جوج شكيلات ساهلين و النتيجة فنة

14/08/2019

اولا عواشر مبروكة و الله يتقبل منا الصيام و القيام.
ثانيا هادو جوج ط´ظƒظٹظ„ط§طھ معتمداهوم عندي لان اللي كلاهوم عندي كيعجبوه اضافة الى انهم ط³ط§ظ‡ظ„ظٹظ† في التحضير،وختكم متبعة غي الساهلة ههههههه
نبداو على بركة الله الشكل الاول:
صبيعات بطونيك:
المقادير: 4 اصفر بيض مصلوق،ربع زبدة مدايباش،كاس شاي سكر كلاصي،1الزا حمراء،الطحين حسب الخليط.
للتزيين:شكلاط اسود،حلوة طونيك مفتتة.
الصور:

انا درت 6 بيضات للحصول على كمية اكبر،مع الزبدة و السكر

خدمناهوم مزيان حتى رجعو بحال الكريم

زدت الطحين فورص طبعا مع الخميرة حتى شدت العجينة راسها كتجي قاسحة

في صينية كنديرو على شكل صبيعات رقاق لانهم مازال غادي يكبرو منين يطيبو

هاهوما منين خرجو من الفرن

هادا تونيك مفتت تقريبا شي 12 حبة ديال 1 درهم

هادي شكلاط مع شوية حليب في حمام مريم
كنديرو الصبيعات في الشكلاط و نقطروهوم مزيان بشي فرشاة ،نفندو في تونيك

هادا الشكل النهائي،شكل زوين و مذاق رائع…
ملاحظة:بما ان الحال سخون كنخافو من الحلوى اللي فيها الشكلاط،هاد الشكل ما تخافوش منو لانه مفند فطونيك مكيسيحش..

الشكل الثاني:

غريبة الكوك و كاوكاو:

الصور:

هادا هو العبار ديال الزلايف

الكوك مطحون

كاوكاو مطحون

خدمت البيض،و السكر مزيان عاد زدت الزيت

زدت هنا الكونفتير،و هو السر باش الحلوى تجي معلكة

زدت كاوكاو و الخميرة و خدمت مزيان حتى ندامجت المقادير

زدت الكوك حتى بدات كتشد راسها وغاتبانلك ان العجينة شوية مطلوقة،متخافيش غي شوية غاتبدا تشد راسها..

ها هي العجينة ديالنا

للتزيين:

شوية ما زهر،سكر كلاصي،حبيبات ديال كاوكاو هربتهوم من الكيلو اللي طحنت ههههه

شكلت كويرات صغار،دوزت فماء الزهر و سكر كلاصي،و زينت بنصف حبة كاوكاو

ها الشكل ديالها من بعد الطياب

نتمنى يعجبوكوم هاد الشكيلات و تدعيو معايا ربي يكملي اللي فخاطري…

[,[ a;dghj shigdk , hgkjd[m tkm [kn tzm