السلام عليكم كيدايرين مع هاد البرد المهم هادي حليوة ساهلة ماهلة كتجي على شكل عين و هادو هما المقادير
كيلو كاوكاو محمر و مطحون بقشوره
نصف كيلو سنيدة
2 معالق كونفتير
شوية ماء الزهر
شوية الزنجلان للتزيين(اختياري و لكن من الأحسن)
الشكلاط الأبيض و الأسود مذوبين للتزيين
نخلط كاوكاو +الكونفتير +سنيدة + ماء الزهر و نحربلوهم على شكل أصبع فوق من الزنجلان ( الى مابغيناش الزنجلان بلاش ) و نضغط على الجوانب ب 2 و في الوسط نضغط بالأصبع تقيبة صغيرة و ندخلوها للفرن و من بعد الطياب نحطو شوية الشكلاط الأبيض فوق التقيبة لي عملنا بالأصبع و نحطو نقيطة من الشكلاط الأسود فوق الشكلاط الأبيض باش تجي على شكل عين نتمنى نكون شرحت مزيان و أرجو منكن الدعاء بصلاح وليداتي
pg,m fhg;h,;h, ugn a;g udk
