تجمع الرباعي المرح لإنقاص الوزن بهمة وجدية ونشاط البداية: 12/08

هنا كتبت مشكلتي مع ط§ظ„ظˆط²ظ† الزائد وتفاعلو معايا الأخوات الله يجازيهم بكل خير
https://echorouk.dzbatna.com/#351592

ودبا فتحت هاذ التجمع باش نبدا فيه خطوات التغيير إن شاء الله خطوة خطوة وغير بشوية , وكيف قلت فلموضوع السابق بغيت 3 أخوات يكونو معايا هنا باش نديرو يد فيد نشجعو بعضياتنا وعلاش ختاريت 3 ومخليتش العدد مفتوح , حيث غالبا الى كان العدد اكثر من 4 – 5 متيمكنش تتحكم فالتجمع ومتيكونش الالتزام وتيفقد اي موضوع قيمتو شوية بشوية حتى كيولي غير طھط¬ظ…ط¹ للدردشة وهادشي لاحظتو من بزف تجمعات مشي غير هنا انما فمنتديات اخرى عليها قررت يكون العدد صغير وتنضم ليه غير لي بغات تنقص من وزنها بجدية وصرامة ولي مزال مترددة خصها حتى تاخد القرار بقوة وتبغي فعلا تصبر على التغيير وتواصلو ماشي تبدا وتحبس.
هنا إن شاء الله نحاولو نمشيو دقة دقة ونغيرو نمط حياتنا ونمط أكلنا , نحاولو ؟ لا ماشي نحاولو , نلتازمو بأكل صحي بكل ماأوتينا من قوة ونبعدو على كل اكل غير صحي وكل شئ مضر لصحتنا وماشي نحاولو نبعدو , حيث صافي هنا تاخدنا لقرار وغادي نشطبو نهائيا على كلمة المستحيل /مشي نشطبو بدارجة ههههه لا بالعربية الفصحى/ وشعارنا : مسافة الألف ميل تبتدأ بخطوة.

ندوزو للبرنامج ديال الشهر الأول إن شاء الله :

1)المشي نصف ساعة يوميا سواء فالهواء الطلق ولا المشي على tapis roulant للي موجود عندها فدار أو اللي عندها الدروج فدار تطلع فيهم وتهبط لمدة 10 دقائق فالشهر الأول ومن بعد نزيدو المدة كل وحدة تختار وحد الاختيار من هاذ الثلاثة وتلتازم بيه يوميييييييييييييييييييييييا

2)شرب لترين من الماء يوميا وبالحساب يعني نعمرو زوج قرعات ديال لتر وماشي نحاولو نشربوه لا نشربووووووووووووه معندناش كلمة سأحاول بل سأفعل, تفاهمنا

3) نقصو السكر لمشروبات ,اللي كتشرب كاس قهوة ب2معالق سكر دير غير وحدة ولي كانت تشربها بوحدة دير النص يعني نصف المقدار لي كانت تتاخد ونفس الشئ للشاي وباقي المشروبات اما العصائر ممنووووووووووووووووووع السكر منعا باثا.هدشي غنتبعوه إلى حدود النصف من الشهر ونعاودو نقصو الكمية للنص مثلا انا كنت كندير 2 معالق سكر للقهوة دبا غنبدا ندير معلقة وبعد 15 يوم إن شاء الله غنبدا ندير نص معيلقة ومع بداية الشهر الاخر ان شاء الله غنزول السكر نهائيا من القهوة واتاي فهمتوني ولالا

4) يوميا على الريق كاس ماء ومعلقة ديال زريعة الكتان مطحونة

5)أي حاجة بغيتي ديريها ديريها لراسك يعني بغيتي كاس ديال الما متعيطيش على خك ولا ولدك يجيبو ليك ولا تسناي حتى تمشي بنتك للكوزينة وتقولي ليها جيبي لي معك كاس ديال الماء لالا لا بغيت نشرب نوض نشرب , بغيت تلكموند نمشي نهزها سونا شي حد نمشي نهز تلفون دق شي واحد مشي نحل ليه ملانترفون ولا نلوح ليه ساروت هههه نشوف شكون ونزل نحل يعني الحركة الحركة ياجدعان

5)الحلويات , هاذ الشهر نحيدوهم من القاموس ديالنا نهائيا نهائيا نهائيا وبعد شهر ان شاء الله غنبداو نديرو يوم واحد مفتوح فالاسبوع ولكن دبا باي باي حلويات واللي كلات شي حليوة تقولها لينا هنا فتجمع باش نختارو ليها العقوبة ليتناسبها

