الحليوة اللي كانو طلبو مني الاخوات نتمنى تجربوها و تعجبكم
و هادو اللي سبق نزلهم
,.-~*’¨¯¨’*•~-.¸-( حلوى سواغي بالبراليني و الشكلاط )-,.-~*’¨¯¨’*•~-.¸
مقادير الجنواز
40غ دقيق اللوز
100غ زبدة
100غ سنيدة
2 بيضات صغااار
2 م دقيق
1 فاني
نخدم بالطراب الزبدة بحال بوماد
نزيد سنيدة و فاني و نطرب
نزيد دقيق اللوز
ثم البيض وحدة بوحدة ونطرب
ثم الطحين
فصينية الفرن نفرش ورق سيلفيريزي و نحط عليه القوالب اللي دهناهم بشوية زيت ونعمرهم شوية بالخليط اللي وجدنا و ندخلهم للفرن مسخن من قبل على نار متوسطة حتى يطيبو
هنا وجدو كيجيو معلكين من الداخل وغزالين . نخليوهم حتى يدفاو عاد نحيد عليهم المول بشوية
مقادير كريمة الاناناس
125غ اناناس
85غ سنيدة
2 فاني
2 بيضات
3 م ك حليب الكوكو
1 م متوسطة مايزينا
2 م متوسطين عصير الحامض
نطحن الاناناس
نزيد عليه سنيدةو المايزينا ونخلط نزيد حليب الكوكو و البيض مطرب
ونخلط الكل على نار مهيلة حتى تعقد نطفي عليها عاد نزيد عصير الحامض
نخلي الخليط يبرد شوية ونخويه القليل فوق الجنواز اللي وجدنا وندخلهم للثلاجة
نوجدو موس الاناناس
330غ اناناس
50غ سنيدة
3.5 حتى ل 4 اوراق جيلاتين
300غ قشدة طرية
قطع الاناناس
في كاسرونة ندير الاناناس مطحون مع سنيدة حتى يغلاو
نطلع القشدة الطرية ونزيد بالمهل الخليط السابق . نضيف قطع الاناناس و الجيلاتين مبلل ومعصر مزيان من الماء ونخلط
نخرج القوالب اللي دخلنا يبردو فالثلاجة و نخوي عليهم القليل من موس الاناناس + من فوق طبقة رقيقة من كريمة الاناناس اللي سبق لينا درناها من فوق الجنواز
ندخلهم للثلاجة حتى يتماسكو مزيان ونقدمهم
* من بعد مابردو مزيان وتماسكو درت من الفوق شوية الناباج باش يبقاو لامعين *
-ملاحظة استعملت غير نصف هاد المقادير
-بالنسبة للاناناس طحنوه مزيان باش ميبقاوش الخيوط ديالو
بالهنا وشفا واي استفسار مرحبا
pg,n s,hydi fhghkhkhs
