السلام عليكم ورحمة الله وبركاته
اخواتي الغاليات اللي كانو معانا فموضوع ط³ظ…ط³ظ…ط© "طريقتي ظ„ظ„طظ…ظ„ نجحات من الشهر 1 قولو ما شاء الله وتفضلوه" قررت اليوم بموافقة الاخوات اللي كانو معانا باش نفتح هاد التجمع الجديد باش نواصلو فيه جمعتنا الكبيرة واللي بفضل الله حبينا فيها بعضياتنا برغم اختلاف المسافات والظروف الا انو يبقى القاسم المشترك بيناتنا هوتحقيق حلمنا في الامومة.
واكيد قبل ما ندخل فالموضوع نعطي فكرة على الطريقة اللي اعتمدتها الاخت ط³ظ…ط³ظ…ط© وجاب لها الله عليها التيسير وغادي ننقل النص اديالها كيما حطاتو
– تحديد الإباضة : عن طريق قياس الحرارة الصباحية كل نهار . شريت محرار رقمي و رسمت جدول باش نسجل الحرارة كل نهار من أول نهار ديال الدورة. درت البورطابل يفيقني كل صباح نفس الساعة مع 6.45 و ضروري ناخد الحرارة بلا ما نتحرك بزاف فالفراش يعني البورطابل و المحرار و الورقة فاش نقيد كلشي نبيتو قريب ليا
ايوة الحرارة بقات هي نفسها تقريبا شي 20 يوم من بداية الحيض (انا الدورة ديالي أطول من المعهود) من بعد هبطات الحرارة واحد الصباح و لاغد ليه صبحات طالعة بزاف على اللي كانت من الأول : ايوة هادي هي اليوماين الذهبيين د الإباضة ! يعني انا إباضة ديالي كانت على 20 يوم و البنات كاين اللي على 14 يوم كل وحدة و كيفاش
– تنشيط المبيض و الهرمونات : بديت نشرب الحلبة كل نهار من بداية الحيض ، كا نبيتها مفزكة فكاس د الماء و الصباح نزيد ملعقة عسل و نشربها على الريق. كاين بزاف د العشوب اللي منشطة و لكن انا اختاريت الحلبة لأنها غنية بالبروجسترون اللي انا عندي هابط و فنفس الوقت مزيانة للمعدة و تصفي البشرة. آه نسيت الفطور ديما فيه البيض على ود الطاقة
– صافي هدا هو البرنامج و وحبست الحلبة ابتداء من نهار اللي عرفت انه كانت فيه الإباضة : لأن في حال حدوث الحمل ما بغييتش نغامر معروف أن الحلبة كا تطيّح الحمل
– و حاجة أخيرة العلاقة الزوجية خاصها تكون خلال الدورة كاملة : مرة كل يوماين أو ثلاثة ابتداء من نهار تصفاي من الحيض باش تكون الحظوظ مضاعفة خصوصا الى ما تأكدتيش من النهار ديال الإباضة. و كا نظن من الأحسن ما تكونش العلاقة يوميا باش تخلي وقت كافي لتجدد الحيوانات المنوية.
و من بعد العلاقة تبقاي فالفراش و تديري مخدة تحتك ماشي تنوضي تجري للحمام. وخا هاد الطريقة ماشي علمية 100% و لكن حنا ما خاسرين والو
ايوة هدا ما كان نجحات طريقة الحرارة الصباحية وخا راني كنت من أكبر المشككين فيها لأن تا يقول ليك عوامل كثيرة تقدر تغيّر الحرارة من غير الإباضة ، و لكن غير انت تأكدي انك تاخدي الحرارة ديما بنفس المحرار، و بنفس الطريقة (يا إما الفم، الإبط أو التحت) ، و فنفس الساعة.
