السلام عليكن أنيقات الفضليات كيف حالكن أن شاء الله بخير
اليوم عملت للمرة الثانية سفنج اللي كانت حطاتو من قبل الاخت روزانيط الله يجازيها بخير
فالمرة الاولى كنت درتو ولكن بطريقة عشوائية وجا زوين ولكن مااااشي ط¨طط§ظ„ اللي كان فالصور ديال الاخت صاحبة الوصفة
وقلت والله حتى نبقى معاه حتى يصدقلي وراك وراك يا الشفنج والزمن طويل
ايوا يا لالا درتو اليوم من بعد ماجمعت بعض ملاحظات الاخوات اللي شاركو فالموضوع ديال صاحبة الوصفة والنتيجة كانت زوينة
الطريقة وهي : خديت نص كيلو فورص ودرت شوية الخميرة (قل من الكمية اللي تنديرو فالخبز)+ قليل سنيدة درت غير قريصة + ملح شوية بزايد+ ماء دافئ للعجين، بديت نخوي الماء وانا تنخلط عادي ط¨طط§ظ„ الملاوي غير يتعجن خفيف شوية من الاول يعني يكون تيلصق فاليد (هو أخف بكثير من الملاوي ) ، من بعد غطيتو وخليتو يخمر خليتو شي ساعتاين ونص، من بعد ما خمر بوقتو وعملت منو كويرات ط¨طط§ظ„ الملاوي وحطيتهم فبلاطو مزيت ، خديت مقلة درت فيها الزيت وخليتها تسخن ، هزيت الكرة الاولى وتقبتها فالوسط بصبعي وسعتها شوية ودرتها فالجنب ديال المقلة اللي مافيهش بزاف ديال الزيت وبقيت شاداها بالفرشيط حتى تنفخات وشدات راسها عاد دفعتها لوسط المقلة (فيها الزيت بزاف حيت غارقة) انا كنت ميلة المقلة هازاها من اليد -الجهة اللي عندي مهزوزة وبالتالي فيها الزيت غير شوية والجهة الاخرى اللي قبالتي فيها الزيت بزاف حيت هابطة ليها) المهم خليتها حتى تحمرات شوية وعاد قلبتها وخليتها تحمرات شوية وهزيتها ودرتها فشبيكة تسقطر من الزيت وهكذا حتى كملت كلشي.
بالنسبة للزيت من الافضل طريقة صاحبة الوصفة سااااهلة وهي :
نضع قليل من الزيت في مقلاة مقدار 3 ملاعق ثم نضع السفنج ونتركه حتى ينتفخ
ثم نضعه في مقلاة اخرىمليئة بالزيت على نفس الجهة
ثم نقلبها على وجهها لكي تتحمر
الصور ديال طھط·ط¨ظٹظ‚ظٹ هاهما
ماعرفتش نزلهم قالولي أن حجمهم كبير للأسف سمحولي
هذا رابط صاحبة الموضوع جزاها الله عنا كل خير
https://echorouk.dzbatna.com/#62625
j’fdrd ggstk[ fphg hg.krm fhgjtwdg
بغيت نسولك عفاك، الخميرة شحال درتي، أنا عندي الخميرة الفورية
و شحال تقريبا زدتي ديال الماء باش تعجني، و كيجاتك العجينة، وش مني كتشكليها كرات كتلصق في يديك ؟ جاتني خفيفة و كطيح مني كنبغي نحلها من الوسط.
مني شكلتي الكرات، خليتها تستراح و لا مباشرة درتيها تقلى ؟