الله يجازيكم بيخير بغيت نخمل الكوزينة وخا صغيورة وعندي واحد الثوب بالمربعات في البني معرفت مندير بيه واش نفرشو فوق الثلاجة والمائدة وبغيت نديرو حتى لبلاكار نغطي بيه الرفوف من لداخل ومبغيتش نخيط عند الخياط بيت ندير كلشي وحدي ولكن خفت من العبار مانعبرش مزيان ويطلع ليا دكشي مخربق
عاونوني وفييدوني بافكاركم يا الحادكات بنات بلادي قبلة اليكن
jolhg hgl’fo f[lhg
وفنفس الوقت تنجبد ركاني الدار نعاود ليكم شنو درت اليوم بعون الله
فقت مع السابعةتوضيت صليت فطرت
ثم شغلت سورة البقرة وبدات بلتلامط دخلتهم للماكينة ثم فرغت الدقيق كان فلخناشي فرغتو فلبرامل بعد ماغسلتهم البارح ونشفتهم مزيااان وعرضتهم للشمس باش ميغملوش الدقيق
ايوا ومشيت لبلاكار تحت بوتاجي وحيدت منو روينة لماعن ونظفتو بجافيل وسانيكروا وخليتو نشف ثم دخلت ليه برامل الدقيق وايضا بوزات زيت العود غسلتهم من برا وفرشت ليهم بلاطو وحطيتهم حدا الدقيق ومن بعد مشيت لواحد لمجورة دلميكة كانو فيهم الصبابط وحيدتهم منهم ودرتهم في صندوق اخر وضربتها للمجورة بحكة منقولش ليكم خرجو يلمعو ايوا خليتهم ينشفو ودزت للكوزينة غسلت لماعن اللي كانو فالبلاكار وغسلتهم كاااملين وخليتهم ينشفو ودزت للقويصة عندنا فلكوزينة جامعين فيها دكشي لي مبغيناهش والمجامر والغرابل وحتى ماكينة الصابون والطاوات مع معدناش سطح
خرجت كلشي ومسحت كلشي بالخل
وحكيت القويصة ونظفت مكينة الصابون ثم بديت نرجع كل حاجة لبلاصتها ثم جبت المجورة من بعد ما نشفو دخلت ليهم الماعن وفصلت عليهم دك الثوب لي قلت ليكم وفرشتو الفوق وزينت بطبسيل حطيت فيه ثلاثة بومبليموسات هههههههههه
وعيت ولكن ما ستسلمتش مايبان ليا غالبلاكار لي فالحائط فيه الماعن ونا نقوليه اليوم بيا ولا بيك خرجت الماعن غسلتهم ومسحت لبلاكار بالخل وهو فيه ثلاث رفوف فصلت على كل رف نفس الثوب لي درت للمجورة وحطيت الفوق كراطن لكيسان بغيت نخليهم بكراطنهم حقاش مكنستعملوهمش ولوسط درت الطباسل وزلايف ولتحت درت الكيسان لي تنستعملو ولات دنيا اتوقوق هههه
نسيت حتى ماكينة الصابون فصلت عليها من دك الثوب وحطيت حداهم شبكة كبيرة طويلة فالوردي باش يدارو فيها الحوايج الموسخين وحطيت فوقها ارييل
ايييواومشيت لواح الكوان وسط الدار مسحتو بالخل تا هو ودخلت ليه صبابطي وغسلت لقلوع لي لقيت فواحد صاك فلكوزينة ووجبت ريدو صبنتو بيديا وغطيت بيه باب الكوزينة حقاشمعندهاش الباب جا زويين لانه فنفس لون الفايانس صااااافي وعيت ومشيت حكيت طواليط اعزكن الله وسخنت الماء وتوضيت وجففت الدار وخا باقا مرونة غي كنقص شويا ودزت صليت الظهر ونعست مني فقت مقدرتش نشمي برجليا تتخلعت مع ضرني ظهري بزاااف
ولكن الحمد لله على كل حال وسمحو ليا بزاااف تلفوني خاسر مال كون صورت ليكم المراحل ديال التخمال باش تعطوني رايكم وندير في معكازات بحالي سابقا الحماس ولكن للاسف
ايوا كيجيتكم
اسال الله ان يبارك لك في وقتك
ههههههه هاهي واحد المنافسة دخلات معاك في الموضوع هههههه
بما اني اقترب موعد الولادة تزامنا مع اصلاحات بيتي
واستعدادا لافتتاح دورة الاستعداد لرمضان وايضا افكار للتجهيزات المصورة لاستقبال المولود
وبين قوسين زهدا مني في فتح مواضيع مستقلة فاني قررت احشر نفسي هنا بموضوعك هههههه غير قبلي علي
حتى يتسنى لي افادة البنات من يدري لعل الله يقبل العل مني ويكون لي صدقة جارية
لي عودة بامر الله بعد ان اجهز الصور
في اولى حلقات مسلسل قرة عين زوجها الحامل والاستعداد لاستقبال المشاغب الثان بامر الله : )
يتبع بامر الله
الله يسهل عليك الولادة ويبارك ليك في كل شيء
مرحبااا بيك في الموضوع منك تعلمت وستافدت ويعجبني انافسك وساضع موبايلي عند مول الموبايلات باش نصور تا انا
اريد استفيد منك في تجهيزات الولادة ايضا لان اختي مهتمة بالامر
هيا بنات من ينافس؟
بغير هو نصيحة مني المجورة المرة جايا حاولي ديري سرابت لفوق والكيسان لتحت حقاش اليسان تقال وحسسين ودك لمجورة د لبلاستيك يقدر ونتي تتجري لمجر يتجر كلو الله يحفظ ويطيحو لكويسات لهذا ديما لثقل لتحت
غدا انشاء الله قولي لينا فين وصلتي الله ىعاونك
المشاركة الأصلية كتبت بواسطة قرة عين زوجها 
اسال الله ان يبارك لك في وقتك
ههههههه هاهي واحد المنافسة دخلات معاك في الموضوع هههههه
بما اني اقترب موعد الولادة تزامنا مع اصلاحات بيتي
واستعدادا لافتتاح دورة الاستعداد لرمضان وايضا افكار للتجهيزات المصورة لاستقبال المولود
وبين قوسين زهدا مني في فتح مواضيع مستقلة فاني قررت احشر نفسي هنا بموضوعك هههههه غير قبلي علي
حتى يتسنى لي افادة البنات من يدري لعل الله يقبل العل مني ويكون لي صدقة جارية
لي عودة بامر الله بعد ان اجهز الصور
في اولى حلقات مسلسل قرة عين زوجها الحامل والاستعداد لاستقبال المشاغب الثان بامر الله : )
يتبع بامر الله
يو يو يو يو أهلا وسهلا بقرة عيننا اشتقنا لكي ولي مواضيعك القيمة الله يسهلعليك الولادة وننتضر الصور أحبك في الله
نعمل واحد شوية اكشن قبل ما ندخل في سرد الاصلاحات والتغييرات والتنظيمات بالتفصيل
نبدأ بالحمام اللي مسكين خاد الدق اكثر من اي غرفة اخرى ههههه
هاهي ضربة افتتاح التغييرات : )
هاد البنيوا غايطير مسكين
هنا تم اعلان حالة الطوارئ وجات فرقة التدخل السريع : )
كاااااااااااان هنا البنيو
واحد الشنيولة ديال بريمة صغيرة غاتولي بلاصة البانيو
يتبع بامر الله ………..