*********************
يا الله ط§ظ„ظ…ظ†طھط¸ط±ط§طھ تشجعو و توكلو و استافدو من تجربتي راني وخا صراحة ما تعطلتش بزااااف كاع و لكن كانو عندي عراقيل ها الهرمونات ها الفيبروم و الطبيبة صافي ولات كا تشوف ليا التخصيب الاصطناعي و اطفال الانابيب ….. و مع ذلك الواحد يدير غير السبب و ربي قادر يرزقو في رمشة عين. ان شاء الله تستفادو كاملين و ترجعو تبشرونا بشي كريشات عاجلا غير آجل
تحدير للأخوات
من الضروري للأخوات الراغبات في تطبيق الوصفة التأكد من وضعية الهرمونات لديهم لأن الحلبة مثلا ترفع من نسبة هرمون البرولكتين و بالتالي ف هي لن تناسب السيدات اللواتي يعانين من ارتفاع هاد الهرمون
فأنا شخصيا اعتمدت الحلبة بعد اجرائي تحليل أظهر انخفاض حاد في البروجسترون و هو الموجود بكثرة في الحلبة + نسبة البرولكتين عندي طبيعية
لهدا يجب اجراء تحليل هرموني او على الاقل توفر فكرة عامة عن وضعية الهرمونات قبل الشروع في أي وصفة
البنات حاجة أخرى : ملي كنت كا نسجل الحرارة اليومية : فالصباح طبعا عينيا نغمضين بالنعاس كا نقيد فأي ورقة حدايا، لكن من بعد خلال النهار كنت كا ندخّل ديك الحرارة باش نرسم مبيان حراري او بالفرنسية courbe detemperature
الغرض منه ان المبيان كا يبين ليك بسهولة فين هو النهار اللي طاحت فيه الحرارة و لا غد ليه ملي طلعات يعني حدثت إباضة، و الرسم ديما كا يبقى اسهل فالفهم من الارقام اللي كا يدوخو خصوصا ان الفرق كا يكون بأجزاء من الدرجة ماشي بزاف
ايوة طبعا انا معيكيزة ما كنتش كا نرسم فالمبيان بيدي ! كنت كا ندخل فهاد الرابط : https://www.mamanandco.fr/ovulation/c…-detection.php
الشرط اللي فيه كا يخصك تفتحي حساب و من بعد تولي تدخّلي الحرارة اليومية ديالك و هو فيه logiciel كا يكتشف بنفسه النهار ديال الإباضة يعني كا يسهل ليك انك تعرفي
راه بزاف د المواقع كا يديرو هاد الخدمة ديال مبيان الحرارة + هوما يقراو ليك فوقاش الاباضة انا عطيتكم الموقع اللي استعملته شخصيا غير باش توصل الفكرة نتمنى الاخوات المشرفات م يحذفوهش لأن ماشي غرضي ندير الاشهار :-]
هنا فهاد التجمع غادي نكملو على هاد الطريقة وغادي نتواصلو في مقاسمة تجاربنا لبعضنا البعض ومشاركة همومنا وافراحنا واسداء النصح لبعضنا البعض
واكيد البنات مغاديش يبخلو على الاخوات اديالهم باي نصيحة او تجربة او وصفة او….. لطيب اخلاقهم وكرمهم
واشد على ايدي اخواتي اللي كانو معانا واللي ان شاء الله غادي يستمرو معانا وعلى رأسهم : المحبة لوطنها، متشوقة لبيتي، زوجة عزيز، ام شروق وضحى، طيور النورس، نجلاء، نعيمة 85، زيزي هانم، ط³ظ…ط³ظ…ط© الوجدية، تميماشت، دائمة التفاؤل، سوسو88…. الى نسيت شي وحدة تسمحلي 
والدعوة مفتوحة للجميع اللي بغات تلتحق بينا مرحبا والف مرحبا
وغادي نبداو هنا من جديد وكل وحدة تدخل تحط تجربتها مع الحمل: شحال هادي وهي متزوجة؟ وشحال وهي تنتظر الحمل؟ واش كتستعمل شي طريقة او دواء؟ واش استعملت شي وصفة؟ او شي وحدة قريبة ليها او صاحبتها او من العائلة استعملت شي حاجة وجابلها عليها الله التيسير ….. المهم كل شي غادي نفوتكم فالتحقيق هههههههه
نبدا براسي انا مزوجة هادي عامين و4 شهور ودخلت فمحاولة ظ„ظ„طظ…ظ„ هادي 7 شهور التريتمو اللي كندير هو برولفين من اليوم 2 الى اليوم 5 من الدورة وايتروجستان من اليوم 16 الى اليوم 25 اعطاتني الطبيبة هاد التريتمة لمدة 3 شهور انا يا الله بديت فالشهر الاول ونطلبو الله يجيب التسير ويفرحنا جميع بالذرية الصالحة
يا رب يا ودود يا ودود يا فعال لما يريد ارزقني وارزق اخواتي الذرية الصالحة المعافاة من غير زيادة او نقصان
