حلوة الياسمينة بالتمـر ساهلـة و زوينـة :)

السلام عليكم حبيباتي
ليوم العشية كاملة و انا نصاوب في هاد الحلوة ههههه حتا عمرت طبسيل..ولكن حيت ساهلة و كتجي فنة في المنضر و المداق
كنت شفت طريقة ديالها في النت و جربتها في عوض اللوز درت التمـر و جا زوين بزآآاف
مقاديـر العجين
3 كيسان فورص
فاني
نص كاس زبدة دايبة
قبصة الملح
و الماء الزهر
شوية السنيدة
مقادير الحشو
التمر المعجون
شوية القرفة
ماء الزهر
كنخلطو فورص و ملح و زبدة و فاني و كنجمع العجين بالماء الزهر حتا تولي عجين متماسكة و ماتكونش قاصحة كنقسموها على 3 كرات وحدة تبقا بيضا ووحدة نلونوها بلون لي بغيتو و كرة صغيرة تلونها بلون مختالق باش نديرو بيها وريدات و نخليوهم يرتاحو شوية

نجمعو التمر مع قرفة و ماء الزهر و نديرو منو كرات صغيورين قذ "البِيَـا"ههههههههه

نسرحو الكرات ونقطعو بالمرشم

الطريقة غتشوفوها في الصور




نقطعو وريدات بمرشم صغير و نديروها فوق الوردة ونتبتوها بعقيقة


ندخلوها للفرن ماكتاخدش بزاف الوقت هي كتبقا في لونها ماكتحمرش

فاش كنخرجوها كندهنوها بالنباج
هدا هو المرشم لي استعملت كنت خديتو ب 3دراهم

هدا هو الطبسيل لي درت ليوم جميع اللوان خرجتهم ههههههههه..انا استعملت الملون احمر و احضر و برتقالي و درت ملون بكاكاو باش درت اللون البني


نتمنى لي دخلات دعي معايا دعوة خيـر ولها بالمثل
فـي آمـان الله

pg,m hgdhsldkm fhgjlJv shigJm , .,dkJm 🙂