السلام عليكم ورحمة الله تعالى وبركاته
اش خباركم يا احسن انيقات كنتمنى تكونو بالف خير
بلامانطول عليكم وندخل في الموضوع نيشان حيت ماعنديش مع المقدمات الخاوية ياك بعداهههههههههه
هذا ظƒط±ظٹظ… مبيض ومرطب ومكوناته كلها معروفة ولا خوف منها والصراحة الي شاف رجيلاتي حمرين كيقولي اش درتي ليهم
كنحتاجو بواطة ظƒط±ظٹظ… جليسوليد ب 25 درهم
نص قرعة جليسيرين سائل في الصيدلية ب 25 درهم
عصير حامضة
معلقة صغيرة عكر فاسي
نص قرعة زيت اللوز المر
الطريقة
كتكبي عزيزتي جليسوليد ف شي اناء وكتزيدي عليه المكونات الاخرى وتخلطي مزيان حتى يتجانسو وغادي يولي اللون ديالو احمر وتعاودي ترجعيه للبواطة ولكن ايشيط ليك الخليط وديريه فبواطة اخرى خاوية ونقية
كل ماعليك هو قبل ماتنعسي تدهني رجليك مزيااان حتى يمتص الكريم ويديك حتى هما وركابي الى كانو كحلين انا منكذبش عليكم حتى وجهي كندهنو صافي وكنعس عااااادي وفي الصباح كنغسل وجهي عادي اقسم بالله حتى اتحسو بالفرق من الاول ولكن ماتعكزووووش
اعتبروه كانه ظƒط±ظٹظ… خرجو ليك الطبيب وضروري في الليل دهنو بيه
وكمية قليلة كافية ماتكثروش
الصور عندي خطوة بخطوة ولكن انا خدامة ب تابليت مابغاوش التصاور يخرجو ليا
الي كنطلبو منكم الدعاء لامي بالشفاء العاجل وجميع المسلمين يارب في هذه الايام المباركة وربي يستجب دعائي
اي استفسار انا رهن الاشارة
[fj gd;l ;vdl ggd]dk ,hgv[gdk ,pjn hgv;hfd y.hhhhg
شكرا اختي الله يشافي ليك الميمة ويخليها ليك يارب والله يشافي جميع المسلمين ويخلي لينا ميماتنا ياربي كريم جليسوليد هو المعتمد عندي ماكيخطانيش كنعصر عليه شوية الحامض بعد المرات بالحق الوصفة ديالك زوينة الله يعطيك الخير جاري التطبيق هههه باذن الله
الكريم لي منقدرش نستغنا عليه فالروتين ديالي هو جليسوليد
معمري فكرت نزيد عليه عكر فاسي هادي معلومة جديدة
حتى أنا كنستعملو لليدين و الرجلين أكرمكم الله و الركب و الكوعَين و بعض لمرات لوجهي
وصفة غزالة
الله يشافي ماماك و يخليها ليك أحبيبة
المشاركة الأصلية كتبت بواسطة نوري 
شكرا اختي الله يشافي ليك الميمة ويخليها ليك يارب والله يشافي جميع المسلمين ويخلي لينا ميماتنا ياربي كريم جليسوليد هو المعتمد عندي ماكيخطانيش كنعصر عليه شوية الحامض بعد المرات بالحق الوصفة ديالك زوينة الله يعطيك الخير جاري التطبيق هههه باذن الله ياربي امين اختي العزيزة كنتمنى تجربيها وتلقاي النتيجة باذن الله
شكرا على ردك الجميل
المشاركة الأصلية كتبت بواسطة لؤلؤة بنقابي1 الكريم لي منقدرش نستغنا عليه فالروتين ديالي هو جليسوليد
معمري فكرت نزيد عليه عكر فاسي هادي معلومة جديدة
حتى أنا كنستعملو لليدين و الرجلين أكرمكم الله و الركب و الكوعَين و بعض لمرات لوجهي
وصفة غزالة
الله يشافي ماماك و يخليها ليك أحبيبة شكرا احبيبة على الدعوة الله يسمع منك ياربي وانا في انتظار تجربي الكريم مع جميع المكونات وتردي عليا الخبار واكييد اتكون مبهرة باذن الله
المشاركة الأصلية كتبت بواسطة saranoxa شكرا احبيبة على الدعوة الله يسمع منك ياربي وانا في انتظار تجربي الكريم مع جميع المكونات وتردي عليا الخبار واكييد اتكون مبهرة باذن الله إن شاء الله أكيييد غَ نجربو
الله يسر أمورك و ينور طريقك
جليسوليد واش في بواطة حمرا عند اللي يبيعو ماكياج او شكرا اختي على الوصفة
عن طريق : samsung – GT-S6310
المشاركة الأصلية كتبت بواسطة nada hadara جليسوليد واش في بواطة حمرا عند اللي يبيعو ماكياج او شكرا اختي على الوصفة نعم اختي هو هداك الي بواطة ديالو حمرا وكيتباع عند مالين المكياج وحتى ف سوبر مارشي