خيطت هاد الكسيوة لبنتي و حاولت نزل الباترون و بعض التفاصيل وخا نسيت ما صورتش شي مراحل غير قبلو علي
هادي صورة الفستان
وهاهو الباترون…انا كنفصل فحال الى غادي نفصل جلابة و كندخل عليه التقطيعات اللي خاصني
كناخد عرض الكتفين و نقسمه على 2 و نرسم اقياس على الورقة ونرسم عليه قياس تقويرة الخلف 8سم و ننزل ب 2.5سم عند طرف خط الكتفين …تابعو الصور و هي تماما فحال فصالة الجلابة
غير هنا منين كنرسمو الباترون و نقطعوه كنطويو التوب على 2 فقط
بالنسبة لاكمام كنزل ب 6 سم عند الاطفال
الباترون منين كنزلو على التوب كنخلي واحد 5سم ديال زيادة ديال الصداف..غادي نطويها على 2 هي 4سم و 1سم للخياطة…
كما كيبان فالصور انا زدت عليه 3بليات plies قياس كل وحدة 1سم كنقطعوهم ومنين كنزلوهم على التوب كنخليو حدا كل قطعة 2 سم…نفس الشيء انا درت فالظهر …نسيت ما صورتش المراحل
كدلك زدت واحد التقطيعة من تحت لاطاي غادي نفصلو منها 2 للظهر و 2 للقدام يعني مضوبلا لحقاش غادي يدوز فيها السيور…
تابعو الصور
كما كتشوفو خيطت الكسوة و بقا لي لعينين ديال الصداف …لكمام دخلت لهم لاستيك رقيق صافي باش يكونو عمليين و نفس الوقت ساهلين
و ها هي لكسيوة سلات من بعدما خيطت الصداف و عملت السيور كدلك
و هادي لكسيوة اللي كنت نزلت من قبل و كفاش جاتها من لبساتها نتمنى يعجبوكم
[
سمحولي راني ما عرفتش نشرح لكم مزيان …اللي عندها شي تساؤل ما ترددش…
jtwdg , odh’m tsjhk ghfkjd fhglvhpg hglw,vm
ماشاء الله عليك بصحهتها وراحتها ان شاء الله تلبس وتعاود
حتا الشرح ممتاز ومفهوم
تسلم يديك
عندي طلب ادا جات على خاطرك الكابيش la capuche بغيت نعرف القياسات اللي درتي وبالنسبة للكم كيفاش كتحصلي على عرض اليد
وشكرا
تلبسها بالصحة والراحة
اختي اوليفيا بالنسبة لكابوش انا رسمت على واحد من الكطمة دبنتي صافي و عرض اليد كناخدو دايما عرض اليد بالضبط + 3سم على الاقل و لكن دابا البرد كنلبسو لحوايج بزاف كنزيدو اكتر حتى 5سم اداكان التوب خفيف و ماشي واقف فحال اللي زدت انا