أخواتي و حبيباتي في الله
اليوم جايبة ليكم هاد الحليوة كنت شفتها فبرنامج شهيوات شميشة و عجبتني و بقيت حالفة بحلوفي حتى نجربها وخا ما كانش عندي الطابع…و ملي كتاب و شريتو صايبتها و جات أكثر من رائعة مداق لديد بزاف وخا ما كانش عندي نكهة الليمون و عوضتها بقشرة الليمون محكوكة…أما الشكل هانتوما كتشوفوه ديال المناسبات و يحمر الوجه…المهم من هادشي كامل أنها اقتصادية و ساهلة فالتحضير لأنها ما كتحتاج كمية كبيرة من اللوز
سمحولي كثرت عليكم الهضرة ندوزوا للمفيد
بسم ط§ظ„ظ„ظ‡ و توكلنا على الله
حلوة ط·ط§ط¨ط¹ ط§ظ„ظˆط±ط¯ط© باللوز
المقادير:
للعجين:
250غ دقيق الفورص الخاص بالحلويات
قبصة ملح
ملعقة كبيرة النشا (مايزينا)
100غ السكر كلاصي
2 أصفر البيض
125غ زبدة العبار وتكون لينة
العقدة اللوز:
رابعة اللوز منقي و مطحون مع 100غ سنيدة
الماء الزهر
قبيصة المسكة الحرة مدقوقة (اختيارية)
ملعقة كبيرة زبدة لينة
ملعقة كبيرة كونفتير الليمون (البرتقال)
قشرة ليمونة محكوكة
الطريقة:
نحضر العقدة اللوز من الأحسن نهار من قبل نصلق اللوز و نقشرو و نشفو مزيان و نطحنو مع سنيدة وشوية الزهر و ملي يبان ليا تطحن نزيد الزبدة فالطحانة باش تدخل فيه ونكمل الطحن باش تجي العقدة معلكة مزيان.نضيف ليه المسكة و الكونفتير و القشرة الليمون و نخلط و نعمل من العقدة كويرات صغار و نخليهم جانبا
نوجد العجينة .نخلط الزبدة مع السكر كلاصي حتى تولي كريمة نزيد الدقيق و قبصة الملح و المايزينا و نخلط .و في الأخير نجمعها بأصفر البيض…
نعمل منها كويرات ونخليها ترتاح شوية
نطلق العجينة بالدلاك على سطح طاولة مغطية بالبلاستيك الغدائي و مرشوشة بالنشا
نقطعها بالمرشم دوائر
ناخد كل دائرة نعمل وسطها كويرة من العقدة و نجمعها و نشكلها على شكل كويرة بحال كيف مبين فالصورة
نحط الكويرة المحشية ط¨ط§ظ„ظ„ظˆط² فالطابع و نرشمها بهاد الشكل اللي فالصورة
كتعطينا شكيل ط§ظ„ظˆط±ط¯ط© مثقوبة من الوسط
نستف الوريدات فوق لاطة مغطية بالورق السولفيريزي و ندخلها للفرن سخون و نخليها حتى تطيب و تاخد لون دهبي ما خاصهاش تتحمر بزاف
ملي نخرجوها من الفرن نخليها تبرد و نغبرها بالسكر كلاصي من فوق
نوجد كونفتير الليمون و نصفيه ناخد غير السائل نزيد عليه قشرة ليمونة محكوكة باش يزيد يبان المداق دالليمون أكثر
نصبو فكاصرونة فوق النار و نزيد عليه الكلوكوز و نخليه يغلي
نعمر بيه الثقوب ديال الوريدات
و ها الحليوة ديالنا واجدة بالصحة و الراحة
هادي صورة الطابع اللي استعملت لهاد الحلوة
لا تنسوني حبيباتي من صالح دعائكن بظهر الغيب و جزاكن المولى بمثلها و أحسن
اللهم أدمها نعمة و بارك لنا فيها و احفظها من الزوال
pg,m ‘hfu hg,v]m fhgg,. fhglvhpg lw,vm i]djd gpfdfjd td hggi Hl lgh; hgpfdfm hgpfdf gallery images www
احلى تقييم
حليوة دايزها الكلام
يجب أن تضع للبعض سمعات قبل إعطائها إلى وردة عربية مرة أخرى.
Read more: https://www.anaqamaghribia.com/vb/sho…#ixzz2LuEVAOtR
حلوة رووووووووووووووووووووعة قليلة في حقها
يجب أن تضع للبعض سمعات قبل إعطائها إلى وردة عربية مرة أخرى.
مخليتيلي منقول الحبيبة تبارك الله عليك
تم اعتمادهاللتطبيق قريبا
خليونينجمع اكبر قدر من الحليوات باش نفرح بانتقال والدي ان شاءالله على خير
المشاركة الأصلية كتبت بواسطة عبير الندى 
احلى تقييم
بارك الله فيك الحبيبة…الله يزين أيامك و يجازيك كل خير على التقييم
المشاركة الأصلية كتبت بواسطة فاطمة التهامي حليوة دايزها الكلام
يجب أن تضع للبعض سمعات قبل إعطائها إلى وردة عربية مرة أخرى.
Read more: https://www.anaqamaghribia.com/vb/sho…#ixzz2LuEVAOtR
الله يبارك فيك الحبيبة فيفي…نورتيني الله يحفظك و ينورك
مرورك الزين أغلى من التقييم لهلا يخطيك
المشاركة الأصلية كتبت بواسطة ريم 2024 حلوة رووووووووووووووووووووعة قليلة في حقها
يجب أن تضع للبعض سمعات قبل إعطائها إلى وردة عربية مرة أخرى.
أنت الأروع الحبيبة ديالي…ربي يفرحك بوليداتك و تشوفيهم كيف تتمناي…
أحسن تقييم يجيني هو هاد الكلام الطيب و الدعوات الصادقة,…ربي يحفظك و لا يحرمني منك أختي