السلام عليكم الاخوات انا كتبت ليكم حيت معنديش ختي لي غادي توريني شنو ندير انا دابا مخطوبة خطيبي ماباغي عرس وحتا انا غير لي كاين هو بغيت ندير حفيلة صغيرة فالدار بدون اختلاط الرجال بوحدهوم والعيالات بوحدهوم خطيبي مبغيش يدخل عند العيلات على ود التصاور وانا مغديش ندير النكافة غنلبس غير تكشيطة ديالي هادشي لي دايرا فبالي ولكن معرفتش كيفاش عطيوني افكار ولي دارت بحالي تفيدني ولي برزات بدون الزوج مابغيتش اسراف حيت ضروف خطيبي صعيبة شوية وبغينا نوفرو الفلوس نفرشو بهم
جاوبوني
[h,f,kd vhkd lpjh[h;l
نتمنى البنات يجاوبوك أنا ماعندي حتا فكرة الله يسر ليك نتي و خطيبك و يفرحك يا ربي
اختي حتى انا درت العرس غير فصالون دارنا المدعوات كانوا قلال يعني غيرالعائلة القريبة درت الحنة لبست جوج لبسات صافي اوجبت الكوافورة للدرصيبات ليا مشيطة ولكن زوجي برز معايا بزز تصورنا ونشطنا مع العائلة درنا دجاج واللحم المونادا الحلوى 6 شكيلات او مشى كلشي فرحان والله يا اختى هدي 13عام ديال زواج كاننا تزوجنا غير البارح الحمدلله ديما متفاهمين لحقاش العرس لي مكيكونش فيه الاختلاط كيبارك فيه الله واحنا مدرناش عرس كبير حينت شرينا السكن ديالنا الحمد لله هو لي ربحنا اما العرس راه غير هرس كنتمنى نكون فدتك اختي والله يكمل ليك بالخير ويسرك امورك امين
الله ايسر لك الأمور غاليتي
الله يسخر ليك ويكمل عليك بلخير
اختي انا درت بحالك تقريبا ليلة الحناء درت الاكسسوارات ديالها والتكشيطة ديالها وغير الاسرة ديالنا صافي ماعيطت لحد درت حفيلة صغيورة بالنهار جاو لعيالات وكلسو تغداو وطلعت عندهم بالتكشيطة ديال انا كريتها معند النكافة هي والاكسسوار ديالها وكلست معاهم شوية وفرقت عليهم ليدراجي والحلوى فالكميمسات صافي وسالينا فالعشا جاو الرجال اوحتا لغدا مور العصر عاد جا راجلي والعائلة باش مشيت معاهم ولبست قفطاني بيض وصلنا بالليل وتعشينا نعسنا ولغدا عاد دار راجلي حفلة ودارو لعيالات فبلاصة والرجال فبلاصة غير هما عرضو الناس بزااف المهم تعشاو مشاو الناس الجيران والغرباء وبقينا غير العائلة كلسنا انا وراجلي وكملنا الحفلة غير حنا كعائلة وصافي والله يسهل عليك اختي
ختي حتى انا يلاه شهرين باش تزوجت درت غير العائلة و صحباتي التحت درت رجال و الفوق درت البنات و درت جوج لبسات قديت فصالون و درت الحنا و راجلي برز معايا و جبت مصورة مرا حتى الا ما بغاش دخلي نتي و ياه شي بيت و تصوروا كيف درت انا فالاخير حشم مسكين ملي قالت لينا مصورة ديرو بوزات و دخلنا لواحد بيت ههههههه حيت التصاور لي بقاو ليك و نشطنااا و كلشي بالنسبة للماكلة درنا دجاج لحم و الحلوى الي عرفتي كيفاش تسييري ما غاديش اطلع ليك داكشي غالي و انا درت هاكا ماشي حيت ما كيناش فلوس ة لكن بغيت نبدا خياتي على صح و ما بغيتش نغضب ربي و احسن ما دريش الاختلاط و الحيحة داكشي كيحضر فيه الشيطان و هاذي فكرتي لا اكتر