الله يجعل هاد الدار عتبتها خير علينا جميع والله يفرح كل منتظرة ولهلا يحرم شي وحدة من كلمة مــامــا
ربي لا تذرني فردا وانت خير الوارثين
احبكــــــــــــن في الله
ملاحضة: اخواتي المشرفات الله يجازيكم بخير الى جات على خاطركم خليو الموضوع فهاد القسم اديال الحمل متنقلوهش لقسم الصحبة لانو يحتوي على طريقة استعملتا الاخت ط³ظ…ط³ظ…ط© واللي تقدر تكون سبب لشي وحدة من بعد الله عزوجل
وجزاكن الله عنا خير الجزاء
j[lu wphfhj slslm hglkj/vhj ggplg ,hgljjfuhj g’vdrjih thgplg> sgsgm thgplg
تيشرفني نكون اول وحدة تترد على هاد التجمع الجديد واللي تنطلب من الله انو يكون فاتحة خير علينا
بالنسبة ليا مزوجة هادي ثلاث سنين التحقت براجلي من عام ونصف في بادئ الامر لم اكن مهتمة لموضوع الحمل كنت تنقول نعيش حياتي وبلاتي عليا وفاش دازت واحد ست او خمس اشهر بدات تتنتابني الرغبة في انو يكون عندي شي نونو بحيث درت ايكوغرافي جوج مرات الرحم ديالي مزيان خرجتلي الدكتورة في الاول دوفاستون وشي حاجة اخرى معقلتش اسميتها شربتهم المدة اللي قالتلي الطبيبة وما سهلش الله المرة الثانية خرجتلي دكتورة اخرى شي فيتامينات شربتهم شي مدة شهر صافي مسهلش الله قاسني الملل وانا نوقفو وطلبت مني نمشي ندير التحاليل على الغدة الدرقية درتهم ولله الحمد كلشي سليم
وهاد الخطرا منين هبطت للمغرب مشيت لواحد الدكتور دالي التلفازة قالي ما عندك والو غير ربما واحد المبيض عندك كسول شي شوية خاصو ينشط وغير قلتلو شحال تتعطل باش تتجيني الدورة قالي لا مامنظماش خاص على الاقل تبقا تجيك على شهر حيت انا تتجيني على شهر وخمس او اربع ايام
خرجلي شي كلوميد نتبعو من 5 الى 10 من ايام الدورة و lutenyl من 16 الى 25 من الدورة
ودارت ليا ماما شي عشوب بخرت بهم من البرد وصايباتلي قريعة ديال لعسل مع الحبة السودة مطحونة جبتها معايا وباقي مابديت فيها حتى يلا جاتني الدورة الله يغبرها
وجبت معايا عاود مردالدوش ولخزامة والحلبة وحاليا وقفت كلشي خفت نكون في الاباضة وياثرو عليا دوك لعشوب
وتنطلب من الله ان هاد الامور تكون فال عليا ويجيب بها رب التسير اللهم اميييييييييين
والله يفرحنا جمييع هاد الشهر وما يحرمناش من الذرية الصالحة
انا مزوجة هادي 7 سنين مخلينا تا طبيب متعلمش فينا ونا حاليا وقفت دواء نهائيا حيث زوجي مبغاش يمشي الطبيب ولكن كندير الحجامة كل شهر لعل الله يفرج عني بها اسأل الله العظيم رب العرش العظيم أن لا يحرمنا من الذرية الصالحة السوية السليمة
الف الف مبروووك علينا التجمع الجديد
الله يجعلو فال خير على كل اخت منتظرة يا ربي امين
مرحبا بالحبيبات مرحبا وزيد لقدام
تجمعنا على الخير و الاخوة و المحبة في الله مزينة جمعنا
الله يلاقينا في الجنة مجموعين على حوض النبي عليه الصلاة و السلام
احبكن في الله اخواتي
…………………………………………
بالنسبة لي حملت بمشقة من بعد انتظار تقريبا 4 سنوات الحمد لله رزقني ربي ب شروق ضحى الله يحفظها
من بعد ولادتها حسيت برغبة شديييييدة لانني نزيد نولد مستعملتش شي مانع للحمل بعد الولادة و محملتش
عندي تكيس المبيض و اضطراب فالدورة تبعت طريقة الاخت سمسمة 2 منحنيات محددوليش الاباضة
مشيت للطبيبة عطاتني دفاستون و بروليفين 50 مغ
لمدة 3 اشهر هادا اخر شهر فالعلاج الحمد لله الدورة لحد الساعة منتظمة لكن موقعش حمل
كنعطي لراجلي وصفة الثومة مع العسل الحر ربما يكون المشكل فيه هو الاخت حياة هي لي قالت لينا الوصفة .عملت بحث فالنت لقيت الكثيير كيشكرو فالوصفة على الله تكون سبب
ايوة هادا ماكان .الله يفرحني و يفرحكم جمييييعا ياربي امين