اخواتي العزيزات عيدكم مبارك سعيد وكل عام وانتم بالف خير ان شاء الله
خدمت تقشيرا ط¨ط§ظ„ظ‚ط·ط¨ط§ظ† وحاولت نصور المراحل بالنسبة للاخوات المبتدئات باش تجيهم ساهلة الى عجباتهم و بغاو يخدموها
بلامانطول عليكم نخليكم مع الضور والشرح .
في الاول كنخدم 80 عين في قطبان رقم 5 والصوفا على 3لخيوط وكنخدم سطر مسرح وسطر مقلوب 4 سنتيم ونقدرو نغيرو الالوان على حسب ليبغيتي ويمكن تخدميها بلون واحد
فاش كنكمل 4 سنتيم كنخدم 29 عين والعين 30 و31 نخدمهوم ب في عين وحدة شوفي الصورة غادي تفهمي مزيان
دبا من هاد العين لخدما فيها 2 عيون نحسبها وحدة ونكمل 19 عين .والعين 20 و 21 نخدمهم في عين وحدة ونقلب القطبان حيت غادي نبقى نخدم غير هاد 20 عين وكل مرو كناخد عين من جهة وكنقلب القطبان حتى تبقى ليا 12عين في كل جهة من غير 20 لي لوسط خصهم يبقاو 20 حتى الاخير غادي يبقاو عندي 44 عين
هنا بدات الخدمة كتبان فاش تبقى 44 عين كنبدل القطبان وكناخد رقم 3 او 2.5,وكنخدم عين مسرحة وعين مقلوبة حتى الطول ليبغيت فها وكنسد الخدمة وكنحصل على هاد الشكل
دبا كنخيطها بالابرة او لكروشي ليبغيت وكندير لها الشوشات
وهنا لبستها باش تشوفو كيفاش كتجي ملبوسة وراني خدما غير وحدة باش مويها ليكم وفاش نكمل الثانية غادي نحطها حدا ختها وبالصحة والراحة اخواتي العزيزات
نتمنى يعجبكم موديل هاد التقيشرات وتخدموهم باش تسخنو بهم رجيلاتكم في هاد البرد .
jrdavhj fhgr’fhk lu hgavp hgwvp
المشاركة الأصلية كتبت بواسطة نهال 
انتي اروع احتي نهال وشكرا لتشجيعك و لمرورك العطر نورتي الموضوع
المشاركة الأصلية كتبت بواسطة قلب حنين الله يبارك فك اختي قلب حنين عويناتك لغزالين وكيشوفو كلشي غزال وشكرا لمرورك الطيب
المشاركة الأصلية كتبت بواسطة أم يحيى و طه
اسعدني مرورك ايضا عزيزتي ام يحيى وطه وعيدك مبارك سعيد ,وغير خدميهم راهم ساهلييييين وكيجيو زوينين في اللبسة بالصحة والراحة مسبقا اختي
المشاركة الأصلية كتبت بواسطة المنطلقة
الله يبارك فك اختي النطلقة وعيدك مبارك سعيد وكل عام وانت من اكرم خلق الله ,وشكرا لمرورك نورتي الموضوع
والتقيشرات مزيونين الله يعطيك الصحة
المشاركة الأصلية كتبت بواسطة حفيضة84 والتقيشرات مزيونين الله يعطيك الصحة
وعليكم السلام اختي حفيضة وعيدك مبارك سعيد وكل عام وانتي بالف خير ان شاء الله ,وشكرا لك لمرورك وكلامك الطيب عزيزتي