حلوياتي المتواضعة بمناسبة العيد بالصور و المقادير

السلام عليكم و رحمة الله تعالى و بركاته

سبق لي حطيت ط­ظ„ظˆظٹط§طھظٹ ط¨ظ…ظ†ط§ط³ط¨ط© ط§ظ„ط¹ظٹط¯

و طلبو مني الأخوات نحط ط§ظ„ظ…ظ‚ط§ط¯ظٹط± و الطريقة
وهانا كنلبي الطلب ديالهم

حلوة الكوك و بطاطا لمدام الغميري

وصفة مدام الغميري الله يجازيها بالخير و ها الرابط ديالها

https://www.anaqamaghribia.com/vb/sho…C7%CA%D3%D1%ED

حلوة كاوكاو

المقادير
رابعة كاوكاو محمر و منيل
كاس سنيدة
كاس زيت
نصف رابعة الزبدة
شوية قرنفل مدقوق للتنسيم ( اختياري )
دقيق

كنخدمو الزبدة مزيان مع السنيدة
كنزيدو عليها الزيت ، كاوكاو و القرنفل

وكنجمعو بالدقيق .. كتكون خفيفة يعني ما خصهاش بزاف ديال الدقيق
مني كنضيفو الدقيق كنبداو ندعكو مزيان باش تتداخل العناصر مع بعضها
كنقسموها على كرات كبار و كنطلقوهم وسط 2 بلاستيكات أو بلاستيكة كبيرة حيت كتمحن شوية فالطليق داكشي علاش البلاستيكة كتسهل بزاف عملية الطليق

كنقطعوها بالشكل لي بغينا غير أنا كنقلب المرشم باش ما تفرتتش لي حيت هشيشة بزاف

كتطيب عادي فالفران و مني كتطيب كندهنوها بالشكلاط دايب .. أنا كندهنها بالموس حيت كيسرح لي الشكلاط مزيان فوق الحلوة و كنرشو عليها اللوز مهرمش أو الكوك أو كاوكاو

حلوة الكوك و بياض البيض

4 بياض البيض
نصف رابعة سكر كلاصي + معلقة كبيرة عامرة
رابعة الكوك

كنخدم مزيان بياض البيض بالطراب الكهربائي ومني كيطلع كنضيف السكر شوية بشوية حتى كيطلع مزيان
كنضيف الكوك شوية بشوية بملعقة خشبية و في اتجاه واحد
كنعملها فالجيب الحلواني ويلا ماكانش كنهز غير بملعقة و نعملهم فكواغط ديال الحلوة
كنزوقهم بلي موجود عندي ويلا ماكان والو كنخليهم عاديين بلا زواق
هي دغية كتطيب فالفران

سيجار بالشكلاط

رابعة الزبدة
2 كيسان زيت
رابعة سكر كلاصي ناقص شوية باش ما تجيش حلوة بزاف
2 خميرة
1 فاني
4 صفار ديال البيض
دقيق ( تقريبا كيلو )

كنخدم الزبدة مزيان مع السكر كلاصي و الفاني

كنضيف البيض ومني يندامج مع الخليط كنضيف الزيت و الخميرة ثم الدقيق
كتكون خفيفة باش نقدرو نخرجوها من البوق
لي عندها الماكينة القديمة لي كنصيبو بيها حلوة الماكينة وكنطحنو بيها الكفتة ( أمهاتنا كيعرفوها ) كنعملو فيها البوق لي بغينا .. كتسهل علينا الأمور بزاف .. لي ما عندهاش كتخرجها غير بايديها من البوق
مني كتطيب كنغمسو الجناب ديالها فالشكلاط هذا ايلا ستعملنا بوق كبير كي مادرت أنا
أما ايلا كان البوق صغير كنلصقو كل 2 بالشكلاط أو الكنفتير
كتجي هشيشة بزاف و كتذوب فالفم

و بالصحة و الراحة

pg,dhjd hglj,hqum flkhsfm hgud] fhgw,v , hglrh]dv