ثم التثبيت 26/09/2019
حلوة ط§ظ„ظ…ط´ظˆظƒ ط¨ط§ظ„ظ„ظˆط² ط¨ط´ظƒظ„ ط¬ط¯ظٹط¯ و راقي
عقدة اللوز الخاصة بالحلويات
تجدونها على هاد الرابط
https://www.anaqamaghribia.com/vb/sho…=1#post9090627
العجينة:
500غ دقيق الفورص الخاص بالحلويات
125غ زبدة مدوبة
2 معالق كبار سكر كلاصي
قبصة ملح
ماء الزهر لجمع العجين و إلا كان من نوع جيد ممكن تضيفي ليه ماء بارد
تحضير العجينة:
نغربل الدقيق و الملح و السكر كلاصي و نزيد الزبدة مدوبة و نخلط مزيان بأطراف الأصابع حتى ندخل الزبدة فالدقيق و نحصل على خليط مرمل نزيد الماء الزهر و الماء حتى تجمع العجينة و ما تكون لا قاصحة لا مرخوفة بين و بين …ندلك مزيان حتى تولي العجينة لينة و مطاطية…نكورها و نغطيها ببلاستيك غدائي و نخليها ترتاح.
الطريقة:
نعمل كويرات من عقدة اللوز
ندوزهم في أبيض البيض
و من بعد نمرمدهم فاللوز مهرمش اللي كيتباع جاهز
نطلق العجينة بالمدلك في الأول و من بعد فالآلة ديال التوراق و يكون رقيق شوية
نقطعها دوائر بهاد الشكل
ندهن الدائرة بأبيض البيض
نحط وسطها كويرة اللوز
نستعمل عود اسنان باش نجمع الدائرة دالعجينة على اللوز بهاد الشكل اللي باين في الصورة
ها النتيجة اللي حصلنا عليها
نطلق جزء آخر من العجينة و لكن هاد المرة خاصها تكون رقيقة بزاف بحال ديال الكعب الغزال
ناخد هاد المرشم ديال الوردة
و نرشم بيه 3 الوردات
ندهن ببياض البيض و نحط الوردة الأولى في الوسط بهاد الشكل
نحط الوردة التانية فوقها و لكن نحاول نخالفهم
و نحط الورد التالثة فوق التانية و نخالفهم حتى هما
ناخد هاد القلم الخاص بتزيين الحلويات
نضغط بيه فالوسط
و ها الشكل اللي حصلت عليه
نستف الحلوة فوق لاطة مغطية بالورق السولفريزي و نخليها تبات ليلة كاملة
في الغد ندخلها لفران مسخن من قبل و نخليها تطيب و نقابلها خاصها غير تتشمع يعني تحافظ على لونها بلا ما تتحمر
ملي تبرد ندهنها بالنباج و نزينها بكويرات صغار من عجينة اللوز اللي لونتها بالأصفر
و هاهو شكلها النهائي
هدا بلاطو حلوياتي المتواضعة هدية مني لكن حبيباتي في الله نتمنى ينال اعجابكم
pg,m hgla,; fhgg,. fa;g []d] , vhrd fhglvhpg hglw,vm
احلى تقييم وخمسة نجوم