حبيباتي الأنيقات ليوم جبت طريقتي في طياب الدجاج المعمر للعراضات هدية لكل أنيقة 
نبداو على بركة الله غنحتاجو للدجاج ليغنقوه و نغسلوه بالملح و الخل و سكين جبير باش نحيدو الزفورة ديالو و نخلوه إيبات في ترقيدتو حتى للصباح و نغسلوه مزيان و نحطوه يتسقطر أو دبا ندوزو للشرمولة هادو مقادير 3 دجاجات صغار:غادين نحتاجو 3 معالق ص سكين جبير، 3 معالق ص خرقوم بلدي ، ملعقة صغيرة مخلطة بسيبيسة و قعقلة مطحونين ، 2معالق كبار سمن ، ملعقة ص إبزار ، ملعقة صغيرة قرفة ، ثوم مدقوق أنا كندير 4 فصوص للطير علما أنني مستعملة ط¯ط¬ط§ط¬ صغير ديال كيلو كيكون بنين ، قسبر و معدنوس بزايد، شوية من ملون آصطناعي، الملح غير شوية حيت بيتنا الدجاج مرقد في الملح 
تنخلطو جميع المكونات مع كأس من الماء ثم كنبداو نرقدو الدجاج في الشرمولة و حنا كندخلوها مزيان و نحكوها ما بين اللحم و الجلدة و أيضا وسط الدجاجة 
للحشوة غنحتاجو 250 غ لوز مفسخ ومهرمش ،بكية صغيرة فيرمسال مرطبة في ما طايب ،ملعقة ك قرفة 150 غ زبيب ،شوية من الشرمولة لي عزلنا من قبل 
كنخلطو كلشي و نبداو نعمرو الدجاج ديالنا تم كنخيطو الدجاج ديالنا باش متخرجش لينا الحشوة ونربطوه مزيان باش نتحكمو فيه ملي نحركوه وميتحلش لينا 
تم كنعملوه في طنجرة مع كأس زيت وبصلة كبيرة محكوكة وكنقلوهم مزيان ثم نضيفو نصف م ص من سكين جبير و الخرقوم بلدي شوية إبزار وبسيبيسة و قرفة ونحركو مزيان ثم نضيفو نصف كأس ماء ونسدو اطنجرة نخلو ال…دجاج إيطيب على نار مهيلة 
ملي إيطيب الدجاج نجهدو العافية باش نقسو المرق ثم نزولو الدجاج من المرق و نحطوه في لاطة و ندهنوه بالسمن او العسل و ندخلوه للفرن يتحمر شوية كنشحرو المرقة ليبقات مع إضافة شوية العسل على نار متوسطة مع التحراك حتي تولي عاقدة مجمرة و واقفة في الزيت 
للتزيين لوز مقلي ، مشماش معسل 
في الأخير كنحطو الدجاج ديالنا في طبق التقديم و نخوو شوية المرق و نزينو بالمشماش واللوز و بالصحة و الراحة في الأخير كنتمنى طريقتي في الدجاج تعجبكم و تجربوها راها كتجي رائعة شكلا و مضمونا 
في أمان الله
[]d] Hl ikdm ][h[ lulv ,lusg f’vdrjd hgohwm
تبارك الله عليك هاني خديت الطاجين كامل وخليت لك التقييم هههههه
تبارك الله وبسم الله ماشاء الله دجاج محمر وكيحمر الوجه واحلى تقييم الحبيبة وتستاهلي اكثر
المشاركة الأصلية كتبت بواسطة مستغفرة لربها 
تبارك الله عليك هاني خديت الطاجين كامل وخليت لك التقييم هههههه بالصحة والراحة أزين تستاهلي كل خير ألف شكر على التقييم نرجعو لك في ساعة الخير
المشاركة الأصلية كتبت بواسطة fati-basma تبارك الله وبسم الله ماشاء الله دجاج محمر وكيحمر الوجه واحلى تقييم الحبيبة وتستاهلي اكثر ربي إيخليك ألفنون هدا من ذوقك ألف شكر على التقييم نرجعو لك في ساعة الخير
ممممممممم شهوة منو تبارك الله عليك
السلام عليكم ورحمة الله وبركاته تبارك الله عليك أختي ام هنية , طجين تايشهي الله يعطيك الصحة ثم الثتبيت والتقييم أختي
مرحبا وألف مرحبا بالأنيقات الذين يشاهدون الموضوع الآن: 12 (8 من الأعضاء و 4 زائر) أم هنية,RADOI ,zin oujda ,diyae07 ,hakimail2019 ,ابنة فاطمة ,monatibou ,آمنة201 Read more: https://www.anaqamaghribia.com/vb/sho…#ixzz2EfP2ECfI
المشاركة الأصلية كتبت بواسطة monatibou ممممممممم شهوة منو تبارك الله عليك الله إيبارك فيك أزين
المشاركة الأصلية كتبت بواسطة ليلى ام صلاح الدين السلام عليكم ورحمة الله وبركاته تبارك الله عليك أختي ام هنية , طجين تايشهي الله يعطيك الصحة ثم الثتبيت والتقييم أختي عليكم السلام ورحمة الله تعالى وبركاته ربي إيخليك أزين و يخلي ليك كل عزيز مشكورة غاليتي على التثبيت و التقييم