كل من تدخل تدعو لي بالذرية الصالحة.و يارب لا تحرم كل مشتاقة انا بغيت من كل اخت عندها تجربة مع شي طبيب نساء ان تحكيها سواء كانت ايجابية او سلبية حتى نتفادى بعد الاطباء الذين اصبح همهم الفلوس.و حتى نختصر الوقت و المال خصوصا و ان هدا المشكل اصبح منتشرا و علاجه غال جدا. انا كنطلب منكم التعاون و تكييف المشاركة لانني صرفت الكثير و بدون نتيجة. يارب لا تكلنا لسواك اذا و جدت تفاعلا فساحكي بعض تجاربي
j[lu j[hvf hgljhovhj td hgplg lu h’fhx hgurl hg[lg hgurg j[hvm
اختي الله يرزقنا اجمعيييييييييييين بالدرية الصالحة في القريب العاجل انا غادي نحكي ليك على تجربتي الخاصة مع واحد الطبيبة الحق يفال ونعم الطبيبة انسانة متواضعة جدا ودات خبرة عالية بحكم تجربتها في هاد الميدان مند35 سنة او اكتر هاد الطبيبة كنت كنسمع عليها بزاف وانا مزال بنت وعمري مظنيت اني عادي يجي اليوم لي حتى انا نمشي عندها المعروف على هاد الطبيبة ان لي عندك تقولو ليك والحل المناسب تنصحك بيه وشحال من وحدة جاب ربي االتيسييييييييييييييير وحملات على ايديها وهاد شي لي كتقول ليك هي بنفسها كتقول ليك انا غير عطيتك الدواء و ربي هو الرزاق لي كيدييييييير كلشي هاد الطبيبة لكا مشيت عندها كنت في واحد النفسية خايبة بزاف ظنيت بلي صافي مغاديش نحمل شي نهار لان الضغوط كانت كتيرة عليا تخيلي اختي التمن باش كتكشف عليك غير 120 درهم فقط كنعمل ليك اليكوغرافي فاجينال لي كيديروها الاطباء الاخرين بتقريبا500 او 300 درهم على حسب الطبيب و كدالك الايكوغرافي العادية و كتقلبك كزيان وكتفليييييييييك يعني مكتخلي حتى شي حاجة مكتديرها ليك بالاضافة قبل متدخلي عندها خاصك تشدي واحد السربيس بحال الى غادي يعطيوك الفيزا ديال ميريكان الممرضة قبل مكتدخلك عنها كتعمر ليك واحد الملف فيه التارييييييييخ ديالك كتسولك على بزاف الامور لي الاطباء الاخرين مكيديوهاش فيها تخيلي كشفات عليا وعطاتني الدواء وقالت لي رجعي على 3 اشهر يلا محملتيش انا مبغاتش تدخل ليا لراسي كيفاش على 3 اشهر عاد نرجع يعني خاصها تبقى متبعا معاياعلى الاقل مرة كل شهر وفعلا خديت الدواء في الشهر الاول مكان والو وفي الشهر التاني حملت بفضل الله تعالى كيف قالت لي والدواء كان هو السبب لما مشيت باش نخبرها بلي راني حاملة لقيت عيالات كانو تلاقيتهم ملي زرتها اول مرة حتى هما حملو في نفس الشهر و جاو يخبروها لكن الحمد لله على كل حال وقع ليا اجهاض ملي سليت الشهر 2 و دابا كنتسنى غير نرتاح واحد الشوية من الاجهاض ونمشي نشوفها تاني لعل وعسى ربي يجيب التسير على ايدها تاني اسم الطبيبة رشيدة المنصوري كاينة حدا الكلينيك ديال سيدي عتمان في العمارة لي ملاصقة معاه في الدر البيضاء كنتمنى نكون فدتك اختي والله يسهل على الجمييع اه نسيت انا كان عندي تكيس المبايض حكي لينا على تجربتك حتى نتي باش الكل يستفييييد
شكرا على الرد و ياربي يعوض عليك بالتوام في القريب العاجل انا سمعت على هذه الطبيبة الاخوات في المنتدى كيشكروها
7ta ana sma3t biha, ana kant kandawaz 3and dr najat fbournazil 3tatni wa7ad ta7lila ol9at 3andi nisbat l7omouda filmihbal 3alia;ogalt lia makayn ta7al manghir tal9i7 ,odaba ana mtab3a 3and professeur boutalb oyalah dar lia 3amalia bilmindar 7it 3andi takayos lmabayd,odar m3aya le 23/07 ondi m3aya ta7lila oychouf wach kayn chi dwa ola walo, iwa lah ysahal 3lina kamlin yarabi amine
ياربي يسهل عليك حتى انا من بعد خمسة سنوات ديال التنقل من عند طبيب الى اخر درت مؤخرا عملية المنظار و وجد عند الطبيب الالتصاقات على المبيضين و على الكرون حتى تسد واحد يارب شوف من حالنا ربى لا تذرنى فردا وانت خير الوارثين يارب هب لى من لدنك ذرية طيبة انك سميع الدعاء استغفر الله العظيم واتوب الية لا اله الا انت سبحانك انى كنت من الظالمين
اختي كنصحك تمشى عند رشيدة المنصوري راها مزيانة بزاف الله يرزقك بالثوام انت وكل المنتضرات يا رب
شكرا لك اختي كنت كنتمنى يكون تفاعل واش معجبكومش الموضوع ديالي انا كنشوف بان اختيار الطبيب المناسب هو الطريق لى العلاج بعد التوكل على الله سبحانه و تعالى لان التشخيص الغلط يؤدي الى ضياع الوقت و الفلوس والصحة.ولكن الذي لم يجرب الحرمان من الخلفة و الدوران على الاطباء لا يمكنه ان يعرف ما نعانيه من ضغط نفسي و غلاء الدواء لدرجة ان علبة الابر بيرجون الثمن هو 8000 درهم 
alah yjib lina chifa oysahal lina l asbab yarabi amine, oramadan 9arab lwa7ad yan9as man chhiwat oykatar man d3iwat,oyakhraj lina ramdan n9i inchalah
يا ربي يسهل علينا جمييييييييييييييعا بالدرية الصالحة الكاملة السلييييييييييييييمةفي هاد اليوم المبارك عند الله
شكراً لك اختي الكريمة عائ هدا الموضوع الدي يشغل بال العديد من الاخوات عسئ الله ان يرزقنا الذرية الطيبةجميعامعكم اختكم في الله متزوجة منذ 3 سنوات و لم ارزق بعد بالخلفة زرت الطبيب في السنة الاولئ بعد الفحص قال لي كل شيئ علئ ما يرام فقط مسالة وقت اعطاني بعض الهرموناتUtrogeston et prolifen لكن دون جدوئ بعدهااتجهت الئ الطب الشعبي الىسيدة مشهورة بالدار البيضاء بعد فحصي قالت عندك الوالدة ضايرة للضهر وبدون مشاورتى دارت لى لىكة(Ovule de plantes dans le vagin ) تبعت معاها حتى طبت اعزكم الله اوالو بل زرت الطبيب لعلاج الطيابو طلب تحاليل الزوج التي اتضح عنده نقص في عدد الحيوانات السليمة 15% مع بطى في الحركة لاندري ما العمل اخواتي انصحوني من مرت بنفس حالتي تخبرني اصبحت افكر كثيرا في الامر دون ان احسس زوجي الذي هو ايضا يعاني في صمت محب لكل الاطفال يلاعب كل طفل يمر امامهو السلام عليكم و لا تبخلو علي بردودكم