تورتية اسبانية بالصور من مطبخي وبالطريقة الأصيلة

يالأنيقات هانا عاود جيت بأكلة ط§ط³ط¨ط§ظ†ظٹط© أخرى عاودتاني في المغرب تنعملوها ولكن بطريقة أخرى وصدقوني اذا جربتوها بهذه الطريقة غادية تعجبكم أكثر

الوصفة هي
التورتية بالبطاطا
المقادير:
4 حبات بطاطا كبار شوية مقطعين بحال بطاطا شيبس
6 البيضات الزيت والملح
1بصلة مقطعة بالطول
1فلفلة مقطعة مربعات كبار
ملاحظة الفلفلة والبصلة اختياريين
الطريقة
كاين 2 الطرق :

الطريقة الأصلية:

1 تتديري مقلاة كبيرة فيها الزيت شوية كتيرحتى تسخن مزيان وتترمي فيها الخضر تتقلى على نار هادئة مع التحراك المستمر ماشي بالضرورة تتحمر البطاطا المهم هو أنها تطيب مزيان وما عليهش اذا ترفست فهذاك هو الغرض منين تطيب نصفيوها مزيان من الزيت ونملحوها
2 نكونو مطربيين البيض ونخلطوه مع البطاطا مزيان
3 نديروا مقلاة فيها معلقة الزيت تتسخن مزيان مزيان ونصب فيها الخليط ديال البيض وبطاطا ونخليوها على نار هادئة حتى نحسوا بيها طابت من لتحت نديو طبسيل فوق المقلاة وبحذر نقلبوها على وجها ونعاودو نرجعوها للمقلاة باش تتحمر من الجهة لاخرى وبالصحة والراحة

الطريقةالمبتكرة:

تناخدوا البطاطا والبصلة والفلفلة تنديروهم في اناء اللي تيقبل يدخل للميكروأوند وتنزيدو عليهم 2 معالق زيت والملح وتنغطيوهم جيدا بحيت ما يتنفسش الوعاء وتندخلوهم للميكروأوند على القوة العليا لمدة 15 دقيقة تقريبا مع تحريكهم في منتصف المدة

وتنقوم بالمرحلة 2 و3 من بعد تتختلف فقط طريقة طهي البطاطس, هذه هي الطريقة اللي تنستعمل من نهار سمعتها في برنامج يعنى بالصحة وتتجي بنفس المذاق ورطبة من الداخل كيفما الأصلية

j,vjdm hsfhkdm fhgw,v lk l’fod ,fhg’vdrm hgHwdgm hgladlm