حلوى على شكل طبقات بالكوك و الكونفتير

oum hedayah

12-8-2019
4بيضات
زلافة صغيرة سنيدة
زلافة صغيرة زيت
واحد لافاني
2 خمارات
قشرة حامضة محكوكة
الكاكاو او كاوبيل
الدقيق حسب الخليط
معلقة ديال الزبدة_اختياري_
ملاحظة:
ممكن استعمال ماء الزهر بدل لافاني
لتزيين :كوفيتير + الكوك
الطريقة:
كنخدمو البيض مع سنيدة مزيان،كنضيفو عليهم الزيت ،ثم لافاني ،ثم قشرة الحامض،ثم الخميرة ثم الدقيق حسب الخليط
العجين خصو يكون فهاد المرحلة مطلوق شوية،كنقسموه على زوج ،واحد القسم بغينا منو 2 كرات لي ،والتاني بغينا منو 3 الكرات
الخليط لي بغينا منو 3 الكرات هو الخليط لي غادي يبقى ابيض اللون غادي نضيفو ليه المقدار المناسب من الدقيق،العجين خصو يبقى لين ،رطيطب ههه
القسم التاني غادي نضيفو ليه الكاكاو ونخدوموه حتى ينسجم مزيان،الى كانت العجينة باقا مطلوقة بزاف نضيفو ليها الدقيق ،حتى نحصلو كيما سبق وقلت على عجين لين مرخوف شوية

من بعد كناخذو هادوك الكرات كنديرو وحدة بيضاء ،كنطلقو هاد الطبقا مزيان، ومهزها بالمدلك من بعد كنقلوها لطاوة مدهونة ومرشوشة بالطحين وكنسرحوها فيها مزيان حتى تاخذ شكل الطاوة المهم انها خصها تكون مستوية السطح،ميكونش فيها شي بلاصة طالعة والاخرى نازلة،وندهنوها بالكونفتير و نرشوها ط¨ط§ظ„ظƒظˆظƒ ونعملو عليها طبقة من فوقها بالكاكاو و هكا حتا نساليو الكورات ديالنا

من بعد كندخلوها للفرن
ملي طيب نخرجوها وندهنوها مباشرة بالشكلاط لي عملنا ليه حمام مريم
ياما كنزوقوها بالشكلاط الابيض/اما ندردرو عليها الكوك او الكاكاو محمر او اللوز محمر،او ممكن نستغنوا على الشكلاط بالمرة وندهنوها بالكونفتيور او العسل ونرشوها بالكوك،المهم مجال التزيين راه واسع جدا كل اخت تفنن كيما بغات
من بعد كنقطعوها كذلك بالشكل لي بغينا،كل اخت وذوقها نخليكوم مع الصور