6)يويما قبل النهاس , نشربو كاس صغير ديال أتاي مسوس ولا ديال أعشاب بلا سكر

7)آخر وجبة خصها تكون على الأقل قبل النوم ب4 ساعات يعني بعد 8 ديال الليل ممنوع ناكلو شي حاجة ثقيلة ومسموح لينا ناكلو سلطة ولا نشربو عصير ولا ناكلو ديسير ولا يوغورت بلا ميكون مسوس فالشهر الاول

8)الخبز منتجاوزوش نصف خبزة صغيرة يوميا فرقوها على النهار كيبغيتو , ممكن ربع خبزة فالفطور وربع فالغذا ولا الثلث فالصباح الثلص فالغذا الثلث فالعشا المهم كل وحدة تختار لي بغات غير هو مكنقصدش خبزة كبيرة ديال دار كنقصد نص خبزة صغيرة لي تكون قد المحراشة ديال زنقة ههههه فهمتوني ونبعدو على خبز زنقة ناخدو ديال دار

9)فاليوم الواحد ثلاث وجبات لاغير فطور / غداء / عشاء
وبينهم ممنوع النشويات ممنوع سكريات ممنوع مقليات , بين الوجبات لي مسموع هو خيارة ولا تفاحة والماء صافي

10) شرب الماء يكون قبل الاكل بنصف ساعة ولا بعد الاكل بساعتين والديسير نفس الشئ ومن الافضل الفواكه ناكلوهم قبل الماكلة بنص ساعة منها هذا هو الامر الصحي ومنها نيت يعاونونا على الشبع باش منكتروش من الماكلة

11)كل وحدة يكون عندها دفتر صغير وستيلو تكتب فيه كل يوم قبل النعاس شنو كلات وشنو دارت فاليوم بالتفصيل الممل يعني كل اللي كيتعلق بالاكل والرياضة لي خرجات على البرنامج لي نفداتو بشكل تام … هدشي تيساعد باش كل وحدة تقييم راسها وتعرف الاخطاء لي دارت باش متعاودهومش وهنا فالتجمع كل ليلة نكتبو ابرز ماحصل يعني الاخطاء البارزة والتصرفات الصحية لي درنا المهم يومياتنا بشكل مختصر

12)قبل منبداو كل وحدة تمشي تعبر وتجي تقول شحال وزنها ومن بعد ك اثنين من كل اسبوع غيكون يوم الميزان نوزنو ونحطو أوزانا

13) لي عندها امكانية تشري ميزان خاص بيها , وتشري حبل وتوجد لبسة للرياضة

14)كل وحدة فينا تصلي زوج ركعات وتدعي الله تعالى يساعدها ويعاونها باش تنقص على قد النفع وتخلص النية لله عز وجل حنا بغينا نقصوو تكون عندنا صحة وخفة نعبدو الله تعالى ونحافظو على الصحة ديالنا لي ربي عاطيها لينا أمانة واي شي كيبدا بالاستعانة بالله ربي كيبارك فيه

15)كل وحدة تطلب من شي حد من عائلتها ياخد ليها صورة بشي لبسة تكون شوية مزيرة يعني تبين شكل الجسم باش ان شاء الله من بعد نتصورو بنفس اللبسة ونشوفو الفرق

16)كل وحدة فاش توزن راسها دير دك شريط ديال ط§ظ„ظˆط²ظ† فالتوقيع ديالها

17)طبعا المقليات ممنوووووووووووووووووع والأكل غالبا يكون خضرة مفورة ولا سلطة خضراء ولا شوربة مع قطعة لحم وحتى المرق نقللو منو ماامكن

هدشي لي تفكرت لي عندها شي حاجة تقولها لينا ونزيدوها فالبرنامج وهاذ النظام خاص بالشهر الاول يعني من 12/8 حتى 12/9 وغادي نديرو تقييم عام لدكشي لي درنا ومن تم نبدلو النظام نقسحوه شوية حيث ساعتها الجسم ديالنا غيكون ولف شوية التغيير وغيجيه ساهل نسبيا على التغيير دقة وحدة

لي معجبتهاش شي حاجة تقولهالي ونغيرها على الراس والعين ولي عندها اقتراحات مرحبا وحاليا

العضوات لي موجودات فهاذ التجمع هما : انا و escada والاخوات لي كتبو فالموضوع السابق انهم مستعدات ينضمو بغيتهم يأكدو انضمامهم باش نسدو باب الانضمام ونبداو على بركة الله وإلا ندخلو معنا زوج بنات اخريات المهم خصنا نكون 4 فقط ومكين باس الاخريات يقراو تجاربنا ويستافقدو والى عجبهم النظام كل اربعة اخريات يديرو طھط¬ظ…ط¹ خاص بيهم وهكدا