[COLOR="purple"]بسم الله الرحمان الرحيم توكلنا على الله
يالله البنات ربطو الحزام د السلامة ويالله نبداو الرحلة على بركة الله
بعدما قررنا نسافر اخترنا باش نقضيو اسبوع ف ظ…ط±ط§ظƒط´ الحمراء فيها يوم خصصناه لاكادير باش نزورو اختي الي عاد سكنت ف اكادير هادي شهرين بحكم عمل زوجها
بالنسبة لمدينة ظ…ط±ط§ظƒط´ فسبق لينا انا وزوجي مشينا لمراكش ف الايام الاولى من الزواج بلحاق ما تاحت لينا الفرحة نتساراو ونعرفو كل الاماكن الي يمكن نزورها وعاد ما كانش عندنا الطوموبيل ولان كان السكن بعيد شوية على وسط المدينة فاكتفينا فداك الوقت بساحة الفنا والاسواق الي فيها والمدينة القديمة وزرنا ف داك الوقت القصر البديع وقبور السعديين لانهم كانو قرابين لساحة الفنا
من داك الوقت عجبتني ظ…ط±ط§ظƒط´ وجوها وكان بقا فيا الشوق باش نرجع ليها نهار يكتب الله رغم ان راجلي ما كانتش عجباتو وحتى ساحة الفنا ما عجباتوش
والحمد الله تيسرت السفرة هاد المرة وكل شي الحمد الله داز بخير وحتى راجلي عجباتو بزاف ظ…ط±ط§ظƒط´ وناسها الطيبين وجوها الرائع اما عجوزتي فتمنات لو كانت مدت الاقامة ف ظ…ط±ط§ظƒط´ اطول وما سخاتش نرجعو فحالنا
اشتقنا بزاف لحركة الموطورات وما ادراك ما الموطورات وهدا ما يميز ظ…ط±ط§ظƒط´ هي هاد الموطورات قبل كل شي مرات كيضحكوني خصوصا ملي كيخرجو عليا بالعرارم ملي كيشعل الضو الاحمر ههههههههه كنولي دايرة بالموطورات ومرات كيعجبوني خصوصا العيالات ملي كتكون ف كامل اناقتها وهي سايقة المويطر ومرات كنستغرب من الطريقة الركوب كيكون غير مويطر كيولي طوموبيل ب 4 بلايص ايوا ما نقول غير تبارك الله عليكم يا المراكشيين
عدد افراد السفرة 4 اشخاص اختكم الطنجوية وزوجي العزيز وابني 6 سنين وام زوجي
سائق الرحلة دهابا وايابا وداخل المدينتين اختكم الفقيرة لله
سيارة الرحلة سيارة صغيرة من نوع فيات باليو ولكن كنحسها فحال كات كات كنسيميها المبريكة ديانا
وبطلة السفرة الحمد الله عليها لانها سهلت علينا ف الطريق وف الفسح طبعا
الحجز ف ظ…ط±ط§ظƒط´ كان قبل 15 يوم ف شقة ف اقامة احلام بشارع المنصور الدهبي بجليز قبالة المركز الامريكي هاد الاقامة فيها شقق مخصصة للموضفين ف خدمة زوجي وهي يالله جديدة يعني فيها شقق للبيع واغلب الشقق فارغة والبعض الاخر كياجروها للاجانب فيها كراج السيارت واسنسور كينزل للكراج والسكنى كانت ف الطابق التاني
عقد الشقة محدد لنا وقت دخول الشقة يكون ما بعد 3 زوالا والخروج صباحا قبل 11
ليلة السفر كانت يوم التلاتاء اعددنا الشنط واللوازم الضرورية للطريق والامطبخ الي ف الشقة ليوم الوصول على الاقل خصوصا ان المطبخ قيل لنا انه مجهز باواني الطبخ فقررت باش نطيب ف الدار ف مكان ما ناكلو ف المطاعم وما ادراك ما المطاعم الا للضرورة وللطريق اعددت طرطية البطاطا والدجاج واخدت خبيزات المقلة والجبن والتون والعصير ولبقية الاسبوع خديت القهوة من بيتي والشاي وزيت العود والنعناع والربيع وممسحات خاصة لليد وللكوزينة وكلينيكس والتوابل الخمسة باش ملي نوصلو ما نبقاش نفتش فين كيتباع هاد الشي نمنا هاديك اليلة وفقنا قبل الفجر
