تخلصي من القشرة

هاد الوصفة جربتها على بنتي بعد ان يئست كل المحاولات وقلت نفيدكم بها لعل الله يكتبها في ميزان حسناتي. خذي قرعة وخلطي فيها مسحوق الغسيل تيد وماشي اومو وزيدي عليه شوية زيت عافية قياس ملعقة فقط وملعقة خل تفاح والماء سخون وحركيها واستعمليها بدلا من الشمبوان من ثاني مرة غادا تلاحظي الفرق وعلى فكرة اللي شعرها حرش ماتختفش راه انا بنتي عندها بحال جكس وماوقع ليها والو كنتمنى اللي جرباتو تفرحني وتقولينا باش تعم الفائدة

---

jogwd lk hgravm

ختي سمحي ليا وش كتهضري من نيتك كيبان ليا رك مكتسمعيش راسك اشنو كتقولي وش المواد الكيميائية لي في التيد ديال التفلية تمشي ديريها لبنتك و مزال تنصحي بيها الناس استغفر الله و نعل الشيطان و سوفي وجه الله في الديك البنتواش الناس كتكتب مواضيع و كتحذر من الشمبوان و مادة الصابون و الباربين و السليكون لكدير السرطان الله احفظ و انت جبتي التيد شوفي غير اللدين كيف كيردهم عاد الراس لكل مسام و التيد يدخل ليه اختي سمحي ليا الا قسحت معاك الهضرة و لكن ره هذه الشي لكتقولي خطر على الناس و على بنتك و البنسبة لنجاح تجربتك ره نورمال تمشي القشرة و من و رها غدي طير الجلدة حتى هيا و استسمح

اختي الا مكنتش كنخاف من الله فعلى الاقل نخاف على بنتي والى كنت كنكره الناس لهاد الدرجة فمغاديش نكره قطعة مني ولو مكنتش مجربة الوصفة ماغاداش نحطها والوصفة كانت جربتها الوالدة ديالي شي اربعين سنة هادي والحمد لله مازال شعرها اجمل من شعر بنات اليوم وانا مكنقولش تستعملها العمر كله راه غير حتى تتعالج من القشرة وتوقفها والى ردتي البال راه اي دوا كنستعملوه من الصيدلية راه كيعالج عضو ويدمر اعضاء

ونزيدك سولي ناس زمان باش كانو كيغسلو شعرهم قبل مايكونو شمبوانات راه بالتيد زيدي سولي عاد انتاقدي

ختي سمحي ليا امكن غلط حيت نصحتك شغاك هذاك انا لعرفتو قلتو اما مسألة تقتنعي او لا كتبق ليك زيادة الا ربي سترها مع الوالدة ديالك و نجاها و هيا كانت كتستعمل التيد ماشي معناه انا التيد و مواد التنظيف تليق لشعر و استسمح مرة اخرى

عندك اللحق اختى ره بتيد كنو كيغسلو شعرهوم انا جدتى عمرهها مغسلت بشموان

شوفي حتى انا قلت سولي عاد انتاقدي وانا شعر بنتي حرش ومع ذلك ماوقع ليه والو وانا براسي كنت كنغسلو قبل كنتزوج بالتيييييد وعمرو ولا حراش ولا تصلع ولا ناض فيه حبوب وفوق من هادا راه الى مخفناش من الله فلا داعي اننا نعيشو اصلا ونصيحة مللي تبغي تنصحي كوني رطبة باش الناس تتقبل نقدك ومتكونيش معول هدم راحنا فهاد المنتدى كنقدمو يد المساعدة لبعضياتنا وماشي ساهل باش تكلسي تكتبي بالساعات باش توصلي معلومة وترغبي فولادك عافاك هاك حطلي هاد الصورة ولا صححلي هاد اخطاء ولا كيف ندير نكتب علامة استفهام .لالا راه مجهود نتمنى من الله لهلا يضيعو

اختي انا جربت التيد لبنتي و لكن ماشي لقشرة كنت عملتها ليها على حسب القمل كان واحد العام منتاشر و مخليت دواء ديال الصيدلية والو كيقتل القمل و يخلي صيبان و ملي جربت التيد مشا بمرة شكرا لك على المعلومة

بارك الله فيك والله احفض ليك بنيتك واجعلها من الذرية الصالحة

اختي تا انامجرباها شحال هادي و نتيجتها روعة وخا انا بصراحة جربت غير التيد بوحدو
منين شفت واحد البنات حدا لوستي فحي شعبي الشعر عندهوم واصل للركبة و الله على ما أقول شهيد و قالت لي لوستي هدوك مرات بأهم ما كتعطيهمش تا باش يشريو الشنبوان تيغسلو غر بالتيد و الما بارد و الما لي تيصخنو يا الله تيكفيهم باش يغسلو لحمهم
و انا ما صدقت خبر و بديت كنديرها كنهبط شعري غير فالبانيو دالحمام بالتيد و الما البارد و الله العظيم اختي يلا شعري ولى غزال و تبدل