جايين فيك الخطاب تلفتي معرفتي اش ديري دخلي نقول ليك

اوا غير كيجي هاد ولد الناس كضربنا التله و مكنبقاو عارفين متنديرو اش نقدمو واش ناخرو و الوقت مكافيش

اول حاجه هي نهار كيجيو دار لعريس يهضرو ولا يسولو

حنا فعادتنا كيجيو اعيالات هما لولين ام العريس و اختو ولا خالتو كيجيو شي عشيه

ايوا نبداو بالدار هي الاولى ضروري يكون كلشي مرتب و كلشي مصاوب على حقو و طريقو مشمشين الصالون و مجفين الدار بسانيكوا و راشين معطر الجو و انا كنفضل يكون بريحة البخور ولا الخزامى المهم انتوما و اش بغيتو

غير كيدخلو العروسه مخصهاش هي الي تحل الباب باش ميقولوش خفيفه من الاحسن الام ديالها باش يقولو كبرو بينا ايوا يدخلو بديك مرحبا و نهار كبير هدا ويلا جابو شي حاجه ضروري تقولو ليهم مالكم محنين راسكم غير مجيتكم بالدنيا

وراكم عارفين ضروري من حلاوة اللسان ولاكن بلا متعيقو باش ماتسماوش منافقين ولا متملقين

ايوا كيدخلو للصالون يجلسو يرتاحو وايلا كان الصهد ولا دروج قدمو ليهم عصير بارد ولا غير الماء يحيدو مساكن ديك السخفه اول حاجة متجلسوهمش فشي موضع فالصالول مقابل مع الباب و الطابلهة عنداكم نمشيو تخليو هداك القلع ديال لبلاستيك فوق لاناب . ايوا الصينيه خاصها تكون متوله على حقها و طريقها الكيسان و براد كبير و اخر صغير و معيلقة صغيرة ومفرشين للبراد ديك السبنية صغيره باش البراد ميديرش داك الصوت المقزز و متنسايش ديك لي كتوضع فيد البراد تولي حارقه لعدوزتك يديها

ايوا لفنايق ضروري نعناع و سكر و اتاي و شي عشبة منسمة و عنداك تنساي معيلقه معاهم

و كبري بيهم وعطي لام العريس عمر اتاي و ايلا كانت تشرب المسوس تعمر البراد صغير

ايوا غتحطو مع البراد شي حليوات ديال اللوز مشكلين و شي بريوات تهوما ديال اللوز ولا كموسة داللوز راه غير كيلو من الباتيسري قاضي الغراض المهم يكونو 5 اشكال و طبيسيل فيه الفاكهة المجففة و ضروري تكون ممسوحه من الغبرة و متنسايش سريبتات غار و شي طبيسيل باش ايلا كانت الحلوه ولا الفاكية بعيدة علا شي حد ما فيها باس الا حطينا ليه شويه وفطبسيل و قربناه ليه حيت الا كان داكشي بعيد الناس كيحشمو يمدو ايديهم

ايوا نوصلو ليك نتي الالة العروسة اشنو تلبسي و فوقاش ط¯ط®ظ„ظٹ تسلمي

ايوا اللباس كل وحده و اشنو كتبغي ولاكن من الاحسن غير شي بيجامة محترمه و مستوره و شي لوينات مفتوحين و عنداك تلبسي شي سورفيط ولا شي كسوة و لا شي حاجة فيها نونوسات

المكياج خفيف درقي غير عيوب البشره و شعرك يا صوبيه و جمعيه ولا ط¯ظٹط±ظٹ حجاب مخصكش تباني راكي درتي مجهود باش تكوني زوينه زهما راكي ديما هكداك فالدار ايوا غير يدخلو يجلسو واحد 10 دقايق ط¯ط®ظ„ظٹ سلمي و بتاسمي فوجههم و خاصك نتي لي تبقاي تصخري حشومة ماماك تنوض قدام الناس و تانيا باش يقولو حادقه

ايوا غير تحطي ديك الحلوة و رحبي بيهم خودي حتى انتي شي كاس اتاي ولاكن غير يبغيو يجبدو الموضوع نوضي سيري البيتك زعمة راكي كشمتي و هاديك الهضرة ديال الناس لكبار

ايوا شويه تعيط عليك ماماكباش تهزي الصينيه و تحطي لحليب و القهوة والمسمن و البغرير و رغايف قريشلات خبز من الاحسن ديال الدار باش يقولو را العروسه حادقه ماشي حتى الخبز كيشريوه من الزنقة ايوا و تحطو الزبده و الكونفيتير و الزيت و الفرماج المهم داكشي على حسب المستطاع غير متنسايش تحطي رولو ديال ورق المائدة حيت هما ميقدروش يمسحو ايديهم فالسريبتات خصوصا ايلا كان فيهم العسل ولا زيت و خاصك تاخدي المبادره وانت تقطعو الورق و تحطي قدامهم ايوا ملي غيكملو الماكلة غيقولو بسلامه ماماك غتعيط عليك تسلمي اه نسيت واحد النقطة عنداكي تنساي مترتبيش صبابطهم حدى الباب ولا لابغاو يمشيو يبداو يقلبو تحت السدادر

كنتمني منكون نسيت ولو و افدتكم و دعيو معايه حتى انا نتزوج و نفرح براسي

مزال نرجع نكمل معاكم نهار يجيو يخطبو رسميا عادا الخطبة و العرس و كيفاش تتصرفي فالزيارات العاديه قبل العرس ملي تزوريهم ولا يزوروكم ان شلء الله يكون موضوع شامل

سمحولي راه اول موضوع و الافكار ممرتبينش غير قبلو علية