السلام عليكم اخواتي
الله يجازيكم بيخير..بغيت الراي ديالكم ونصائحكم
يمكن انا بحالي بحال بزاف البنات المتزوجين سعوديين او عاد غيتزوجو او جايبين وليدات معاهم بعقد شرعي
كنتمناو ونحلمو بالتصريح مهما كانت الظروف او الوسايل
ولكن ملي كيجيك معطل بزاااااف بحال اللي غنعاود ليكم..شنو تديرو فبلاصتي
انا حكايتي درتها شحال هدي فهاد المنتدى وكل المستجدات كنحطها..من يوم زواجي حتى لسغدفري للمغرب
وولادتي عن عايلتي وماما الحنينة
انا دابا متوترة وخايفة وطالعليا الم هداكشي علاش ماغنقدرش نعاود التفاصيل من الاول
انا غنعطيكم غير فين وصلنا ونقوليكم نشكلتي الاخيرة وانتوما وجهوني
التصريح يلاه جا هاد السيمانا
ولدي عندو 3سنين
وخو كان طلقني هادي عامين تقريبا
واتفقنا نبقى مع الواليدة لشي ظروف ديالها..وحتى الولد يولي عندو 6سنين ويجيب التصريح ونرجع
المهم ماخلانيش نتهنا بهاد السنوات غير تهديد وتخويف وعنداكي تتزوجي او تفكري فالزواج او او والله حتى نحرمك ولدك وووو
المهم
هو متزوج 3قبل مني..واخا كنت انا معاه كان كيقلب على الخامسة باش ملي انا مانكونش غيجيبها
وفهاد المدة اللي انا فالمغرب
تزوج وطلق شحال من مغربية
المهم
بلا مانهضر فتفاصيل اخرى
دابا ملي جاء التصريح حسيت عادي
محيت هو باغي غير يدخل الولد للسعودية باش يتسجل فكرت العايلة بعذر انه باغيه ورت مع خوتو
انا رافضة تمامامحيت دار شي مواقف خلاني نفقد التقة فيه نهااائيا ووليت نخاف منو
وكيفاش ندخل بولدي السعودية ونرمي راسي فالعافية
دابا واخا جاب التصريح كنحس بحالا غير باش يفوز بالدري ما شي ليا
وغير باش يتسمى قدام قبيلتو وعايلتي انه دار اللي عليه
انا فهاد الفترة اكتشفت عليه بزاف الحوايج اللي خلات الامان والتقة ماترجععش
قلتليه ملي غترجعني غنرجع انا الرابعة كيفما كنت..وماتبقاش تدور وتقلب قاليا ماشي شغلك ندير اللي بغيت وماتتدخليش بغيتي التصريح
هانا جبتو
فالاول قلتليه واخا
انا غنبدا الاجراءات من هنا
ويحن الله فالسفر للسعودية
قاليا لا بزز منك ورجليك فوق راسك من السفارة للمطار
انا هاد الراجل مابقيتش كنتيق فيه ابدااااااا واخا ماعرفت اش يدير ليا
الا اءا بدل شوية فشخصيتو وحسيت انني فأمان ممكن نرجع
قاليا والله حتى ناخذليك الولد وتجي بزز منك للمطار
عافاكم
شنو ندير
واش يقدر ياخذو
ولدي عندو عقد ازدياد مغربي
موثق فالسفارة فقط
هو اي حاجة كيدفع فيها الفلوس باش كيقضيوهاليه
انا قلتليه نرجع ولكن حتى يوصل ولدي 6سنين
ماشي دابا
وتفقنا عليها فالاول
ولكن تقلب
قاليا ولدي اللي ماتحلميش يعيش فالمغرب..فيه اختلاط ومافيهش الدين وووو
ماعرفتش هو علاش كيجي يتمتع فيه..رغم اننا الحمد لله اسرة محافظة بفضل الله واخلاقنا وتربيتنا اللهم لك الحمد
اللي كتعرف شي محامية تعطيني نمرتها او حد يرشدني ويطمني بالامور القانونية
انا ماجبتش العيب
ولكن هو قال غيدير الاجراءات سواء بالقانون او بالقوة غياخذ الولد
عتقوني راه مابقيتش كننعس
انا راه نحماق اذا خدا ليا ولدي
او حتى نمشي تما ونسمح فماما بظروفها ويتكرفس عليا تما فالسعودية
[hkh jwvdp hg.,h[ lk su,]d>>,g;k fu] t,hj hgh,hk>>uhth;l ]og,
جزاكم الله بيخير
ويخليليكم ماعز عليكم
راميك كم سنه ومني طلع التصريح بغاكم فالسعوديه
عنداك يكون باغي ياخد الولد ويرميك على ماكتعاودي مافيه ثقه
ردي بالك وعرفي راسك اش كديري
بغيت غير نعرف واش القانون كيوقف فصفو وصافي..اللي عندها خبرة الله يجازيكم بيخير تجاوبني..كانت عندي شحال هادي واحد الرقم ديال واحد المحامية فكازا عندها خلفية فهاد المواضيع وضاعت مني
الله يحفظكم