jrvdv vpgjd hgl;,;dm hgn uv,sjd hg[k,f lvh;a ,h;h]dv hld
هده بعض الصور من خروجنا من الدينة ف اتجاه الطريق السيار
عند الانطلاقة قريبة من اقامتنا هادي ولاية طنجة
رونبوان كاسطيا
قبل مرجان ف طريق الرباط
ملعب الكرة ف طنجة كبير ومازال ف طور الاتشييد
طبعا خلال الطريق كلها اشجار وخضرة مع نسيمات الصباحية اممممممممم
بداية الطريق السيار جنب الطريق الوطني على الشمال
هادا نادي الرماية الي ف طنجة على الطريق الوطني كيبان من الطريق السيار نادي عاءلي وفيه العاب للصغار وكافي ومطعم ونوادي رياضية وبيسين ف الصيف مغطى واحد خاص للنساء والاخر خاص للرجال والدخلة فابور للنادي اما البيسين ب 70 درهم والاطفار فابور
المسافة بين طنجة ومراكش 558 كيلومتر قطعنا الطريق ونحن نتحدت مرة ونستمتع مرة بما حبانا الله من مناضر طبيعية رائعة ولم نقف للاستراحة الا مرة واحدة ف استراحة سطات
الطريق طبعا كلها اشجار وخضرة وسدود
مرت اربع ساعات ونحن ف الطريق بعدها قررنا الوقوف ف اول محطة تصادفنا وكانت قبل سطات ب 5 كيلومترات
كانت الساعة تشير الى 11 عشرة والنصف على الطريق كاين نوعين من الاستراحات استراحة تابعة لمحطة افريقيا وباين من شكلها على الطريق انها ف المستوى المطلوب واستراحة اخرى هي الي وقفنا فيها وهادي هي استراحة بونجور فيها جلسات الكافي ف الداخل والخارج ومراحيض اعزكم الله ومكان خاص للوضوء وغرفة للصلاة ومكان للالعاب طلبنا قهوة لزوجي وحليب لام زوجي وعصير برتقال لابني وشاي ليلي وكان التمن ف حدود 45 درهم انا لوم لكل شيءا لاني كنت فطرت مزيان وهو عملو الجبن مع الخبز الي كان معانا ف الساك ديال الاكل بعدها ارتحنا قليلا وعبد الرحمان لعب شوية تم انطلقنا ف اتجاه مراكش وكانت الساعة 12.30
ملي بدينا نقربو لنواحي مراكش ما كتشوف غير التراب الاحمر واشجار النخيل الي تعانق السحاب
عند 2 بعد الضهر وصلنا الى مراكش واتجهنا عبر البلاكات والفليشات الي فالطريق الى وسط مراكش ووقفنا حدا واحد الرونبوان وسالنا واحد الراجل كان ماشي بدراجته عكس طريقنا واول ما شافنا كنعيطو لشي حد دار مسكين وجا حتى لعندنا وسالناه على شارع جليز ووصفنا الاتجاه بكل دقة الله يجازيه بالخير زعما ف مراكش ما تحتاجشي تسقسي 2 مرات مرة تكفي اول ما تسقسي على شي اتجاه من اول مرة كيقولوك بالضبط وكان الاتجاه بعد 3 سطوبات غادي نلقاو شارع جليز على يدنا د الشمال وفعلا دخلنا جليز بقي لنا نسال عن الاقامة وشارع المنصور الدهبي فكان قريب وهاد المرة دلنا صاحب تاكسي
للحديث بقية اخواتي نخليكم ف امان الله الى الملتقى عند دخولنا مراكش ودخولنا الشقة وبقية اليوم الاول[/COLOR]
