حلزونيات بفواكه البحر والفرمسيل من مطبخي

07/01/2019

المقادير
250 غرام قمرون – 250 غرام كلمار – 100 غرام فرمسيل – 100 غرام شومبنيون – زيتون اخضر – ملح – ابزار – خرقوم بلدي – 1 م ك صوص الصوجا – 2 م ك كيتشاب – هريسة او صلصة حارة حسب المتوفر – زبدة – فلفلة حمراء.
الطريقة
قطعي الزيتون والشمبنيون رقيق جدا + فلفلة حمراء مربعات وشحري الكل مع طريف الزبدة والملح ولبزار 5 دقائق فقط (الغاية التخلص من الماء الزائد في العناصر) وخليهم على جنب.
عملي الكلمار مع الماء فوق النار + ملح وابزار + ورقة موسى 5 دقائق فقط وقطعيه مربعات والماء ديالو عملي فيه الفرمسيل من بعد قطعيها وخليها على جنب / القمرون شحريه في شوية الزبدة والملح ولبزار 2 او 3 دقائق فقط اي بمجرد ما يطلق الماء ديالو ضيفي ليه كل العناصر في مقلاة كبيرة راه الفرمسيل غتتشرب ماء القمرون وتنسم به + 1 م ك زبدة + كيتشاب + الهريسة + الخرقوم +صوص الصوجا وصححي الدوق وخلي العناصر تمتزج مع بعض فوق نار جد مهيلة مدة 5 دقائق فقط وزوليها من فوق النار وخليها تبرد.
في هده الاثناء حضري العجين لي كيتكون من زلافة ونص فورص + شوية الملح + معلقة سنيدة + الماء الكافي لجمع العجين دلكيها شوية وعملي منها كويرات غطيهم وخليهم يرتاحو شوية من بعد طلقيهم بالزيت ودهنيهم بشوية الزبدة باش المسمن يجي مقرمش عاد شكليهم على شكل ط­ظ„ط²ظˆظ†ظٹط§طھ – نخليكم مع الصور وبالصحة والراحة.

---

pg.,kdhj ft,h;i hgfpv ,hgtvlsdg lk l’fod

بصحتكم تسلم الايادي

الله يعطيك الصحة كيشهي احلى تقييم

الله يسلمك اختي مشكورة على مرورك

اللهم امين الحبيبة ولهلا يخطيك نورتينييي

الله يعطيك الصحة كيشهي احلى تقييم

الله يعطيك الصحة كيشهيوا

مممممممممممممممممم الله يعطيك الصحة هادشي بنييين ماشاء الله واحلى تقييم

اللهم امين الحبيبة نورتينيييييييييييييي

لهلا يخطيك الحبيبة اسعدني مرورك