السلام عليكم ورحمة الله اخواتي بما ان المنتدى هو تجمع لكل من ترغب في التغيير وفي التعلم وفي الاستفادة والافادة فقد رايت ان من واجبي ان اقدم النصح لكل الاخوات. الموضوع هو انني كنت مريت من تجربة اسال الله تعالى ان يكفر بها عن ذنوبي وان يثقل بها ميزان حسناتي. ولدت اخر بنت عندي وارتف ضغطي ونصحني الطبيب باش منعاودش ناخذ حبوب منع الحمل. وقررت انني ندير اللولب. دارت بنتي40 يوم ومشيت لمستوصف دارتولي الممرضة وقالت لي رجعي بع 15 يوم ديري كونطرول حيت رجعت لقيتها مشغولة بالجلبة اللي كيديرو فالبوادي. عاودت رجعت من بعد شهر نفس الجواب حتى دازت ثلاثة شهور .حيت قلباتني قالتلي ط§ظ„ظ„ظˆظ„ط¨ ماكاينش. اوا مانعاودش لكم على الخلعة اللي ركباتني حيت خفت لا نكون حملت مشيت درت ليكو قالي الطبيب ماكينش حمل او ط§ظ„ظ„ظˆظ„ط¨ مكاينش. صافي بزاف اللي قنعوني بللي غايكون طاح او بالصدفة مرضات بنتي وخديتها للمستشفى وسولت الطبيبة واش ممكن نعاود ديرلي ط§ظ„ظ„ظˆظ„ط¨ وحكيتلها المشكل اللي وقع لي قالتلي خاصك ديري راديو حتى نتاكدو بانه طاح عاد ندير ليك واحد اخر. حيت درت الراديو لقاو بان ط§ظ„ظ„ظˆظ„ط¨ تقب الوالدة ومشا المصران وتقبو وغادي كيزحف لباقي الاعضاء. غير الله سبحانه رحمني اما كنت غادي نمشي فيها. ودرت عملية زولو لي ط§ظ„ظ„ظˆظ„ط¨ وخيطو الرحم والمصران وقالي الطبيب خاصني نسط المبايض حيت كاينة خطورة باش نعاود نولد مرة اخرى. والله الى فوقما شفت شي وحدة عاد ولدات كنحس بان امومتي ناقصة واخا عندي 4 دراري . وكنصح كل واحدة باش تراقب اللولب
jp`dv lk hgg,gf
أختي حمد لله على سلامتك ولله يحفض لك وليدتك
أختي هدكشي علاش لاااازم من المراقبة بعد وضع اللولب ، في الأول 15 يوم من بعد كل شهر حتى تيستقر في مكانوا
الله يخليك لوليداتك
حتا أنا كنت كنفكر نديرو لكن خفت دابا دابا غير la pilule الله يعفو علينا أنا ماكرهتش ما نأخذ والو لكن عندي بنات وحدة على وحدة تبارك الله و الغربة بوحدي مكينش العوين
فاش تقب لك الرحم واش ماحسيتي بوالو لا وجع لا دم نزل
الحمد لله على سلامتك
الله يحفظك ويحفظ ليك وليداتك ان شاء الله.