باردة + 1 م ك سكر كلاصي + نص كاس مازهر او اكثر حتى تجمع العجينة
حشوة الكاوكاو
كاوكاو محمر منقي و مطحون مع سنيدة + قرفة + شوية مسكة حرة مدقوقة مع سنيدة + قطرات من روح مازهر + بيضة
و هادو الاشكال لي عملت بيها
و هادي الطريقة ديال بعض الشكيلات
و هادا شكل الوردة
كنتمنى يكونو عجبوكوم هاد الشكيلات و لي عندها شي استفسار انا في الخدمة
pg,dhjd gud] hgt’v 2024
المشاركة الأصلية كتبت بواسطة ريح المغرب 
الله يبارك فيك احبيبة. انتي لي غزالة. كندهنهوم بالعسل (خاص يكون خفيف). كنتمنى تجربيهوم راه ساهلين غير كياخدو الوقت الا معاك شي حد يعاونك يكون احسن
شكرا لمرورك
المشاركة الأصلية كتبت بواسطة carawana الله يبارك فيك احبيبة. شكرا لمرورك
المشاركة الأصلية كتبت بواسطة foziya الله يبارك فيك اختي. نورت الموضوع
الله احلييي ايامك اختي نحلة العسل يا عسل المنتدى
تبارك الله عليك اختي
تم التثبيت