ان شاء الله يعجبكم هاد التيراميسو ليدرت وهاهي الطريقة:
المقادير: 3 بيضات، 3 معالق كبار سنيدة، 250غ جبنة الماسكارپون، كوكيز
1/يطرب صفار دالبيض مع 3 معالق سنيدة حتا يبياضو ثم ضيفو جبنة الماسكارپون وتطربو غير شوية حتا يولي الكل كريمة.
2/طربو بياض البيض مع قبصة دالملح حتى يولي كيف الثلج وضيفوه للكريمة ليحصلتو عليها فالخليط (1). وخلطو غير بشوية بالملعقة الخشبية.
من بعد كاديري فكيسان (من الاحسن كيسان صغار مع كايشبع دغية) كوكيز مهرس (قطع صغار) وكاديري كمية من الكريمة، ثم كوكيز، ثم كمية من الكريمة وديرو عليها كاكاو، انا درت شوية دكوكيز مفتت. ذخلو الكيسان للثلاجة على الاقل ساعتاين.كايجي بنيييين وبالصحة والراحة.
نتمنى يعجبكوم، وشكرا على المتابعة
jdvhlds, fhg;,;d.
المشاركة الأصلية كتبت بواسطة قلب حنين 
الله يبارك فيك احبيبة، الله يحفظك وينورك