شكرا على تفاصيل
هنا كنتسنا اشنو درتو فمراكش وشنو شفتي انا عمري ما مشيت ليها او بغيت نمشي ليها الى كتب
و تبارك الله عليك طريقتك فالتعويد غزالة ماعندي مانسالك. الله يحفظك الزين
ما ميز السفرة ان الجو كان معتدل لا حار ولا بارد والشمس مشرقة اشراقة جميلة تداعب وجوهنا مرة واكتافنا مرة نسيت نقول ان السفرة كانت ف بداية شهر 10 والكل يقول ان هدا احسن وقت للسفر الى مراكش الجميلة الناعمة الحمرا الوجنتين
هادي الدخلة د مراكش كتبدا بمنطقة النخيل الي فيها بشقق النخيل
دخلنا وسط المدينة
وصلنا الاقامة بعد السؤال ف الحي على الساعة 2.30 زوالا واردنا انا نعرف ان كانت هي الاقامة المخصصة لنا فدلنا المسؤول عن الايجار على ان شقتنا ف الطابق التاني وعلى انها لم تجهز بعد ما زالت المراة العاملة تعمل على الترتيب وعلى ان السكان الي كانو قبلنا تركوها دون تنضيف فدلنا اولا على المكان المخصص لنا ف الكراج للسيارة ودلنا على المصعد وطلب منا ان نحط الشنط ونرجع بعد نص ساعة ففضلنا االنتضار بباب الشقة خرجت الينا العاملة وقالت انه ما كاين مشكل يمكن لينا ندخلو نسترحو الى حين انها تغير مفارش السرير ولنها تقريبا انتهت
دخلنا الشقة وبعد ربع ساعة تركتنا المراة بعد ما دلتنا على الاواني وحسبت عدد الاواني والمعالق وكل شي يتعلق بالمطبخ
توضانا وصلينا الضهر ورتبنا الشنط وجبدت ديك الطرطية د البطاطا والدجاج وعملتها ف الفرن تسخن وعدلت شلادة د الخس ومطيشة كنت جايباهم معايا من طنجة والخبز الي بقات لينا من الطريق والعصير
مدخل الشقة
الصالون المغربي
المطبخ مفتوح على الصالون
كولوار فيه غرفة النوم والحمام اعزكم الله
الحمام
غرفة النوم
الشقة فيها تيراسة صغيرة عندها 2 دخلات واحدة من الصالون والتانية من بيت النوم
صورة التيراسة صورتها ف اليوم التاني وقت الفطور وعبدو كيدور كيستنانا نجيو نجلسو خلاص
المشاركة الأصلية كتبت بواسطة ام يويوسف 
شكرا على تفاصيل
هنا كنتسنا اشنو درتو فمراكش وشنو شفتي انا عمري ما مشيت ليها او بغيت نمشي ليها الى كتب
الله يعطيك الصحة ام يوسف ان شاء الله تمشي ليها واكيد غادي تعجبك لان فيها ما يتشاف ومدينة ولافة بزاف
المشاركة الأصلية كتبت بواسطة نحلة العسل و تبارك الله عليك طريقتك فالتعويد غزالة ماعندي مانسالك. الله يحفظك الزين
الله يعطيك الصحة اختي نحيلة ربي يخليك ان شاء الله يكون خير وتلقى مرادك والتفاصيل الي بغيتي
عندك الحق مراكش ما تخاشي بيها
والله يبارك فيك وشكرا الغزالة على هاد الطليلة على الموضوع ويخفضك حتى انتينا
المشاركة الأصلية كتبت بواسطة TIZNITYA االله يعطيك الصحة اختي تيزنيتيا ربي يخليك
المشاركة الأصلية كتبت بواسطة maria. شكرا حبيبتي ماريا الله يعطيك تفويجة وشكرا على الرد
ما عندي ما نقول
فنانة مبدعة بحق
اتبارك الله اعليك
وأحلى تقييم لعيونك الحلوين